މީހަކަށް އޮޅުވާލައިގެން ގެއަކަށް ގެންގޮސް އެމީހާއަށް ވަޅިން ބިރުދައްކައި ފޭރުނު މައްސަލައެއްގައި ދިވެހި އަންހެނަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، އެމައްސަލައިގައި ހައްޔަރުކޮށްފައި ވަނީ، މާލެ، މއ. ފޯޗިއުން، ފާޠިމަތު ޢަލީ (37އ) ކަމަށެވެ. އޭނާ ހައްޔަރުކޮށްފައި ވަނީ، ރޭ 22:08 އެހާއިރު ބަނގްލަދޭޝް ފިރިހެނަކު ގަލޮޅު ގެއަކަށް އޮޅުވާލައިގެން ގެންގޮސް ވަޅިން ބިރުދައްކައި ފޭރުނު މައްސަލައަކާއި ގުޅިގެންނެވެ. 

ފުލުހުންގެ އިދާރާއިން ވިދާޅުވީ، އެ އަންހެންމީހާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން، 15 ދުވަހުގެ މުއްދަތަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

ފުލުހުންގެ އިދާރާއިން ވިދާޅުވީ، ފާޠިމަތު ޢަލީއާއެކު އެ އަމަލު ހިންގުމުގައި ބައިވެރިވެ، އެހީތެރިވިކަމަށް ތުހުމަތުކުރެވޭ ދިވެހި ފިރިހެނަކު ހޯދުމުގެ މަސައްކަތް ކުރަމުން ގެންދާ ކަމަށެވެ.