Advertisement
ފުލުހުންގެ އިދާރާ --
މާލޭގައި ގެއެއްގެ ދޮރުގެ ބިއްލޫރިގަނޑެއް ވެއްޓި މަގުމަތީ ހުރި މީހަކު ޒަޚަމްވެއްޖެ
މާލޭގައި މިރޭ ގެއްގެ ދޮރުގެ ބިއްލޫރި ގަނޑެއް ވެއްޓި މަގުމަތިން ދިޔަ މީހަކު ޒަޚަމްވެއްޖެއެވެ.
ފުލުހުންގެ އިދާރާއިން ވިދާޅުވީ، މިހާދިސާ ހިނގާފައި ވަނީ މިރޭގެ 19:12 ހާއިރުގައި ކަމަށެވެ. އެވަގުތަކީ މާލެއަށް ވަރަށް ބޯކޮށް ވާރޭ ވެހެމުން ދިޔަ ވަގުތެކެވެ.
ފުލުހުންގެ އިދާރާއިން ވިދާޅުވީ، ބިއްލޫރިގަނޑު ވެއްޓިފައި ވަނީ މާފަންނު ޖަހާމުގުރި ގޯޅީގައި ހުރި ގެއެއްހެ ހަވަނަ ފަންގިފިލާއިން ކަމަށެވެ. ހާދިސާގައި އަނިޔާވީ އެވަގުތު ތިރީގައި ސައިކަލެއް ޕާކުކުރަން އުޅުނު މީހެކެވެ. ފުލުހުން ވިދާޅުވި ގޮތުގައި އޭނާ ޒަޚަމްވީ މަތިން ބިއްލޫރިގަނޑު ވެއްޓި ސައިކަލެއްގައި ޖެހި ތަޅައިގެން ދިޔަ ވަގުތު ބުރައިގެން ދިޔަ ބިއްލޫރިކޮޅުތައް އޭނާގެ ގަޔަށް ހެރިގެންނެވެ.
ފުލުހުންގެ އިދާރާއިން ވިދާޅުވީ، ހާދިސާ އާއި ގުޅިގެން ފުުލުހުން އެމައްސަލަ ބަލައި ތަޙްޤީޤު ކުރަމުންގެންދާ ކަމަށެވެ.
