Advertisement
ގއ. ގެމަނަފުށި އޮޑިވެރިންނަށާއި މަސްވެރިންނަށް ފިޝަރީޒް މިނިސްޓްރީގެ ޓީމުން މައުލޫމާތު ދެނީ --
ފިޝަރީޒް މިނިސްޓްރީގެ ޓީމު ދެއްވަދޫއިން ބޭރުކޮށްލައިފި
މަސްދޯނިފަހަރުގައި ލޮނުފެނުން މަސް ފިނިކުރާ ނިޒާމު ގާއިމުކުރުމުގެ މަޝްރޫޢާ ގުޅޭގޮތުން މަސްވެރިންނާއި ކައުންސިލްތަކަށް މަޢުލޫމާތު ދިނުމަށް ގއ. ދެއްވަދޫއަށް ދިޔަ ފިޝަރީޒް މިނިސްޓްރީގެ ޓީމު އެރަށުން ބޭރުކޮށްލައިފިއެވެ.
އެރަށަށް ދިޔަ ފިޝަރީޒް މިނިސްޓްރީގެ ޓީމާއި ދެކޮޅަށް، ނުކުމުގެ އެޓީމު ރަށުން ބޭލީ މަސްވެރިންގެ ބައެކެވެ. މަސްވެރިން ފިޝަރީޒް މިނިސްޓްރީގެ ޓީމާއި ދެކޮޅަށް ނުކުތީ މަސްވެރިން ކިރުވާ މަހަށް ފައިސާ ނުލިބޭތީ އެކަމުގެ ހިތްހަމަ ނުޖެހުމުގައެވެ.
އިއްޔެވެސް ފިޝަރީޒް މިނިސްޓްރީގެ ޓީމު ދެއްވަދޫއަށް ދިޔުމުން އެރަށުގެ މަސްވެރިން ނުކުމެ ހުރަސް އެޅިއެވެ. މިއަދު އެޓީމު ރަށުން ބޭލީ އެރަށަށް އަރަތިއްބައެވެ.
މަސްވެރިން ވަނީ ފިޝަރީޒް މިނިސްޓްރީގެ ޓީމަށް އިންޒާރުވެސް ދީފައެވެ.
އާރު.އެސް.ޑަބްލިޔު ސިސްޓަމް (ލޮނުފެނުން މަސް ފިނިކުރާ ނިޒާމް) އެޅުމަށް ހުޅުވާފައިވާ ލޯނާ ގުޅޭ މަޢުލޫމާތު ދިނުމަށް ހުވަދުއަތޮޅަށް ފިޝަރީޒް މިނިސްޓްރީގެ ޓީމެއް ގޮސްފައި ވަނީ އިއްޔެއެވެ.
