މިފްކޯގެ ސީއީއޯ ޑރ. ވިޓަލީ ލިއުބިމޯވްއަކީ، 1993 ވަނަ އަހަރު މިފްކޯ އުފެދުނީއްސުރެ މިހާތަނަށް އެކުންފުނީގެ ސީސީއޯގެ މަޤާމަށް ޢައްޔަނުކުރި ފުރަތަމަ ބިދޭސީ މީހާއެވެ. އޭނާއަކީ، މިހާރުވެސް ބަނގުރޫޓުވުމާއި ގާތުގައި އޮތް މިފްކޯގެ ހިންގުން ހަރުދަނާކުރުމުގެ ގޮތުން އެމަޤާމަށް ޢައްޔަނު ކުރެއްވި ބޭފުޅެކެވެ.

މިނިސްޓަރ ސަޢީދު މިހެން ވިދާޅުވެފައި ވަނީ، ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު މުޙައްމަދު އިބްރާހީމް، ކުރައްވާފައިވާ ސުވާލަށް ލިޔުމުން ހުށައެޅުއްވި ޖަވާބުގައެވެ. މިނިސްޓަރގެ ޖަވާބު މަޖިލީހުގެ ތަޅުމަށް ހުށައަަޅުއްވައި ދެއްވީ މަޖިލީހުގެ އަމީންޢާއްމެވެ.

ފުލުހުންގެ އިދާރާއިން ވިދާޅުވީ، ލޯންޗު އަޑިޔަށް ގޮސް ކަނޑުނީ ލޯންޗުން ދަތުރުކުރި 45 މީހުންނާއި 3 ފަޅުވެރިން ކަމަށެވެ. އޭގެ ތެރޭގައި 4 ކުޑަކުދިންވެސް ހިމެނެއެވެ.

ރައީސުލްޖުމްހޫރިއްޔާގެ އޮފީހުގެ ސީނިއަރ ސްޕޯކްސް ޕަރސަން ހީނާ ވަލީދު އެކްސްގައި ކުރެއްވި ޕޯސްޓުގައި ވިދާޅުވީ، ރައީސުލްޖުމްހޫރިއްޔާ މިއަދަކީ ސަރުކާރު ބަންދު ދުވަހެއްގެ ގޮތުގައި ހަމަޖެއްސެވީ މެދުނުކެނޑި ބޯކޮށް ވާރޭވެހި އަދި ބައެއް ސަރަހައްދު ތަކުގައި ފެންބޮޑުވެ، އެކަމުގެ ސަބަބުން ވަރަށްގިނަ ރައްޔިތުންނަށް ދަތިވެ، ތަކުލީފުތަކެއް ލިބިފައިވާތީކަމަށެވެ.

އިރު އޮއްސުނުފަހުން މާލެއަށް ވެހެމުންދާ ބޯވާރޭގެ ސަބަބުން މާލޭގެ މަގުތަކުގައި ވަނީ ވަރަށް ބޮޑަށް ފެންބޮޑުވެފައެވެ. އަދި ގޭގެއަށާއި ފިހާރަތަކަށް ފެންވަދެ ގެއްލުންތައް ލިބެމުންދިޔުމާއިއެކު ސިފައިންނާއި ފުލުހުން ގެންދަނީ ފެން ހިންދުމުގެ މަސައްކަތް ކުރަމުންނެވެ. މިގޮތުން މާލޭގެ 13 ސަރަހައްދެއްގައި ޕަމްޕްތައް ބަހައްޓައިގެން ފެން ހިންދުމުގެ މަސައްކަތް ސިފައިން ދަނީ ކުރަމުންނެވެ.

ކޮލަމްބޯއިން މާލެއަށް ކުރާ ދަތުރުގެ ދިގު މިނަކީ، 1 ގަޑިއިރު ނަމަވެސް ފްލައިޓް ނުޖެއްސި އިތުރު 4 ގަޑިއިރު ވައިގެ ތެރޭގައި މަޑުކުރަން ޖެހުނީ މާލެ ސަރަހައްދަށް މޫސުމް ގޯސްވެ ބޯކޮށް ވާރޭ ވެހެމުން ދިޔުމާއި ގުޅިގެންނެވެ.

އެންމެ ފުރަތަމަ އޮރެންޖް އެލާޓް ނެރުނީ މިރޭ 21:45 އިން 00:00 އަށެވެ. އޭގެ ފަހުން ފަތިހު 3:00 އާއި ހަމައަށް އޮރެންޖް އެލާޓުގެ މުއްދަތު އިތުރު ކުރުމަށް ފަހު، ތިންވަނަ ފަހަރަަށް ހެނދުނު 7:00 އާއި ހަމައަށް އޮރެންޖް އެލާޓުގެ ވަގުުތު މިހާރު ވަނީ އިތުރުކޮށްފައެވެ.

ފަޙްމީ ވިދާޅުވީ، ސްޓެލްކޯއިން ޑިސްކައުންޓް ދޭނީ، ރައީސުލް ޖުމްހޫރިއްޔާ ޑރ. މުހައްމަދު މުއިއްޒު އަންގަވާފައިވާ ގޮތަށް ރައްޔިތުންނަށް ޚަރަދުކުޑަ އަދި އެންމެ ލުއި ފަސޭހަ ވާނޭ ގޮތަށް ކަމަށެވެ. މިގޮތުން ޑިސްކައުންޓް ދެވޭނީ ބިލްތަކުގެ އެވްރެޖަށް ބަލައިގެން ކަމުގައިވެސް ވިދާޅުވިއެވެ.

އިބްރާގެ ޕޯސްޓުގައި ވިދާޅުވީ، ސުޕްރީމް ކޯޓުގެ 3 ފަނޑިޔާރުން ސަސްޕެންޑް ކުރުމަކީ އެކޯޓުގައި ތަޅުއެޅުވުން ކަމަށެވެ. އަދި ކުއްލި ނުރައްކަލުގެ ޙާލަތު މާދަމާ އިޢުލާނު ކުރިއަސް، ރައްޔިތުންގެ ޙައްޤުތައް ގެއްލި ޤާނޫނު އަސާސީގެ ބާރު ކެނޑިގެންދާނޭ ކަމުގައިވެސް އިބްރާ ވަނީ ވިދާޅުވެފައެވެ.

ބަންޑާރަ ނައިބުގެ އޮފީހުން ވިދާޅުވީ، އެ މައްސަލައަކީ، އ.ދ. އާއި، އެހެނިހެން ބައިނަލްއަޤްވާމީ ޖަމްޢިއްޔާތަކާއި، އެހެން ޤައުމުތަކުން ފަލަސްތީނުގެ ޢާންމު ރައްޔިތުންނަށް ފޯރުކޮށްދެމުންދާ އިންސާނީ އެހީތެރިކަމަށް ހުރަސް އަޅައި، ފަލަސްތީނުގެ ރެފިއުޖީންނަށް އިންސާނީ އެހީތެރިކަން ފޯރުކޮށްދޭ އ.ދ. ގެ މައި ޖަމްޢިއްޔާ ކަމުގައިވާ ޔުނައިޓެޑް ނޭޝަންސް ރިލީފް އެންޑް ވަރކްސް އޭޖެންސީ ފޮރ ޕަލަސްޓައިން ރެފިއުޖީސް އިން ދަ ނިއަރ އީސްޓް (ޔޫ.އެން.އާރު.ޑަބްލިއު.އޭ.) ގެ މަސައްކަތްތައް ހުއްޓުވާލުމަށްޓަކައި، އިސްރާއީލުގެ ޤާނޫނު ހަދާ މަޖިލީހުން ނިންމުމާއި، ޣައްޒާގައި އިންސާނީ އެހީތެރިކަން ފޯރުކޮށްދިނުމަށްޓަކައި ޙަރަކާތްތެރިވަމުންދާ ފަރާތްތަކަށް އަމާޒުކޮށް އިސްރާއީލުން ޙަމަލާތައް ދެމުންގެންދާތީ، އިސްރާއީލުން އުފުލަންޖެހޭ ޒިންމާތަކާ ގުޅޭގޮތުން އައި.ސީ.ޖޭ. އަށް އިސްތިޝާރީ ލަފަޔަކަށް އެދި ހުށަހެޅުމަށް އ.ދ. ގެ ޢާންމު މަޖިލީހުގެ ޤަރާރަކުން 19 ޑިސެންބަރު 2024 ގައި ފާސްކުރުމުން ހުށަހަޅާފައިވާ މައްސަލައެއް ކަމަށެވެ.

މީގެ އިތުރުން އެމަނިކުފާނު ވިދާޅުވީ، އަހަރަކު އެއްފަހަރު ބައްދަލުވާ ރަމަޟާން މަހު، އަޅުގަނޑުމެންގެ އުޅުމާއި ގުޅުންތަކަށް އަންނަ ހެޔޮ ބަދަލު މުޅި ޙަޔާތުގައިވެސް ދެމެހެއްޓުމަށް ޢަޒުމު ކަނޑައަޅައި، ދިވެހި ކޮންމެ ކުޑަ ކުއްޖަކާއި ޒުވާނަކަށް ރީތި ނަމޫނާ ދައްކައި، ހަރުދަނާ ސިފަތައް އުނގަންނައިދޭ މަހެއްކަމުގައި މި މަސް ހެދުމަށް އެދިވަޑައިގަންނަވާ ކަމަށެވެ. އަދި ދުންފަތުގެ އިސްތިޢުމާލުކުރުން ފަދަ އަމިއްލަ ނަފުސަށް ގެއްލުންހުރި، ނުކިއްސަރު އާދަތަކާ ދުރުހެލިވުމުގެ ފުރަތަމަ ފިޔަވަޅު މި މަހު އެޅުމަށް ބާރުއަޅުއްވައި، ދޮގާއި ފިތުނަ ފަތުރަން މަސައްކަތްކުރާ ކޮންމެ ބަޔަކާ ދުރުހެލިވެ، ޚުލްޤު ހެޔޮ އިންސާނެއްގެ ގޮތުގައި ކާމިޔާބު ޙަޔާތެއް އުޅުމުގެ ޢަޒުމު ކަނޑައެޅުމަށް ވެސް ރައީސުލްޖުމްހޫރިއްޔާ ދިވެހި ރައްޔިތުންނަށް ނަޞޭހަތްތެރިވެވަވަޑައިގެންނެވިއެވެ.

މާދަމާއަކީ ބަރަކާތްތެރި ރަމަޟާން މަހުގެ ފުރަތަމަ ދުވަސްކަމަށް އިސްލާމިކް މިނިސްޓްރީން ކަނޑައެޅުއްވީ، ދުނިޔޭގެ މުސްލިމް އެހެން ޤައުމުތަކަށް ހަނދު ސާބިތުވެފައިވާ ކަމުގެ ރަސްމީ މައުލޫމާތު ލިބިފައިވާތީއާއި މިރޭގެ އިރު އޮއްސޭއިރު ހަނދުފެންމަތީގައި ހުންނާނޭކަމަށް އިތުބާރުހުރި ފަލަކީ ހިސާބުން ދައްކާތީއެވެ.

ފައްޔާޒު ވިދާޅުވީ، މަކަރުވެރި އެތައް ގޮތަކުން އައިސް ޑރ. މުއިއްޒުގެ ވިސްނުން ހުރީ ހުދުމުހުތާރު ވެރިކަމެއް ކޮށް، ކުރިއަށް އޮތް ތަނުގައި ރާއްޖޭގައި އިންތިހާބެއް ވެސް ބޭއްވިޔަ ނުދޭން ކަަމަށެވެ. އަދި ޞައްޙަ ވޯޓެއްލާން ފުރުޞަތު ލިބިއްޖެނަމަ ރައްޔިތުން ޑރ. މުޢިއްޒަށް ވޯޓު ނުދެއްވާނެކަން އެމަނިކުފާނަށް އެނގިވަޑައިގަންނަވާކަމުގައިވެސް ފައްޔާޒު ވިދާޅުވިއެވެ.

ރައީސް ވިދާޅުވީ، ލިސްޓު ޢާންމުކުރައްވާފައި އެވަނީ، މިދިޔަ ސަރުކާރުން އިޢުލާންކުރެއްވި ލިސްޓުގައި ހުރި މައްސަލަތައް އޭ.ސީ.ސީއިން ބަލައި، އެ ސަރުކާރުން އިޢުލާންކުރެއްވި ޝަރުޠުތަކަށް ޕޮއިންޓްދޭން ކަނޑައަޅާފައިވާ އުޞޫލަށް ބައްލައި އިސްލާޙްކޮށްގެން ކަމަށެވެ. އަދި ލިސްޓުން ބަޔަކު އުނިވެފައިވާނަމަ، އެ އުނިވީ ސަބަބުތައްވެސް އެނގޭނެ ކަމުގައި ރައީސް ވިދާޅުވިއެވެ.