Advertisement
ފޭރުނު ދެމީހުން ---
އިގިލިތައް ބުރިކޮށްލާނެ ކަމުގެ ބިރުދައްކައި ފޭރުނު ދެމީހަކު ހައްޔަރުކޮށްފި
އާއްމު ތަނެއްގައި ތިބި ބިދޭސީންތަކަށް ތޫނު އެއްޗަކުން ބިރު ދައްކައި، ފޭރުނު ދެމީހަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އެ މައްސަލައިގައި ހައްޔަރުކުރީ ސ. ހިތަދޫ، އަތިރީގެ، އަހުމަދު ސިވާތު، (37އ)، އަދި ސ. ހިތަދޫ، ޑިލައިޓް ފޭސް، މުހައްމަދު ސާލިމް، (37އ) ކަމަށެވެ. އެމީހުން ވަނީ ރަސްފަންނުގައި ތިބި ބިދޭސީންތަކަކަށް، ވަޅިން ބިރު ދައްކައި، ފައިސާ ނުދީފިނަމަ އިނގިލިތައް ބުރިކޮށްލާނެ ކަމުގައި ބުނެ ބިދޭސީ ދެމީހެއްގެ ވޮލެޓުގައި ހުރި ފައިސާތައް ފޭރިގެންފައެވެ.
އެމީހުން ފޭރުނީ ކިހާ އަދަދެއްގެ ފައިސާއެއް ކަމެއް ފުލުހުން ހާމައެއް ނުކުރެެއެވެ. އެމީހުން މިއަމަލު ހިންގާފައި ވަނީ ރޭގައި ކަމަށްވެސް ފުލުހުންގެ އިދާރާއިން ވިދާޅުވިއެވެ.
މާލޭގައި ފޭރުމުގެ މައްސަލަތައް އަންނަނީ އިތުރުވަމުންކަން ރިޕޯޓް ކުރެވޭ މައްސަލަތަަކަށް ބަލާއިރު އަންނަނީ ފާހަގަވަމުންނެވެ.
