ހުޅުމާލޭގެ މަގުތަކާއި ގޯޅިތަކުގައި ގަވާއިދާ ހިލާފަށް، ގިނަ ދުވަސް ވަންދެން ބަހައްޓާފައިހުރި އުޅަނދުތައް އެހެން ސަރަހައްދަކަށް ބަދަލު ކުރުމާއި ޓޯވ ކުރުމުގެ މަސައްކަތް މިއަދު ފަށާނެ ކަމުގައި، ފުލުހުންގެ ޚިދުމަތުން ވިދާޅުވެއްޖެއެވެ.

ދިވެހި ފުލުހުންގެ ޚިދުމަތުން ހާމަކުރައްވާފައިވާ ގޮތުގައި، ޤަވާއިދާއި ޚިލާފަށް މަގުމަތީގައި ގިނަ ދުވަސް ވަންދެން ބަހައްޓާފައިވާ އުޅަނދުތައް ނަގައި ޓޯވ ކުރުމުގެ މަސައްކަތް ކުރަމުންދާނީ، ސެޕްޓެމްބަރު 14 ވާ ހޮނިހިރު ދުވަހުގެ ހެނދުނު 8:00 އިން ފެށިގެންނެވެ. މިމަސައްކަތް ފުލުހުން ކުރިޔަށް ގެންދާނީ އެޗްޑީސީއާ ގުޅިގެންނެވެ.

މީގެ ކުރިންވެސް ފުލުހުންނާއި އެޗްޑީސީ ގުޅިގެން ވަނީ، ހުޅުމާލޭގެ ސިނާޢީ ސަރަހައްދުގެ މަގުތައް މަތީގައި ހުރި ބާ ވެހިކަލްތައް ނެގުމުގެ މަސައްކަތް ކުރިޔަށް ގެންގޮސްފައެވެ.