ހުޅުމާލެ ފޭސް 2ގެ ހިޔާ ޓަވަރެއްގެ ފްލެޓެއްގެ ތެރޭގައި އެހީއަށް އެދި ގޮވި އަންހެނަކު ސަލާމަތްކޮށް، އެފްލެޓުގައި ތިބި ދެ ފިރިހެނުން ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ރޭ ދަންވަރު ހިޔާ ފްލެޓެއްގައި އަންހެނަކު ރޯ އަޑާއި އެހީއަށް އެދި ގޮވާއަޑު އިވިގެން ފުލުހުން އެ އެޕާޓްމަންޓަށް ދިޔަކަމަށެވެ. އަދި ފުރަތަމަ ފަހަރު ދޮރުހުޅުވުމަށްފަހު، ކަމެއް ނުހިނގާ ކަމަށް ބުނެ ފިރިހެނަކު ދޮރުލައްޕައި ތަޅުލި ކަމަށާއި އެހެން ނަމަވެސް އަންހެންމީހާ ރޯ އަޑާއި އެހީއަށް އެދި ގޮވާއަޑު އަނެއްކާވެސް އިވޭތީ، ފުލުހުން ދޮރުހުޅުވަން އެނގުމުން ދޮރު ނުހުޅުވި ކަމަށެވެ. އެހެންވެ ފުލުހުން އެ އެޕާޓްމަންޓްގެ ދޮރު ހަލާކުކޮށްލައިގެން ވަދެ، އެ އެޕާޓްމަންޓްގައި ހިނގަމުން ދިޔަ ކަންކަން ބަލައި، އަންހެންމީހާ ސަލާމަތްކޮށް، ދެ ފިރިހެނުން ހައްޔަރުކޮށްފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އެ މައްސަލައިގައި ހައްޔަރުކޮށްފައި ވަނީ، މއ. ތްރީ މޫންސް، މުޙައްމަދު މުމީތު (39އ) އާއި، ހ.ލާމިޔާ އަޙްމަދު އުވައިސް (20އ) ކަމަށެވެ.

ފުލުހުންގެ އިދާރާއިން ވިދާޅުވީ، އެމައްސަލަ ބަލަމުންގެންދާ ކަމަށެވެ.