Advertisement

ރައީސް ޑރ. މުއިއްޒާއި އިންޑިއާގެ ބޮޑުވަޒީރު ---

06 Oct 2024
ޚަބަރު
ޢަލީ ސުލައިމާން

ދެޤައުމުގެ ގުޅުން ހީނަރުވި ނަމަވެސް އިންޑިއާއިން ރާއްޖެއަށް އެހީވާނެ

ރާއްޖޭގެ މާލީ ހާލަތު ރަނގަޅު ކުރުމަށް އިންޑިއާއިން އެހީވާނެކަމުގެ ޔަޤީންކަން އޮތް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވެފައިވަނީ، އީމެއިލްގެ ޒަރީއާއިން ބީބީސީއަށް ދެއްވި އިންޓަރވިއުގައެވެ. ރައީސުލްޖުމްހޫރިއްޔާ ދެއްވި އިންޓަވިއުގެ މައްޗަށް ބީބީސީން ތައްޔާރުކުރި ރިޕޯޓުގައި ބުނެފައި ވަނީ، ރާއްޖެއަށް ދިމާވެފައިވާ މާލީ ދަތިކަމުން އަރައިގަތުމަށް އިންޑިއާގެ އެހީ ހޯއްދެވުމަށް ސަރުކާރުން ނިންމަވާފައިވާ ކަމަށެވެ.

ބީބީސީގެ ރިޕޯޓުގައި ވަނީ، ރާއްޖޭގެ ބޭރު ފައިސާގެ ރިޒާވް 440 މިލިއަން ޑޮލަރަށް (334 މިލިއަން ޕައުންޑް) ދަށަށް ގޮސްފައިވާއިރު، މިއީ ދޮޅު މަހެއްހާ ދުވަހުގެ އިމްޕޯޓަށް އެކަށީގެންވާ މިންވަރުކަންވެސް ފާހަގަކޮށްފައެވެ. އަދި ރާއްޖެއޮތީ ބޭރުގެ ދަރަނި ބޮޑުވެ، އެދަރަނި ނުދެއްކޭ ޙާލަތަށް ދިޔުމުގެ މަގުމަތީގައިކަންވެސް ބީބީސީން ވަނީ ފާހަގަކޮށްފައެވެ.

ބީބީސީއަށް ދެއްވި ބަސްދީގަތުމުގައި ރައީސުލްޖުމްހޫރިއްޔާ ވަނީ، އިންޑިޔާއަކީ ރާއްޖޭގެ މާލީ ޙާލަތު ފުރިހަމައަށް އެނގޭނެ ޤައުމެއްކަމަށާއި، އަދި ތަރައްޤީގެ އެންމެ ބޮޑު ބައިވެރިޔާގެ ހައިސިއްޔަތުން، ރާއްޖޭގެ ބުރަތައް ލުއިކޮށްދީ، ދިމާވާ ގޮންޖެހުންތަކަށް ހައްލު ހޯދައިދިނުމުގައި އަބަދުވެސް އެހީތެރިކަން ފޯރުކޮށްދިނުމަށް ތައްޔާރަށް އޮތް ޤައުމެއް ކަމުގައި ވިދާޅުވެފައެވެ.

ރައީސުލްޖުމްހޫރިއްޔާ އިންޑިއާއަށް ކުރައްވާ މިދަތުރުފުޅާއި ގުޅިގެން އިންޑިއާގެ މީޑިއާތަކުގައިވެސް ފާޑުކިޔުންތައް އަމާޒުކޮށްފައި ވަނީ، ވެރިކަމަށް ވަޑައިގެންނެވުމަށް ރައީސް ޑރ. މުޢިއްޒު ގެންގުޅުއްވި އިންޑިއާ އައުޓް ކެމްޕޭނާއި ގުޅިގެންނެވެ. 

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.