ފުލުހުންގެ އިދާރާއިން ވިދާޅުވީ، ރޭ ދަންވަރު ހިޔާ ފްލެޓެއްގައި އަންހެނަކު ރޯ އަޑާއި އެހީއަށް އެދި ގޮވާއަޑު އިވިގެން ފުލުހުން އެ އެޕާޓްމަންޓަށް ދިޔަކަމަށެވެ. އަދި ފުރަތަމަ ފަހަރު ދޮރުހުޅުވުމަށްފަހު، ކަމެއް ނުހިނގާ ކަމަށް ބުނެ ފިރިހެނަކު ދޮރުލައްޕައި ތަޅުލި ކަމަށާއި އެހެން ނަމަވެސް އަންހެންމީހާ ރޯ އަޑާއި އެހީއަށް އެދި ގޮވާއަޑު އަނެއްކާވެސް އިވޭތީ، ފުލުހުން ދޮރުހުޅުވަން އެނގުމުން ދޮރު ނުހުޅުވި ކަމަށެވެ.

ދިވެހި ފުލުހުންގެ ޚިދުމަތުން ހާމަކުރައްވާފައިވާ ގޮތުގައި، ޤަވާއިދާއި ޚިލާފަށް މަގުމަތީގައި ގިނަ ދުވަސް ވަންދެން ބަހައްޓާފައިވާ އުޅަނދުތައް ނަގައި ޓޯވ ކުރުމުގެ މަސައްކަތް ކުރަމުންދާނީ، ސެޕްޓެމްބަރު 14 ވާ ހޮނިހިރު ދުވަހުގެ ހެނދުނު 8:00 އިން ފެށިގެންނެވެ. މިމަސައްކަތް ފުލުހުން ކުރިޔަށް ގެންދާނީ އެޗްޑީސީއާ ގުޅިގެންނެވެ.

އިކޮނޮމިކް މިނިސްޓްރީން ހާމަކޮށްފައިވާ ގޮުތުގައި، މި އެއްބަސްވުމުގައި ސޮއެކޮށްފައި ވަނީ އިއްޔެއެވެ. މިއެއްބަސްވުމަކީ، ދިވެހި ސަރުކާރާއި ޗައިނާގެ ޕީޕަލްސް ބޭންކު (ޕީއޯބީސީ) އާ ދެމެދު، ކަރަންޓް އެކައުންޓް މުއާމަލާތްތައް ދެ ޤައުމުގެ ފައިސާއިން ހިންގުމަށް މަގުފަހިކޮށްދިނުމަށް ވެވުނު އެއްބަސްވުމެއް ކަމުގައި އެމިިނިސްޓްރީން ވިދާޅުވެއެވެ.

މިނިސްޓަރ އާދަމް ޝަރީފް ވިދާޅުވީ، ޤާނޫނު އަސާސީގެ 14 ވަނަ މާއްދާގައި ބުނަނީ، ދިވެހިރާއްޖޭގެ ވެރިކަން ކުރާ ރަށަކީ މާލެ ކަމަށެވެ. އަދި އެކަން ޤާނޫނު އަސާސީގައި ބަޔާންކޮށްފައި އޮންނައިރު، ވެރިކަން ކުރާ ރަށަކީ، ކ. މާލެ ކަމަށް ބާޔަން ކޮށްފައި ނޯންނަ ކަމަށާއި، އަދި ސަރުކާރުގެ ގިނަ ރަސްމީ ލިޔުންތަކުގައި، ކ. މާލެ ލިޔެފައި ނޯންނަ ކަމުގައިވެސް މިނިސްޓަރ އާދަމް ޝަރީފް ވިދާޅުވިއެވެ.

ހުޅުމާލެ ފޭސް - 2 ގައި ބަހައްޓާފައިވާ 132 ކިލޯ ވޯޓުގެ ހައިވޯލްޓޭޖް ސަބްސްޓޭޝަނާއި މާލޭ އިންޓަކަނެކްޝަން ގްރިޑާ ގުޅުވުމުގެ މަސައްކަތް ކުރުމަށްޓަކައި މާދަމާ (ހުކުރު ދުވަހު) ހެނދުނު އެއް ގަޑިއިރަށް މާލެ އާއި ހުޅުމާލެއިން ކަރަންޓު ކެނޑިދާނެ ކަމަށް ސްޓެލްކޯ އިން ބުނެފިއެވެ.

އާސަންދައިން ހާމަކޮށްފައިވާ ގޮތުގައި، އުމުރުން 65 އަހަރުގެ އެމީހާއަކީ އެއަރ އެމްބިއުލާންސް މެދުވެރިކޮށް ސައުދީ ޢަރަބިއާގެ ޖިއްދާއިން އިންޑިއާއަށް ޒަކާތު ފަންޑުގެ އެހީގައި ގެންދެވިފައިވާ މީހެކެވެ. މިގޮތުން އާސަންދަ، އެންސްޕާ އަދި ޒަކާތު ފަންޑު ހިމަނައިގެން ދައުލަތުގެ ފަރާތުން އެހީގެ ގޮތުގައި ގާތްގަނޑަކަށް 1.5 މިލިއަނަށްވުރެ ގިނަރުފިޔާ މިހާތަނަށް އެމީހާއަށް ވަނީ ހަމަޖައްސައިދީފައެވެ.

ބޭންކް އޮފް މޯލްޑިވްސްއިންކޮށްފައިވާ އިޢުލާނުގައި ބުނެފައި ވަނީ، ބީއެމްއެލް އިންޓާންޝިޕް ޕްރޮގްރާމްގައި ބައިވެރިވާން ބޭނުން ފަރާތްތަކުން 17 ސެޕްޓެމްބަރު 2024 ގެ ކުރިން ހުށައަޅަން ޖެހޭނެ ކަމަށެވެ. މި އިންޓާޝިޕް ޕްރޮގްރާމްގައި ބައިވެރިވާ ބޭނުންވާ ފަރާތްތަކުން އެކަމަށް އެެދި ހުށައަޅަންޖެހޭނީ އޮންލައިން ކޮށެވެ.

މުވައްޒަފުން ހުށައަޅާފައިވާ ޕެޓިޝަނުގައި ވަނީ، މުވައްޒަފުންގެ އިންސާނީ ކަރާމާތަށް އުނިކަން ލިބޭ ފަދަ ކަންކަން ބަހާއި އަމަލުން ކުރައްވާ ކަމުގެ ތުހުމަތު ތަކާއި، ޤާނޫނާއި ޤަވާއިދާއި ޚިލާފަށް މުވައްޒަފުންލައްވައި، މަޤާމާއި މަޤާމުގެ މަސްޢޫލިއްޔަތާއި ޒިންމާގައި ނުހިމެނޭ ކަންކަން ކުރުވާ ކަމަށާއި، އަދި މުވައްޒަފުންނާއި މެދު ތަފާތުކުރުން ގެންގުޅޭ ކަމަށް ތުހުމަތުކޮށްފައެވެ.

އެމަނިކުފާނު ކުރެއްވި ޓްވީޓެއްގައި ވިދާޅުވީ، ޑޮކްޓަރީ ބޭސް ރާއްޖެ އެތެރެކޮށް ވިއްކާ އަގުތައް ރާއްޖޭގެ ބާޒާރުގައި މިހާތަނަށް ހުރީ %200 އިން ފެށިގެން %2000 އާއި ދެމެދުގެ ފައިދާއެއް ނަގާ މިންވަރުގައި ކަމަށެވެ. އަދި ބޭސް ވިއްކުމުގައި މިވަރުގެ ބޮޑު ފައިދާ ނެގުން ހުއްޓުވުމަށްޓަކައި އަޅަންޖެހޭ ފިޔަވަޅުތައް އެޅުމަށް ކަމާގުޅުންހުރި އެންމެހައި މުއައްސަސާތަކަށް މިހާރު ވާނީ އަންގަވާފައި ކަމުގައިވެސް އެމަނިކުފާނު ވަނީ ވިދާޅުވެފައެވެ. އެކަމުގެ ސަބަބުން، ބޭހުގެ ބާޒާރު އަގާއި އާސަންދައިން ޗާޖުކުރާ އަގު ދަށްކުރެވިގެންދާނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ކޯރުން ދައުރުވާ ފެން ހިފެހެއްޓުމަށް ހަދާފައިވާ ޑޭމެއް ވެއްޓުމުގެ ސަބަބުން ނައިޖީރިއާގެ އިރުއުތުރުގެ ހިސާބެއްކަމުގައިވާ، ބޯނޯގައި ފެންބޮޑުވެ އެ ހިސާބު އެއްކޮށް ފެނު އަޑިއަށް ގޮސްފިއެވެ. މި ހާދިސާގެ ސަބަބުން އެ ހިސާބުގެ އެތައް މިލިއަން މީހަކަށް ގެއްލުންވުމުގެ އިތުރުން، އެ ހިސާބުގެ އަވަށެއް ކަމުގައިވާ މައިޑުގުރީގައި ހުރި ޒޫއަކަށް ގެއްލުންވެ، އެތާންގައި ތިބި ކިނބޫތަކާއި ހަރުފަތަށް ވެސް ވަނީ އާންމުން ދިރިއުޅޭ ހިސާބުތަކަށް ގޮސްފައެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި، އެ މީހާ މަރުވެފައި އޮއްވައި ފެނިގެން ފުލުހުންނަށް ރިޕޯޓުކުރީ ހެނދުނު 8:30 ހާއިރު އެވެ. އަދި އެމީހާ ފަޅުތެރެއިން ނަގައިގެން ކުޅުދުއްފުށީ ރީޖަނަލް ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ހޮސްޕިޓަލާއި ހަވާލާދީ ފުލުހުން މައުލޫމާތު ދީފައިވެއެވެ.

ފުލުހުންގެ އިދާރާއިން ވިދާޅުވީ، މީހެެއްގެ ޖީބުން މަގު މައްޗަށް ވެއްޓި 17000 ވުރެ ގިނަ ރުފިޔާ ގެއްލިފައިވާ ކަމަށް ފުލުހުންނަށް ރިޕޯޓްކޮށްފައި ވަނީ، މި ސެޕްޓެމްބަރު މަހުގެ 9 ވަނަ ދުވަހުގައި ކަމަށެވެ.

މިސަރުކާރުން، ސަރުކާރުގެ އިދާރީ އޮނިގަނޑު އެކުލަވައިލި އިރު، އެންމެ ފުރަތަމަ ހަމަޖައްސާފައި އޮތީ އެއިދާރާ، މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ދަށުން ހިނގަމުން ގެންދާ ގޮތަށެވެ.

ފުލުހުންގެ އިދާރާއިން ވިދާޅުވީ މަރުގެ އެމައްސަލަ އާއި ގުޅިގެން މިހާތަނަށް މީހަކު ހައްޔަރުކޮށްފައި ނުވާ ކަމަށާއި، އެމައްސަލަ ބަލަމުންދާ ކަމަށެވެ.

އެރަށުން މައުލޫމާތު ދިން ގޮތުގައި ފަޅު ތެރޭގައި އޮތް އެމީހާ އޮތީ މަރުވެފައެވެ. އަދި އެއީ ކުޅުދުއްފުއްޓަށް ނިސްބަތްވާ އެރަށުގެ ޒުވާނެއް ކަމުގައިވެސް މައުލޫމާތު ލިބިފައިވެއެވެ. އެއީ މުޙައްމަދު ޙަސަން ނަމަކަށް ކިޔާ އުމުރުން 36 އަހަރުގެ ޒުވާނެއް ކަމުގައިވެސް ކުޅުދުއްފުށިން މައުލޫމާތު ދިން ބައެއް މީހުން ބުނެފައި ވެއެވެ.

އިއްޔެ އަލިފާނުގެ ހާދިސާ ހިނގި ހ. ދޫހިމެރިގެއަކީ، ޑެކް އަޅައިގެން ފިލަޔާއި ލަކުޑިއާ ޓިނު ބޭނުންކޮށްގެން ތިންބުރިއަށް ހަދާފައިވާ ގެއެކެވެ. އިއްޔެ މެންދުރުފަހު 14:48 ހާއިރު އެގޭގަިއ ރޯވި އަލިފާން ނިވާލެވުނީ، އެގޭގެ ބައެއް ބައިތައް މުޅިން އަނދައިގެން ދިޔަ ފަހުންނެވެ. އަދި އަލިފާނުގެ އެ ހާދިސާގައި ޖެހިގެން ހުރި އިމާރާތަށްވެސް ގެއްލުންތައް ލިބުނެވެ. އަދި ރޭވެސް އެގޭގައި އަލިފާނުގެ ހާދިސާއެއް ވަނީ ހިނގާފައެވެ.