މިފަހުމު ނާމާގައި ސްޓެލްކޯގެ ފަރާތުން ސޮއެކުރެއްވީ އެކުންފުނީގެ މެނޭޖިންޑައިރެކްޓަރ ޙުސައިން ފަޙްމީއެވެ. އަދި އެމްއެންޔޫގެ ފަރާތުން އެއްބަސްވުމުގައި ސޮއެކުރެއްވީ އެމްއެންޔޫގެ ވައިސް ޗާންސެލަރ ޑރ. އައިޝަތު ޝެހެނާޒް އާދަމްއެވެ.

ދުނިޔޭގެ އެންމެ ފަޤީރު ޤައުމުތަކުގެ ތެރޭގައި ހިމެނޭ ބަނގުލަދޭޝްގައި މިދިޔަ މަހު މުޒާހަރާތައް ފެށުނީ، އެޤައުމުގެ ސަރުކާރުގެ ވަޒީފާތައް ދިނުމުގައި، އެޤައުމަށް މިނިވަންކަން ހޯދުމުގައި މަސައްކަތްކުރެއްވި ފަރާތްތަކުގެ އާއިލާތަކަށް ކޯޓާ ކަނޑައަޅާފައި އޮންނަ މައްސަލައިގައެވެ.

ގައުމީ އެއާރލައިން، މޯލްޑިވިއަންގެ އެތެރޭގެ އުދުހުންތަކާ ދިމާވާގޮތަށް ރާއްޖެ ޓްރާންސްޕޯޓު ލިންކު (އާރުޓީއެލް)ގެ ދަތުރުތަކަށް ބަދަލު ގެނަސް، ފްލައިޓުން ދަތުރުކުރާ ފަސިންޖަރުންގެ ދަތުރުތައް އިތުރަށް ފުރިހަމަ ކުރުމަށް މަސައްކަތް ކުރަމުން އަންނަ ކަމަށް އައިލެންޑު އެވިއޭޝަނުން ބުނެފިއެވެ.

އެމްއެންޑީއެފުން ހާމަކުރައްވާފައިވާ ގޮތުގައި އެންމެ ގިނަ ހާދިސާތަކުގެ ރިޕޯޓްތައް ލިބިފައި ވަނީ ތ. އަތޮޅާއި ލ. އަތޮޅުންނެވެ.

އީފާސް ސިސްޓަމަށް ދިމާވި ޓެކްނިކަލް މައްސަލައަކާ ގުޅިގެން، އެ ހިދުމަތް ބޭނުން ކުރުމުގައި ދަތިތަކާއި ކުރިމަތިލާން ޖެހިދާނެކަމަށް، ޑިޖިޓަލް ޚިދުމަތް ފޯރުކޮށްދޭ ޤައުމީ އިދާރާ، ނޭޝަނަލް ސެންޓަރ ފޯރ އިންފޮމޭޝަން ޓެކްނޮލޮޖީ (އެންސީއައިޓީ) އިން ބުނެފިއެވެ.

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން އުފައްދާފައިވާ ލޯކަލް ގަވަރމަންޓް އޮތޯރިޓީ (އެލްޖީއޭ)ގެ ޗީފް އެގްޒެކެޓިވް އޮފިސަރުގެ މަގާމަށް، މ. ކޮކާ ހަނދުވަރުގެ، މުޙައްމަދު ނިމާލް ޢައްޔަނުކުރައްވައިފިއެވެ. ނިމާލްއަށް މަގާމުގެ ފައިކޮޅު އަރުއްވާފައިވަނީ މިއަދު ރައީސުލްޖުމްހޫރިއްޔާގެ އޮފީހުގައި އޮތް ރަސްމިއްޔާތެއްގައެވެ.

ރައްޔިތުންގެ މަޖިލީހުގެ މިއަދުގެ ޖަލްސާގެ ފުރަތަމަ ދަންފަޅިއަށް އެޖެންޑާ ކުރި ދެ ރިޕޯޓަށް ބަހުސް ކުރާނެ މެންބަރަކު ނެތުމުންނާއި، ފްލެޓު ބަހުސްއަށް ހައުސިން މިނިސްޓަރު ޑރ. އަލީ ހައިދަރު ވަޑައިނުގެންނެވުމުން، 10 މިނެޓު ތެރޭގައި މަޖިލީހުގެ ޖަލްސާ މެދުކަނޑާލައިފިއެވެ.

މައްކާގައި އޮގަސްޓު 4-5 އަށް ކުރިޔަށްދާ އިސްލާމީ ގައުމުތަކުގެ އިސްލާމީ ވުޒާރާތަކުގެ ބައިނަލްއަޤްވާމީ މަހާސިންތާގެ ތެރެއިން ފަލަސްޠީނުގެ އިސްލާމިކް މިނިސްޓަރ ޑރ. މުޙައްމަދު މުޞްޠަފާ ނަޖުމުއާ ބައްދަލު ކުރައްވައި، އިސްލާމީ މަރުކަޒުގައި ޚުޠުބާއެއް ދެއްވުމަށް ދައުވަތު އަރުވައިފިއެވެ.

ސަރުކާރުގެ ބޯހިޔާވަހިކަމުގެ މަޝްރޫއުތަކުން، މާލެއާއި ރާއްޖޭގެ އެކި ސަރަހައްދުތަކުގައި ތަރައްގީ ކޮށްފައިވާ ހައުސިން ޔުނިޓުތަކަށް ދައްކަންޖެހޭ ފައިސާ މަހުން މަހަށް ދައްކަމުން ނުދާތީ، އެކަން ތަކުރާރުވަމުން ދާނަމަ ފިޔަވަޅު އަޅާނެ ކަމުގެ އިންޒާރު، ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ ވުޒާރާއިން ދީފިއެވެ. އާދީއްތަ ދުވަހުގެ ރޭ އެ މިނިސްޓްރީއިން އާންމުކުރި އިއުލާނެއްގައި ބުނީ، 1 ޖެނުއަރީ 2024 އިން ފެށިގެން، ފުލެޓުތަކުގެ ކުލި %20 ކުޑަކޮށްދީފައިވީ ނަމަވެސް، އެތަންތަނުގެ ކުލި ގަވާއިދުން ނުދައްކާ ކަމަށެވެ.

ސައުތު އޭޝިއަން އެސޯސިއޭޝަން ފޯ ރީޖަނަލް ކޯޕަރޭޝަން (ސާކް) ގެ ސެކްރެޓަރީ ޖެނެރަލްގެ މަގާމާ މިދިޔަ އޮކްޓޯބަރު މަހު ހަވާލުވެ ވަޑައިގެންނެވި، އެމްޑީ ގޮލަމް ސަރުވާރު މިއަދު ރާއްޖެއަށް ވަޑައިގެންފިއެވެ.

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން އުފައްދާފައިވާ ލޯކަލް ގަވަމަންޓް އޮތޯރިޓީ (އެލްޖީއޭ) ގެ ޗީފް އެގްޒެކެޓިވް އޮފިސަރ (ސީއީއޯ) ގެ މަގާމުގައި ހުންނެވި ޑރ. މަރިޔަމް ޒުލްފާ، އެ މަގާމުން ވަކި ކުރެއްވުމަށްފަހު ފޮރިން މިނިސްޓްރީގެ ސްޓޭޓް މިނިސްޓަރަކަށް އައްޔަން ކުރައްވައިފިއެވެ.

ނ. ހެނބަދޫ ޕޮލިސް ޑެސްކުގައި މަސައްކަތް ކުރަމުންދާ ފުލުހެއްގެ ސައިކަލަށް ގެއްލުންދީ، އެހެން ފުލުހެއްގެ ސައިކަލު ރޯކޮށްލި މައްސަލައިގައި އެ ރަށުން ދެ ފިރިހެނަކު މިއަދު ހައްޔަރުކޮށްފިއެވެ. ފުލުހުން ހާމަކޮށްފައިވާ މައުލޫމާތަށް ބަލާއިރު، އެ މައްސަލައިގައި ހައްޔަރުކޮށްފައިވަނީ ހެނބަދޫ ސެލްވިޔޯ، އިލްޔާސް އިބްރާހީމާއި އެ ރަށު ހުދުތަރި މުހައްމަދު އިރުޝާދުއެވެ. މި ދެ މީހުންނަކީ ވެސް އުމުރުން 33 އަހަރުގެ ދެ މީހުންނެވެ.

ފުލުހުންގެ އިދާރާއިން ވިދާޅުވީ މިއޮގަސްޓްމަހުގެ 2 ވަނަ ދުވަހު ހަނިމާދޫ އެއާޕޯޓުގައި މަސައްކަތް ކުރާ ބިދޭސީ ދެ މުވައްޒަފެއްގެ މެދުގައި ހިނގި މާރާާމާރީ އާއި ގުޅިގެން އެކަކު ހައްޔަރުކޮށްފައިވާ ކަމަށާއި، އޭނާގެ ބަންދާއި މެދު ގޮތެއް ނިންމުމަށް ހަނިމާދޫ މެޖިސްޓްރޭޓް ކޯޓަށް ހާޟިރުކުރުމުން އޭނާގެ ބަންދަށް 15 ދުވަސް ޖަހައިދީފައިވާ ކަމަށެވެ.

މޯލްޑިވްސް ފުޑް އެންޑް ޑްރަގް އޮތޯރިޓީން ވިދާޅުވީ، އަލެގްރާ 30މިލިގްރާމްގެ 5 އެމްއެލް ފުޅީގެ ތިން ބެޗަކުން، ކޮލިޓީގެ މައްސަލަތަކެއް ފާހަގަވެފައިވާ ކަމަށެވެ. އެހެންވެ އެބެޗްތަކުގެ ބޭސް ރާއްޖޭގައި ބޭނުންކުރުމާއި ވިއްކުން މަނާކޮށްފައިވާ ކަމުގައި އެމްއެފްޑީއޭއިން ވަނީ ވިދާޅުވެފައެވެ.

އިސްލާމީ ގައުމުތަކުގެ އިސްލާމީ ވުޒާރާތަކަށް އަމާޒުކޮށް ބާއްވަމުން އަންނަ ބައިނަލްއަޤްވާމީ މަހާސިންތާގައި ބައިވެރިވެވަޑައިގަތުމަށް އިސްލާމީ ކަންތައްތަކާ ބެހޭ ވަޒީރު، ޑރ. މުޙައްމަދު ޝަހީމް ޢަލީ ސަޢީދު ސަޢޫދީ ޢަރަބިއްޔާއަށް ވަޑައިގެންފިއެވެ.

ދާހިލީ ވުޒާރާއިން ހޮނިހިރު ދުވަހު އާންމުކުރި ބަޔާނެއްގައި ބުނީ، އިނގިރޭސިވިލާތުގެ ހުޅަނގު އުތުރުގައި ހިމެނޭ ސައުތުޕޯޓުގައި ކުޑަކުދިންގެ ޑާންސް އަދި ޔޯގާ ކްލާހަކަށް ވަޅިން ހަމަލާދިނުމުގެ ހާދިސާގައި ތިން ކުޑަކުދިން މަރާލާފައިވުމާ ގުޅިގެން މުސްލިމުންނާ ދެކޮޅަށް ސިލްސިލާ މުޒާހަރާތައް ކުރަމުންދާ ކަމަށެވެ. އެހެންކަމުން، ޚާއްސަކޮށް ސައުތުޕޯޓް އަދި ސަރަހައްދާ ވަށައިގެންވާ ސަރަހައްދުތަކުގައި ދިރިއުޅޭ ދިވެހީން އިތުރަށް ސަމާލުވާން ޖެހޭނެކަމަށް، އެ ވުޒާރާއިން ނެރުނު ބަޔާނުގައި ބުނެފައިވެއެވެ.