މެދު ރާއްޖެތެރޭގެ ބޮޑު ބަޔަކަށް މޫސުމް ގޯސްވެ މޫސުމާއި ބެހޭ ޤައުމީ އިދާރާއިން މިރޭ އޮރެންޖް އެލާޓް ނެރެފިއެވެ. 

މިރޭ މޫސުމާއި ބެހޭ ޤައުމީ އިދާރާއިން ވަނީ، އިރާކޮޅު ނެރުނު އޮރެންޖް އެލާޓުގެ ވަގުތު ދެފަހަރަށް އިތުރުކޮށްފައެވެ. 

އެންމެ ފުރަތަމަ އޮރެންޖް އެލާޓް ނެރުނީ މިރޭ 21:45 އިން 00:00 އަށެވެ. އޭގެ ފަހުން ފަތިހު 3:00 އާއި ހަމައަށް އޮރެންޖް އެލާޓުގެ މުއްދަތު އިތުރު ކުރުމަށް ފަހު، ތިންވަނަ ފަހަރަަށް ހެނދުނު 7:00 އާއި ހަމައަށް އޮރެންޖް އެލާޓުގެ ވަގުުތު މިހާރު ވަނީ އިތުރުކޮށްފައެވެ.

މޫސުމާއި ބެހޭ ޤައުމީ އިދާރާއިން އޮރެންޖް އެލާޓުނެރެފައި ވަނީ ބ އަތޮޅުން ފެށިގެން ދ. އަތޮޅާއި ދެެމެދުގެ އަތޮޅުތަކުގެ ރަށްތަކަށެވެ.

މޫސުމް ގޯސްވެ ބޯކޮށް ވާރޭވެހުމުގެ ސަބަބުން މާލެ އާއި މާލެ އަތޮޅުގެ ގިނަ ރަށްތަކެއްގައި ވަނީ ފެންބޮޑުވެފައެވެ.