ޗައިނާ އާއި ދިވެހިރާއްޖެއިން ޑޮލަރު ބޭނުން ނުކޮށް, ދިވެި ފައިސާ އާއި ޗައިނާގެ ޔުއާން ބޭނުންކޮށްގެން ވިޔަފާރީގެ މުއާމަލާތްތައް ހިންގޭނޭ، ފަހުމު ނާމާއެއްގައި ސޮއެކޮށްފިއެވެ.

އިކޮނޮމިކް މިނިސްޓްރީން ހާމަކޮށްފައިވާ ގޮުތުގައި، މި އެއްބަސްވުމުގައި ސޮއެކޮށްފައި ވަނީ އިއްޔެއެވެ. މިއެއްބަސްވުމަކީ، ދިވެހި ސަރުކާރާއި ޗައިނާގެ ޕީޕަލްސް ބޭންކު (ޕީއޯބީސީ) އާ ދެމެދު، ކަރަންޓް އެކައުންޓް މުއާމަލާތްތައް ދެ ޤައުމުގެ ފައިސާއިން ހިންގުމަށް މަގުފަހިކޮށްދިނުމަށް ވެވުނު އެއްބަސްވުމެއް ކަމުގައި އެމިިނިސްޓްރީން ވިދާޅުވެއެވެ.

އިކޮނޮމިކް މިނިސްޓްރީން ހާމަކޮށްފައިވާ ގޮތުގައި، މި އެއްބަސްވުމުގެ ދަށުން، ދެ ޤައުމުގެ މެދުގަިއ ކަރަންޓް އެކައުންޓް މުއާމަލާތްތަކާއި، ސީދާ އިންވެސްޓްމަންޓްތައް ދެ ޤައުމުގެ ފައިސާއިން ހިންގުމަށް މަގުފަހިކޮށްދޭ އޮނިގަނޑެއް ޤާއިމްކުރެވި، ދެޤައުމުގެ މެދުގައި ވިޔަފާރިއާއި އިންވެސްޓްމެންޓްގެ ގުޅުންތައް އިތުރަށް ހަރުދަނާވެގެން ދާނެއެވެ. އަދި މި ފަހުމު ނާމާގެ ސަބަބުން ރާއްޖެއާ ޗައިނާ އާއި ދެމެދު، ދެ ޤައުމުގެ ފައިސާއިން މުއާމަލާތްކުރުމަށް ފަސޭހަވެ، ދިވެި ވިޔަފާރިވެރިންނަށް ޗައިނާއިން އިމްޕޯޓް ކުރުމަށް ފަސޭހަވެ، ދެ ޤައުމުގެ މެދުގަިއ ބޯޑަރު ހުރަސްކޮށް ކުރެވޭ އިންވެސްޓްމެންޓްތައް އިތުރުވެގެންދާނެ ކަމުގައިވެސް އިކޮނޮމިކް މިނިސްޓްރީން ވިދާޅުވިއެވެ.

އިކޮނޮމިކް މިނިސްޓްރީން ހާމަކުރައްވާފައިވާ ގޮތުގައި، ދިވެހިރާއްޖެއާ ޗައިނާ އާއި ދެމެދު އަހަރަކު ގާތްގަނޑަކަށް 700 މިލިއަން އެމެރިކާ ޑޮލަރުގެ ވިޔަފާރީގެ މުއާމަލާތްތައް ކުރެވެއެވެ. އަދި މިވަގުތު ޗައިނާއަކީ ދިވެހިރާއްޖެއަށް އެންމެ ގިނައިން ފަތުރުވެރިން އަންނަ ޤައުމުކަންވެސް އެމިނިސްޓްރީން ވަނީ ފާހަގަކުރައްވާފައެވެ.