ތިލަދުންމަތީ އުތުރުބުރީ އިހަވަންދޫ ކައުންސިލާއި، މޯލްޑިވްސް ޕޯޓްސް ލިމިޓެޑުން ހއ. އިހަވަންދޫގައި ސްލިޕްވޭއަކާއި، ޑޮކްޔާޑެއް ތަރައްޤީ ކުރުމާއި ގުޅޭ ފަހުމު ނާމާއެއްގައި މިއަދު ސޮއިކޮށްފިއެވެ.

މިފަހުމުނާމާގައި ސޮއިކޮށްފައި ވަނީ، އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް އާއި، އެކައުންސިލްގެ މެމްބަރު އަޙްމަދު ޞަބާޙްއެވެ. މިކަމަށްޓަކައި އެރަށުގައި މިއަދު ވަނީ ޚާއްޞަ ރަސްމިއްޔާތެއްވެސް ބާއްވާފައެވެ.

މިއީ އިހަވަންދޫގައި ޑޮކްޔާޑެއް އެޅުމަށް އެއްބަސްވުމެއް ހެދި ދެވަނަ ފަހަރެވެ. މީގެ ކުރިން އެމްޓީސީސީއާއެކުވެސް އެކައުންސިލުން ވަނީ އެފަދަ އެއްބަސްވުމެއް ހަދާފައެވެ. އެހެން ނަމަވެސް އެމަސައްކަތް ކުރިޔަށް ނުގެންދެވި އެއްބަސްވުން އުވާލިކަން ކައުންސިލުން ހާމަކުރީ މި ނިމުނު ހަފްތާގައެވެ.

އެމްޕީއެލްއިން އިހަވަންދޫ ކައުންސިލަށް ހަދިޔާ ކުރި ކެރޭނު --

މީގެ އިތުރުން އެމްޕީއެލްއިން މިއަދު ވަނީ އިހަވަންދޫ ކައުންސިލަށް ކެރޭނެއްވެސް ހަދިޔާކޮށްފައެވެ.

އިހަވަންދިއްޕޮޅުގެ އެންމެ އުއްމީދީ އެއްމަޝްރޫޢު ކަމުގައިވާ ބަންކަރިންގެ ޚިދުމަތް އިއްޔެ ވަނީ ފަށާފައެވެ.