މިސަރުކާރަށް މިވީ 10 މަސް ދުވަހުގެ ތެރޭގައި ރާއްޖޭގައި ޤަވާއިދާއި ޚިލާފަށް އުޅެމުންދިޔަ 4000 ވުރެ ގިނަ ބިދޭސީން ޑީޕޯޓްކޮށްފައިވާ ކަމުގައި މޯލްޑިވްސް އިމިގްރޭޝަނުން ވިދާޅުވެއްޖެއެވެ.

އިމިގްރޭޝަނުން އާއްމުކޮށްފައިވާ ތަފާސް ހިސާބު މައުލޫމާތުގައި ބުނެފައި ވަނީ، ފާއިތުވި 10 މަސްދުވަހުގެ ތެރޭގައި ޖުުމުލަ 4،054 ބިދޭސީން ރާއްޖެއިން ޑީޕޯޓްކޮށްފައިވާ ކަމަށެވެ. އެއީ 17 ނޮވެމްބަރު 2023 އިން 17 ސެޕްޓެމްބަރު 2024 އާއި ހަމައަށް ޑީޕޯޓް ކުރި މީހުންގެ އަދަދެވެ. އިމިގްރޭޝަނުން ހާމަކޮށްފައިވާ ތަފާސް ހިސާބު މައުލޫމާތަށް ބަލާއިރު އެންމެ ގިނަ ބިދޭސީން ޑީޕޯޓްކޮށްފައި ވަނީ، މިއަހަރުގެ ޖޫންމަހުގައެވެ. ޖޫންމަހުގައި އެކަނިވެސް 690 ބިދޭސީ ޑީޕޯޓްކޮށްފައިވެެއެވެ. ސެޕްޓެމްބަރު މަހުގެ 17 ވަނަ ދުވަހާއި ހަމައަށް މިހާރުވެސް 663 ބިދޭސީން ޑީޕޯޓްކޮށްފައި ވާއިރު، އެންމެ ގިނަ ބިދޭސީން ޑީޕޯޓްކުރެވޭ މަހަށް މި މަސްވެގެންދާނޭ ކަމަށް ބެލެވެއެވެ.

ޑިސެމްބަރު 2023 - 202 ބިދޭސީން

ޖެނުއަރީ 2024 - 237 ބިދޭސީން

ފެބްރުއަރީ 2024 - 309 ބިދޭސީން

މާޗު 2024 - 332 ބިދޭސީން

އޭޕްރިލް 2024 - 240 ބިދޭސީން

މެއި 2024 - 377 ބިދޭސީން

ޖޫން 2024 - 690 ބިދޭސީން

ޖުލައި 2024 - 461 ބިދޭސީން

އޯގަސްޓު 2024 - 453 ބިދޭސީން

އިމިގްރޭޝަނުން ހާމަކުރައްވާފައިވާ ގޮތުގައި، ޑީޕޯޓްކުރާ ބިދޭސީން ޑީޕޯޓްކުރަމުންދަނީ އެމީހުން ބަހައްޓާފައިވާ ޑިޕޮސިޓް ފައިސާ ބޭނުންކޮށްގެންނެވެ.