މޫސުމް ގޯސްވެފައި ވާތީ ދިރާސީ އަހަރުގެ ފުރަތަމަ ތިން ދުވަހުގެ ސެޝަންތައް ކުރުކުރަން އަންގައިފި
ދިރާސީ އައު އަހަރުގެ ކިޔެވުން ފެށުމާއި ގުޅޭ ގޮތުން މިއަދު މިނިސްޓްރީ އޮފް އެޑިޔުކޭޝަނުން ސްކޫލުތަކަށް ފޮނުވި ސަރކިއުލާގައި ބުނެފައި ވަނީ، މިދުވަސްވަރަކީ، ރާއްޖޭގެ އެކި ހިސާބުތަކަށް ގަދަ ވަޔާއި އެކު ބޯކޮށް ވާރޭވެހި، ކަނޑުތައް ގަދަވުމުގެ ސަބަބުން ދަތުރު ފަތުރު ކުރުމަށް ބުރޫއަރާފައިވާ ދުވަސްވަރަކަށް ވުމާއި އެކު، ކުރިމަތިވެފައިވާ އުނދަގޫ މޫސުމީ ޙާލަތަށް ރިޢާޔަތްކޮށް، ދަރިވަރުންނަށް ފިލާވަޅުތައް ގެއްލޭ މިންވަރު ކުޑަކުރުމަށް އިންތިޒާމްތައް ހަމަޖެއްސުމަށްޓަކައި، އާދީއްތަ ދުވަހުން ފެށިގެން އަންގާރަ ދުވަހާއި ހަމައަށް، ސްކޫލުތަކުގެ ކިޔަވައިދޭ ދަންފަޅިތައް ކުރުކޮށް ގެންދިޔުމަށް މިނިސްޓްރީން ނިންމާފައިވާ ކަމަށެވެ. މިގޮތުން ކިޔަވައިދޭ ކޮންމެ ދަންފަޅިއެއްވެސް 2 ގަޑި އިރާއި، 3 ގަޑި އިރާއި ދެމެދަށް ފައްތައިގެން ކުރިޔަށް ގެންދިޔުމަށް މިނިސްޓްރީ ވަނީ ސްކޫލުތަކަށް އަންގާފައެވެ.