Fazeege Hijama Clinic Bandhu kuran fuluhun nukumejje

Advertisement

ފަޒީސް ހިޖާމާ ތެރަޕީ --

22 Sep 2024

ޚަބަރު

ޢަލީ ސުލައިމާން

ފަޒީގެ ހިޖާމާ ކުލިނިކް ބަންދުކުރަން ފުލުހުން ނުކުމެއްޖެ

ހެލްތު މިނިސްޓްރީގެ ހުއްދަ ނުހޯދައި، ހިޖާމާ ޖެހުމުގެ ޚިދުމަތްދޭ ކްލިނިކެއްގެ މައްސަލަ އެމިނިސްޓްރީން ހުށައަޅާފައިވާތީ، އެ ކަން ތަޙްޤީޤު ކުރަމުންދާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ހެލްތު މިނިސްޓްރީން އެ އިދާރާއަށް ހުށައަޅާފައި ވަނީ، ހުއްދަ ނުނަގައި ހުޅުމާލޭގައި ހިންގަމުން އަންނަ ކްލިނިކެއްގެ މައްސަލަ ކަމަށެވެ. އެއީ ކޮން ކްލިނިކެއްކަން ފުލުހުން ހާމަކޮށްފައި ނުވި ނަމަވެސް އެކްލިނިކަކީ، ފަޒީސް ހިޖާމާ ތެރަޕީގެ ނަމުގައި ހިންގަމުުން އަންނަ ކްލިނިކްކަން އެނގިފައިވެއެވެ.

2016 ވަނަ އަހަރުން ފެށިގެން ހިންގަމުން އަންނަ އެކްލިނިކް ބަންދު ކުރުމަށް މީގެ ކުރިންވެސް ހެލްތު މިނިސްޓްރީން މަސައްކަތްކޮށްފައިވެއެވެ. މިފަހަރުވެސް އެތަން ބަންދުކުރުމަށް ހެލްތު މިނިސްޓްރީން އެންގުމުން އެ މިނިސްޓްރީގެ އެންގުމަށް ތަބާ ނުވެ ފަޒީ އަންނަނީ ކްލިނިކް ހިންގަމުންނެވެ.

ފުލުހުންގެ އިދާރާގައި ހެލްތު މިނިސްްޓްރީ އެ ކްލިނިކް ބަންދުކޮށްދިނުމަށް އެދިފައި ވަނީ އެތަން ހިންގާ ފަރާތްތަކުން ހެލްތު މިނިސްޓްރީގެ އެންގުމަށް ތަބާވެފައި ނުވާތީއެވެ.

ޚަބަރު

ކޮމެންޓް

އިތުރު އާޓިކަލް

މިއަދު 4 އިން 5 އަށް މާލެއިން ކަރަންޓް ކެޑިދާނެ: ސްޓެލްކޯ

ސްޓެލްކޯއިން މިއަދު މާލޭގެ ކަރަންޓު ޑިސްޓްރިބިއުޝަން ވިއުގައިގައި ކޮންމެހެން ކުރަންޖެހޭ މުހިއްމު މަސައްކަތެއް ކުރުމަށްޓަކައި، މިއަދު ހަވީރު 4:00 އާއި 5:00 އާއި ދެމެދު މާލޭގެ ހަތަރު އަވަށުގެ އެެކި ސަރަހައްދުތަކުން ކުޑަ ވަގުތުކޮޅަކަށް ކަރަންޓުގެ ހިދުމަތަށް ބުރޫއަރާފާނެ ކަމަށް ސޯޝަލް މީޑިއާގައި ޕޯސްޓްކޮއްފިއެވެ. އަދި މިކަމާއި ގުޅިގެން ދިމާވެދާނެ ދަތިތަކަށްްޓަކާއި ރައްޔިތުން ކިބައިން މާފަށްއެދިފައިވެއެވެ.

ޝަންމާންއަށް 5 އަހަރާއި 15 އަހަރާ ދެމެދުގެ ޖަލުހުކުމެއް އައިސްދާނެ.

ކުރީގެ އިމިގްރޭޝަންގެ ކޮންޓްރޯލަރުގެ މަގާމުން ވަކިކުރި މުހައްމަދު ޝަމްއާން ވަހީދުގެ މައްޗަށް ދައުވާ އުފުލައި، ކްރިމިނަލް ލޯޓަށް ފޮނުވައިފި އެވެ. ދައުވާސާބިތުވެއްޖެ ނަމަ 5 އަހަރާއި 15 އަހަރާ ދެމެދުގެ ޖަލުހުކުމެއް އައިސްދާނެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސްޓެލްކޯގެ "ރީޖަނަލް ސްކާޑާ" ސިސްޓަމް މަސައްކަތްކުރާ ގޮތް ބައްލަވާލައްވާފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިރޭ ދިވެހީންގެ އުފެއްދުންތެރިކަމުގެ މައުރަޒަށް ވަޑައިގެން، ސްލެކޯގެ ސްޓޯލަށް ކުރެއްވި ޒިޔާރަތުގައި، ސަރުކާރުގެ ހިއްސާވާ ކުންފުނިތަކުގެ ގިންތިން އެއްވަނަ ހޯދި ސްޓެލްކޯގެ "ރީޖަނަލް ސްކާޑާ" ސިސްޓަމް މަސައްކަތްކުރާ ގޮތް ބައްލަވާލައްވާފިއެވެ. ރީޖަނަލް ސްކާޑާ ސިސްޓަމަކީ ސްޓެލޯކެގެ މުވައްޒަފުންގެ އުފެއްދުންތެރި އަދި އީޖާދީ ވިސްނުމުގެ ސަބަބުން ޙާޞިލުކުރެވުނު ފާހަގަކޮށްލެވޭ ކާމިޔާބެކެވެ.

އަޕްޓަމިލް މިލްކް ކިރުދަޅަކަށް ބޭނުން ޖެހިފައިވާ ތުއްތު ކުއްޖާ، މުޅިމާލެއިން ހުސްވެފައި

ސޯޝަލްމީޑިއާގައި ދައުރުވުމުންދައު ޕޯސްޓްގައި ބަޔާން ކޮއްފައިވަނީ އެކުއްޖާ ވަރަށް ހާލުދެރަވެގެން ހޮސްޕިޓަލްގައި އެޑްމިޓްކޮއްފައިވާކަމަށެވެ. އަދި އަޅުގަނޑުމެން ނޫހުން ފޯނުން ގުޅައި މިކަންވަނީ ކަށަވަރު ކުރެވިފައިއެވެ. އެދެނީ ވީހާވެސް ގިނަބަޔަކު މިކަމުގައި އުޅެދެއްވައި މި ތުއްތު ކުއްޖައިގެ ފުރިހަމަ ސިއްހަތަކަށް ގެނަސްދެއްވުމަށްޓަކައި މިކަމުގައި އެހީތެރިވެލެއްވުމެވެ.