ސައިކަލެއްގެ ޕޮކެޓް ތެރޭގައި ހަނދާންނެތި މީހަކަށް ބޭއްވުނު 32000ރ ގެ އަގުހުރި ފޯނެއް ފުލުހުން ހޯދައިދީ ވެރިފަރާތާއި ހަވާލުކޮށްފިއެވެ.

ފުލުހުންގެ އިދާރާއިން ވިދާޅުވީ، މާލޭ ދީދީ ގޯޅި ތެރޭގައި ޕާކުކޮށްފައި ހުރި ސައިކަލެއްގެ ޕޮކެޓްތެރޭގައި މީހަކަށް ހަނދާންނެތި ބޭއްވުނު ފޯނު ވަގަށް ނަގާފައިވާ ކަމުގެ ރިޕޯޓް ފުލުހުންނަށް ލިބިފައި ވަނީ، މިމަހުގެ 21 ވަނަ ދުވަހުގައި ކަމަށެވެ. އަދި އެރިޕޯޓާއި ގުޅިިގެން ފުލުހުން އެސަރަހައްދުގެ ސީސީޓީވީ ފުޓޭޖް ބަލައި، އެ ފޯނު ގެންދިޔަ މީހާ ހޯދައި، އެފޯނު ވެރިފަރާތާއި ހަވާލުކޮށްފައިވާ ކަމަށެވެ.

މާލޭގެ މަގުތަކުގައި ގިނަ އަދަދެއްގެ ސީސީޓީވީ ކެމެރާ ހަރުކޮށް ފުލުހުން މާލެތެރެބަލަހައްޓަމުންދާއިރު، މިގޮތަށް ގެއްލޭ ތަކެތި ފުލުހުން އަންނަނީ ހޯދައިދެމުންނެވެ.