ހޮނިހިރު ދުވަހު ސްރީލަންކާގައި ބޭއްވި ރިޔާސީ އިންތިޚާބު ކާމިޔާބު ކުރެއްވި ސްރީލަންކާގެ އިންތިޚާބީ ރައީސް އަނުރަ ކުމާރަ ދިސާނަޔަކައަށް, ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.

އެމަނިކުފާނަށް މަރުޙަބާ އާއު ތަޙްނިޔާ ވިދާޅުވެ، ރައީސުލްޖުމްހޫރިއްޔާ އެކްސްގައި ކުރެއްވި ޕޯސްޓުގައި ވިދާޅުވީ، ސްރީލަންކާގެ އިންޚާބީ ރައީސްގެ ލީޑަރޝިޕްގެ ދަށުން ސްރީލަންކާއާއި ދިވެހިރާއްޖެއާ ދެމެދު އޮތް ޒަމާންވީ ގުޅުން އިތުރަށް ބަދަހިވެގެން ދާނޭ ކަމުގައި އުއްމީދުކުަރައްވާ ކަމަށެވެ. 

އަދި ދިސާނަޔަކައަށް އިންތިޚާބުން ލިބިވަޑައިގެންނެވި ކާމިޔާބީ ފާހަގަކުރައްވައި، ރައީސުލްޖުމްހޫރިއްޔާ ވަނީ ސްރީލަންކާގެ އިންތިޚާބީ ރައީސް ދިސާނަޔަކަގެ ކުރިއަށް އޮތް ރިޔާސީ ދައުރުގައި، އެމަނިކުފާނަށް ކާމިޔާބީއަށް އެދިވަޑައިގެންފައެވެ.

އަނުރަ ކުމާރަ ދިސާނަޔަކަ ސްރީލަންކާގެ ރައީސް ކަމުގެ މަޤާމަށް ވަޑައިގެންނެވީ އެޤައުމުގެ ބާރުގަދަ ސިޔާސީ ލީޑަރުންނާއި ވާދަ ކުރައްވާއި، ހައިރާންކުރުވަނިވި ނަތީޖާއެއް ހޯއްދަވައިގެންނެވެ.