ހުޅުމާލޭގެ ފޭސް 01ގައި ހިންގަމުންދާ 06 ކެފޭ ނުވަަތަ ހޮޓާ ބަލައި ފާސްކޮށް، 16 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފައިވާ ކަމުގައި އިމިގްރޭޝަނުން ވިދާޅުވެއްޖެއެވެ.

ޓާސްކް ފޯހާއި އެކު އިމިގްރޭޝަނުން މިއޮޕަރޭޝަން ހިންގާފައި ވަނީ، މި މަހުގެ 24 އަދި 25 ވަނަ ދުވަހުގައެެވެ.

އިމިގްރޭޝަނުން ހާމަކުރައްވާފައިވާ ގޮތުގައި، ބަލައިފާސްކުރެވުނު ތަންތަނުގެ ތެރެއިން، ނަގަންޖެހޭ ބައެއް ހުއްދަތައް ނުނަގާ ހިންގަމުންދިއަ 03 ކެފޭއަކަށް ކަމާގުޅުންހުރި އިދާރާތަކުން ވަނީ ނޯޓިސް ދީފައެވެ.

އިމިގްރޭޝަނާއި ކަމާއި ގުޅުން ހުރި އިދާރާތައް ގުޅިގެން ޤަވާއިދާއި ޚިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަންތަކުގައި މިހާތަނަށް، ގިނަ އަދަދެއްގެ އިމިގްރޭޝަންގެ ބެލުމުގެ ދަށަށް ގެންގޮސް ވަނީ ޑީޕޯޓްކޮށްފައެވެ.