މެދުރާއްޖެތެރޭގެ ރަށެއްގައި ފުރާވަރުގެ ފިރިހެން ކުއްޖަކު ކުޑައަންހެންކުއްޖަކު ރޭޕްކުރިކަމަށް ބުނާ މައްސަލައެއް ފުލުހުން ބަލަންފަށައިފިއެވެ.

ފުލުހުންގެ އިދާރާއިން ވިދާޅުވީ، އެފަދަ މައްސަލައެއް ފުލުހުންނަށް އިއްޔެ ރިޕޯޓްކޮށްފައިވާ ކަމަށާއި، ފުލުހުންނާއި ޖެންޑާ މިނިސްޓްރީން އެމައްސަލަ ބަލަމުންދާ ކަމަށެވެ. އަދި އެއީ ކުޑަކުދިންތަކަކާއި ގުޅުން ހުރި މައްސަލައަކަށް ވާތީ، އެމައްސަލާގައި ހިމެނޭ ކުޑަކުދިންގެ ވަނަވަރާއި އެކުދިންގެ މައުލޫމާތު ޢާއްމުވާފަދަ އެއްވެސް މައުލޫމާތެއް ޙިއްޞާ ކުރުމަކީ ޤާނޫނީ ގޮތުން މަނާކޮށްފައިވާ ކަމެކެވެ. 

މައުލޫމާތު ލިބިފައިވާ ގޮތުގައި، މިމައްސަލައިގައި 15 އަހަރުގެ ފިރިހެންކުއްޖެއްގެ މައްޗަށް ތުހުމަތު ކުރެވިފައި ވަނީ 8 އަހަރުގެ އަންހެންކުއްޖެއް ރޭޕްކުރިކަމަށެވެ.