Advertisement

14 Sep 2024
ޚަބަރު

ވެލިދޫގެ ގޭގެ ބަލާފާސްކޮށް 1.5 ކިލޯއަށް ވުރެން ގިނަ މަސްތުވާތަކެތި ހޯދައިފި

މި ސެޕްޓެމްބަރު މަހުގެ 12 ވަނަ ދުވަހު ނ. ވެލިދޫގައި ފުލުހުން ހިންގި އޮޕަރޭޝަނެއްގައި އެ ރަށުގެ ގޭގެއިން 1.5 ކިލޯއަށް ވުރެން ގިނަ މަސްތުވާތަކެތި ހޯދައިފިއެވެ.

ފުލުހުންގެ ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް އަދި ނޯތު ޕޮލިސް ގުޅިގެން ނ. ވެލިދޫގައި ހިންގި މަސްތުވާތަކެތިގެ އޮޕަރޭޝަނުގައި ހޯދުނު މަސްތުވާތަކެތީގެ ވަގުތީ ބަރުދަނުގައި 1547.44 ގްރާމް ހުރިކަމަށް އެ އިދާރާއިން ވަނީ ހާމަކޮށްފައެވެ.

މި އޮޕަރޭޝަނުގައި އެ ރަށުން 7 މީހަކު ހައްޔަރުކޮށްފައިވެއެވެ. އަދި އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން އެތަނުން އެކަކު ކޯޓުން ދޫކޮށްލާފައިވާކަމަށް އެ އިދާރާއިން މައުލޫމާތުދެއެވެ. "ނޫން" އަށް މައުލޫމާތު ލިބިފައިވާ ގޮތުގައި ކޯޓުން ދޫކޮށްލާފައިވަނީ ދުވަސްވީ އަންހެނެކެވެ.

މި އޮޕަރޭޝަނުގައި ފުލުހުންގެ ހައްޔަރަށް ގެންގޮސްފައިވަނީ 6 ފިރިހެނުންނެވެ. އެއީ އަޙްމަދު މުރުޝިދު (35 އަހަރު) އާއި ޢަބްދުﷲ ނިޝާދު (26 އަހަރު) އާއި އަޙްމަދު އަޞީމް (26 އަހަރު) އާއި އަޙްމަދު ނައުޝާދު ( 28އަހަރު) އާއި ޢަލީ ރަޝީދު (30 އަހަރު) އަދި މުޙައްމަދު މާޢިދު (28 އަހަރު)އެވެ.

މިމީހުންގެ ތެރެއިން 8 ދުވަހަށް ބަންދު ކުރުމަށް ކޯޓުން އަމުރުކޮށްފައިވަނީ އަޙްމަދު މުރުޝިދެވެ. އަދި ޢަބްދުﷲ ނިޝާދު އާއި އަޙްމަދު އަޞީމް އާއި އަޙްމަދު ނައުޝާދު އާއި ޢަލީ ރަޝީދު އަދި މުޙައްމަދު މާޢިދު ބަންދު ކުރުމަށް އަމުރުކޮށްފައިވަނީ 5 ދުވަހަށެވެ.

ފުލުހުން ބުނީ މި މައްސަލަ އިތުރަށް ތަހުގީގު ކުރަމުން އަންނަކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.