Advertisement
ތުއްތު ކުއްޖެއް ލައްވައި ސައިކަލު ދުއްވި މަންޒަރުފެންނަ ވީޑިއޯގެ ސްކްރީން ޝޮޓެއް --
ތުއްތުކުއްޖެއްގެ އަތަށް ސައިކަލް ހުންގާނުދީ ހައިވޭގައި ދުއްވި މައްސަލައެއް ބަލަން ފަށައިފި
ތުއްތުކުއްޖެއްގެ އަތަށް ސައިކަލް ހުންގާނުދީ ހައިވޭގައި ދުއްވި މައްސަލައެއް ބަލަން ފަށައިފިއެވެ.
ފުލުހުންގެ އިދާރާއިން ވިދާޅުވީ، ސޯޝަލް މީޑިއާގައި ދައުރުވަމުން އަންނަ ވީޑިއޯ ފުލުހުންގެ ސަމާލުކަމަށް އައިސްފައިވާ ކަމަށާއި އެ ވީޑިއޯގެ މައްސަލަ ބަލަމުންދާ ކަމަށެވެ.
އާއްމުވެފައިވާ ވީޑިއޯއިން ފެންނަ ގޮތުގައި، އެ ތުއްތު ކުއްޖާއަތަށް ސައިކަލުގެ ހުންގާނުދީގެން ދުއްވާފައި ވަނީ، ސަރުކާރު ކުންފުންޏެއްގައި ވަޒީފާ އަދާކުރާ މުވައްޒަފެކެވެ. އަދި އެމަންޒަރު ވީޑިއޯކޮށްފައި ވަނީ އެވަގުތު ހައިވޭގައި ކާރެއްގައި ދިޔަ އެހެން ބައެކެވެ.
އުމުރުން 18 އަހަރު ނުުފުރޭ ކުޑަކުދިންނާއި، އިންޖީނުލީ އެއްގަމު އުޅަނދުފަހަރު ދުއްވުމުގެ ލައިސަންސް ނެތް މީހުން އެއްގަމު އުޅަނދުފަހަރު ދުއްވުމަކީ ޤާނޫނުން މަނާކޮށްފައިވާ ކަމެކެވެ. އަދި ކުޑަކުއްޖަކު ނުރައްކަލަށް ހުށައެޅިގެންދާ ގޮތަށް އަމަލުކުރުންވެސް އެއީ ޤާނޫނުން މަނާކޮށްފައިވާކަމެކެވެ.
