ހޯމަ ދުވަހުން ފެށިގެން އިޒްރާއީލުން ލުބުނާނަށް ދެމުން އަންނަ ވައިގެ ހަމަލާތަކުގައި މަރުވި މީހުންގެ އަދަދު 700އަށް ވުރެ މަތިވެއްޖެއެވެ.

ލުބުނާނުގެ ހެލްތު މިނިސްޓަރ ފިރާސް އަބިއާދު ވިދާޅުވި ގޮތުގައި، ރޭ ދިން ހަމަލާތަކުގައިވެސް ފަތިސްވުމާއި ހަމައަށް 25 މީހަކު މަރުވެފައިވެއެވެ. 

ލުބުނާނުގެ ހިޒްބުﷲ ހަނގުރާމަވެރިންނާއި ދެކޮޅަށް އިޒްރާއީލުންދޭ ހަމަލާތައް ވަރުގަދަކޮށްފައި ވަނީ، ހޯމަ ދުވަހުންފެށިގެންނެވެ. ދެކުނު ލުބުނާނުގެ ސަރަހައްދުތަކަށާއި، ބެއިރޫތަށްވެސް އިޒްރާއީލުން ވަނީ ހަމަލާދީފައެވެ. މިހަމަލާތަކީ ހިޒްބުﷲއިން އިޒްރާއީލްގެ ތެލްއަވީވަށް މިހަފްތާގައި ދިން ހަމަލާތަކާއި ގުޅިގެން ދޭންފެށި ހަމަލާތަކެއް ކަމުގައި އިޒްރާއީލުން ވަނީ ބުނެފައެވެ.

އިޒްރޭލުގެ ހައްދުފަހަނަ އެޅި އަސްކަރިއްޔާއިން ފަލަސްޠީނަށް ދެމުން އަންނަ ހަމަލާތަކުގައި ޣައްޒާ މިހާރު ވަނީ މުޅިން ސުންނާފަތިކޮށްފައެވެ. އިޒްރޭލުން ޣައްޒާއަށްދެމުންދާ ހަމަލާތަކުގައި މިހާތަނަށް، 41،534 އަށްވުރެ ގިނަ މީހުން ވަނީ މަރުވެފައެވެ. އަދި 96000 ވުރެ ގިނަ މީހުން ވަނީ ޒަޚަމްވެފައެވެ.