ކުޅުދުއްފުށީ ފަޅުތެރޭގައި މަރުވެފައި އޮއްވައި ފެނުނު އެރަށު،  ޑެއިޒީފެހި، މުހައްމަދު ހަސަންގެ ހަށިގަނޑު ޕޯސްޓް މޯޓަމް ހެދުމަށް މާލެގެނައުމަށް ހަމަޖައްސާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި، އެ މީހާ މަރުވެފައި އޮއްވައި ފެނިގެން ފުލުހުންނަށް ރިޕޯޓުކުރީ ހެނދުނު 8:30 ހާއިރު އެވެ. އަދި އެމީހާ ފަޅުތެރެއިން ނަގައިގެން ކުޅުދުއްފުށީ ރީޖަނަލް ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ހޮސްޕިޓަލާއި ހަވާލާދީ ފުލުހުން މައުލޫމާތު ދީފައިވެއެވެ.

އުމުރުން 36 އަހަރުގެ މުޙައްމަދު ޙަސަންގެ މަރާއި ގުޅިގެން ޝައްކުކުރެވޭ ކަންތައްތަކެއް ހުރުމާއި އެކު މަރުގެ އެމައްސަލަ ސީރިއަސް މައްސަލައެއްގެ ގޮތުގައި ފުލުހުން އަންނަނީ ތަޙްޤީޤު ކުރަމުންނެވެ.

އަންގާރަ ދުވަހު، ނ. ހޮޅުދޫ ގެއެއްގެ ތެރޭގައިމަރުވެފައި އޮއްވައި ފެނުނު، ޒަކިއްޔާ މޫސާ މަނިކުގެ ހަށިގަނޑުވެސް މިހާރު ވަނީ ޕޯސްޓް މޯޓަމް ހެދުމަށްޓަކައި މާލެ ގެނެސްފައެވެ.