މިދިޔަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން ފަލަސްތީނުގެ ނަސްލު ނެތިކޮށްލުމަށް އިޒްރޭލުން ހިންގަމުންދާ ޖަރީމާ މެދުކެނުޑުމެއްނެތި ކުރިޔަށްދަނިކޮށް، އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން މިހާތަނަށް ކުރި އެންމެ ވަރުގަދަ އަމުރު އިއްޔެ އިޒްރޭލުގެ މައްޗަށް ކޮށްފިއެވެ. އެގޮތުން އައިސީޖޭއިން އިޒްރޭލަށް އަމުރުކޮށްފައިވަނީ، ގާޒާގެ ރަފާއަށް ދެމުންގެންދާ ހަމަލާތައް ވަގުތުން ހުއްޓާލުމަށެވެ.

މިނިސްޓްރީ އޮފް ފޮރިން އެފެއާޒުން ވިދާޅުވީ، ދިވެހިރާއްޖެއާއި ސްރީލަންކާ އާއި ދެމެދުވެފައިވާ އެއްވެސް އެއްބަސްވުމަކަށް ބަދަލެއް އައިސްފައި ނުވާ ކަމަށެވެ. އަދި އޮން އެރައިވަލް ވިސާ ކުރިއެކޭ އެއްގޮތަށް ލިބުނު ނަމަވެސް، އަލަށް ގެނައި ބަދަލާއި އެކު އިތުރު ހަމަސް ދުވަހަށް ވިސާގެ މުއްދަތު އިތުރު ކުރަން ހުށައަޅަން ޖެހެނީ އަަލަށް ޤާއިމްކޮޮށްފައިވާ ޕޯޓަލް މެދުވެރިކޮށެވެ.

ފުލުުހުންގެ އިދާރާއިން ވިދާޅުވީ، މާލޭގެ ގެސްޓް ހައުސެއްގެ ތެރޭގައި ބަންދުކޮށްގެން ގެންގުޅުނު، ނޭޕާލްގެ ފިރިހެނަކު ފުލުހުން ސަލާމަތްކޮށްފައިވާ ކަމަށާއި އޭނާގެ ހާލު ރަނގަޅުކަމަށެވެ. އަދި އޭނާ ބަންދުކޮށްގެން ގެންގުޅުނު މައްސަލައިގައި ބަނގުލަދޭޝްއަށް ނިސްބަތްވާ ބިދޭސީ ދެ ފިރިހެނަކު ހައްޔަރުކޮށްފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުން ހާމަކުަރައްވާފައިވާ ގޮތުގައިި، މި މެއިމަހު 27 ގައި ކުރިއަށްގެންދިއުމަށް ހަމަޖެހިފައިވާ މި ސަމިޓްގެ ޕްލީނަރީ ސެޝަންގައި ދިވެހިރާއްޖޭގެ ބަޔާން އިއްވަވާނީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒެވެ. މީގެ އިތުރުން ސިޑްސް ކޮންފަރެންސްގައި ބައިވެރިވެވަޑައިގަންނަވާ ބޭރު ޤައުމުތަކުގެ ވަފްދުތަކުގެ މަތީފަންތީގެ ބައެއް ބޭފުޅުންނާއި ވެސް ރައީސުލްޖުމްހޫރިއްޔާ ބައްދަލުކުރައްވާނެއެވެ. ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒަކީ އ.ދ.އިން އިންތިޒާމުކުރާ މި ކޮންފަރެންސްގެ ނައިބު ރައީސުންގެ ތެރޭގައި ހިމެނިވަޑައިގަންނަވާ އަދި މި ކޮންފަރެންސްގައި ހިމެނޭ ފަސް އިންޓަރެކްޓިވް ޑައިލޯގުގެ ކޯޗެއަރވެސް މެއެވެ.

ޒީނާޒަކީ، ސިޔާސީ ދާއިރާ އާއި އިޖުތިމާއީ ޚިދުމަތުގެ ދާއިރާގައިވެސް މަސައްކަތް ކުރައްވާ ބޭކަނބަލެކެވެ. ކުރީގެ ރައީސް ޢަބުދުﷲ ޔާމީން ޢަބުދުލްޤައްޔޫމްގެ ވެރިކަމުގައި، އޭރު ސަރުކާރު ހިންގާ ޕާޓީގެ ގޮތުގައި އޮތް ޕީޕީއެމްގެ އިސް މަޤާމުތައްވެސް ޒީނާޒް ފުރުއްވާފައިވެއެވެ. މީގެ އިތުރުން ކުޑަކުދިންގެ ހިޔާގެ ސީއީއޯގެ މަޤާމުވެސް އޭނާ ފުރުއްވާފައިވެއެވެ.

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީން ނެރުނު ބަޔާނެއްގައި ބުނެފައި ވަނީ، މަސްތުވާތަކެތީގެ ނުރައްކާތެރި ބާވަތެއް ކަމުގައިވާ، "ފެންޓަނީލް-ލޭސްޑް ޑްރަގްސް" އާއްމު ނަމުންނަމަ، "ޗައިނާ ވައިޓް" ބައިނަލްއަޤުވާމީ މާކެޓުގައި އުފައްދައި ދައުރުކުރަމުން އަންނަ މިންވަރު އިތުރުވެފައިވާ ކަމަށެވެ. އަދި އެއީ ބާރުގަދަ ކެމިކަލްތަކެއްތަކެއް އެއްކޮށްގެން އުފައްދާ އެއްޗަކަށްވާއިރު، އޭގެ ސަބަބުން ފުރާނައަށް ނުރައްކާވެގެންދާކަމުގައި ވެސް މިނިސްޓްރީގެ ބަޔާނުގައި ބުނެފައިވެއެވެ.

ރައީސުލްޖުމްހޫރިއްޔާ މި ބިލު ތަސްދީޤުކުރެއްވުމާ ގުޅިގެން މި ބިލު ވަނީ މިއަދު، ދިވެހި ސަރުކާރުގެ ގެޒެޓުގައި ޝާއިޢުކުރެއްވުމާއި ގުޅިގެން މިބިލް ޤާނޫނަކަށް ވީއެވެ. އެހެން ނަމަވެސް، މި ޤާނޫނަށް ޢަމަލުކުރަން ފެށޭނީ މިއަދުން ފެށިގެން 3 މަސް ދުވަސް ހަމަވާ ތާރީޚުން ފެށިގެންނެވެ.

ވީޑިއޯ ސޯޝަލް މީޑިއާގައި ޕޯސްޓްކުރި، ޖުމާން ނަމަކަށް ކިޔާ ޒުވާނަކު، އޭނާގެ ފޭސްބުކް އެކައުންޓްގައި ލިޔެފައިވާ ގޮތުގައި، އެވީޑިއޯއަކީ، އިއްޔަ އިރުފުށި ރިސޯޓު ގައި ވައިބާރުވުމުގެ ސަބަބުން ވަރަށް ތިރިން ސީޕްލޭން ޖައްސާ މަންޒަރުފެންނަ ވީޑިއޯއެކެވެ. އަދި އެ ވީޑިޔޯ ނަގާފަ ވަނީ އެ ރިސޯޓު ގެ މުވައްޒިފެއް ކަމަށާއި މުވައްޒިފު ބުނާ ގޮތުގާ ވަރަށް ގިނަ ރިސޯޓު ތަކުގައި އެގޮތަށް ލޭންޑް ކުރާ މައްސަަލަ ބޮޑު ކަމަށެވެ. އަދި އޭނާގެ ޕޯސްޓްގައި ވަނީ ޓްރާންސް މޯލްޑިވިއަން އެއާވޭސް އާއި ޓްރޯންސްޕޯޓް މިނިސްޓްރީވެސް ޓެގް ކޮށްފައެވެ.

ޕީއެންސީއަށް ސޮއެކުރެއްވު މަށްފަހުގައި، މުލީ އާގޭގައި ބޭއްވި ރަސްމިއްޔާތުގައި އަލްސަން ވަނީ އޭނާގެ މެމްބަޝިޕްފޯމް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ހަވާލުކުރައްވާފައެވެ. އަލްސަންއަކީ، 20 ވަނަ ރައްޔިތުންގެ މަޖިލީހަށް އިންތިޚާބުވި އެންމެ އުމުރުން ހަގު މެމްބަރެވެ.

މާލޭ ސިޓީ ކައުންސިލްގެ ވަނަ ދައުރުގެ 146 ވަނަ ޖަލްސާއަށް އެކަން ހުށައަޅުއްވަމުން އާޒިމް ވިދާޅުވީ، މާލޭގައި ނަމެއް ނުދީ އޮތް ދެމަގެއް އެބަ އޮތްކަމަށާއި އެދެމަގަކުން މަގަކަށް ނުވަތަ އެހެން މަގަކަށް ނަމަވެސް ފަލަސްޠީނާއި ގުޅުވައި ނަމެއް ދިނުމަށް ހުށައަޅުއްވާ ކަމަށެވެ. އަދި އެކަމުގައި ބޭނުންފުޅުވެވަޑައިގަންނަވަނީ ކައުންސިލްގެ މަޝްވަރާ އާއި ލަފާ ކަމުގައި އާޒިމް ވިދާޅުވިއެވެ.

ދިރާސީ އައު އަހަރުގެ ކިޔެވުން ފެށުމާއި ގުޅޭ ގޮތުން މިއަދު މިނިސްޓްރީ އޮފް އެޑިޔުކޭޝަނުން ސްކޫލުތަކަށް ފޮނުވި ސަރކިއުލާގައި ބުނެފައި ވަނީ، މިދުވަސްވަރަކީ، ރާއްޖޭގެ އެކި ހިސާބުތަކަށް ގަދަ ވަޔާއި އެކު ބޯކޮށް ވާރޭވެހި، ކަނޑުތައް ގަދަވުމުގެ ސަބަބުން ދަތުރު ފަތުރު ކުރުމަށް ބުރޫއަރާފައިވާ ދުވަސްވަރަކަށް ވުމާއި އެކު، ކުރިމަތިވެފައިވާ އުނދަގޫ މޫސުމީ ޙާލަތަށް ރިޢާޔަތްކޮށް، ދަރިވަރުންނަށް ފިލާވަޅުތައް ގެއްލޭ މިންވަރު ކުޑަކުރުމަށް އިންތިޒާމްތައް ހަމަޖެއްސުމަށްޓަކައި، އާދީއްތަ ދުވަހުން ފެށިގެން އަންގާރަ ދުވަހާއި ހަމައަށް، ސްކޫލުތަކުގެ ކިޔަވައިދޭ ދަންފަޅިތައް ކުރުކޮށް ގެންދިޔުމަށް މިނިސްޓްރީން ނިންމާފައިވާ ކަމަށެވެ. މިގޮތުން ކިޔަވައިދޭ ކޮންމެ ދަންފަޅިއެއްވެސް 2 ގަޑި އިރާއި، 3 ގަޑި އިރާއި ދެމެދަށް ފައްތައިގެން ކުރިޔަށް ގެންދިޔުމަށް މިނިސްޓްރީ ވަނީ ސްކޫލުތަކަށް އަންގާފައެވެ.

އުނގޫފާރު ރީޖަނަލް ހޮސްޕިޓަލުން ވިދާޅުވީ، ކަރަންޓްގައި ޖެހިގެން ފަރުވާ ދެމުން ދަނީ އުމުރުން 18 އަހަރުގެ ކުއްޖަކަށާއި، އުމުރުން، 8 އަހަރުގެ ފިިރިހެން ކުއްޖެކަށެވެ. މީގެ އިތުރުން ކުޑަ އަންހެންކުއްޖަކަށްވެސް ފަރުވާ ދެމުންދާ ކަމަށާއި އެކުޑަކުއްޖާއަކީ ހާދިސާގެ މަންޒަރުފެނިގެން ޝޮކް ޖެހި ފަރުވާ ދެމުންދާ ކުއްޖެއް ކަމުގައި އުނގޫފާރު ރީޖަނަލް ހޮސްޕިޓަލުން ވިދާޅުވިއެވެ.

އެކުންފުނީގެ ހިންގުން ބައްސާމާއި މިއަދުން ފެށިގެން ހަވާލުކޮށްފައި ވަނީ، އެކުންފުނީގެ މެނޭޖިންގ ޑައިރެކްޓަރުގެ މަޤާމުގައި ހުންނެވި ފާޠިމަތު ތައުފީޤު (ކުޑީ) އިއްޔެ އެމަޤާމުން ވަކިކުރެއްވުމަށްފަހުގައެވެ. އޭނާ އެމަޤާމުން ވަކިކުރެއްވި ސަބަބެއް ސަރުކާރުން އަދި ހާމައެއް ނުކުރެއެވެ. އެހެން ނަމަވެސް ކުޑީގެ މައްޗަށް ބައެއް ފަރާތްތަކުން ވަނީ ކޮރަޕްޝަންގެ ތުހުމަތުތައް ކޮށްފައެވެ.

ހުޅުމާލެ، ސަފާރީ ޓާމިނަލާއި ދިމާއި ފަޅު ތެރޭގައި އަޅާފައި އޮއްވައި ރާޅާއި ވައިގައި، ބަންޑުން ޖަހާލައި އަޑިޔަށް ގޮސްފައި ވަނީ، އެންވަޔަރަމަންޓް ޕްރޮޓެކްޝަން އޭޖެންސީ އީޕީއޭގެ ލޯންޗެއް ކަމުގައި އެމްއެންޑީއެފުން ވިދާޅުވެފައިވެއެވެ.

ފުލުހުންގެ އިދާރާއިން ވިދާޅުވީ ހާދިސާގެ ރިޕޯޓް ފުލުހުންނަށް ލިބިފައި ވަނީ މިއަދުގެ ހެނދުނު 11:05 ހާއިރުގައި ކަމަށާއި، ހާދިސާގައި ގެނބެމުން ދިޔަ ފަތުރުވެރިޔާ ސަލާމަތްވެފައި ވީ ނަމަވެސް، އޭނާ ސަލާމަތްކުރަންް ފޭބި ދިވެހި މުވައްޒަފު މީހާ ވަނީ ނިޔާވެފައި ކަމަށް ފުލުހުން ވިދާޅުވިއެވެ. އޭނާއަކީ އުމުރުން 39 އަހަރުގެ މީހެއް ކަމުގައި ފުލުހުން ވިދާޅުވިއެވެ.

ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް މިއަދު އައްޔަން ކުރެއްވި ޙަސަން ޒަރީރަކީ ޓެކްސް އަދި އޮޑިޓާ ގުޅޭ އެކި މަޤާމުތަކުގައި 2000 ވަނަ އަހަރުން ފެށިގެން މަސައްކަތް ކުރައްވާފައިވާ ބޭފުޅެކެވެ. ޙަސަން ޒަރީރު އެންމެ ފަހުން އަދާކުރައްވާފައިވަނީ ވިލާ ޝިޕިންގ އެންޑް ޓްރޭޑިންގ ކޮމްޕެނީ ޕްރައިވެޓް ލިމިޓެޑްގެ ޑިރެކްޓަރ އޮފް ފައިނޭންސް އެންޑް ގްރޫޕް ޗީފް ކޮމްޕަލަޔަންސް އޮފިސަރގެ މަޤާމެވެ. އަދި ބެންކް އޮފް މޯލްޑިވްސްގެ ޗެއަރޕަރސަންގެ މަޤާމު 7 މާރިޗު 2024 އިން ފެށިގެން އަދާކުރައްވަމުން ގެންދެވި އިރު އެބޯޑުން ޒަރީރު ވަނީ މިއަދު އިސްތިއުފާ ދެއްވާފައެވެ. ޒަރީރު ވަނީ މީގެ ކުރިން ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމުވެސް އަދާކުރައްވާފައިވެއެވެ.