މާލޭގެ ހުޅަނގު ފަރާތުގައި ހަނދާފައިވާ އާޓިވިޝަލް ބީޗު، ރަސްފަންނުގައި ކުރަންޖެހޭ ބައެއް މަރާމާތުތައް ކުރުމަށްފަހު، ވަގުތީގޮތުން އެތަން މިއަދު އާއްމުންނަށް ހުޅުވާލައިފިއެވެ.

ރަސްފަންނު އާއްމުންނަށް ހުޅުވާލި އިރު، އެތަނުގެ މޫދުން ކިސަޑުގައި، ގޮނޑުދޮށުން ގިރައިގެން ގޮސްފައިވާ ސަރަހައްދުތަކަށް އަލުން ވަނީ ވެލިއަޅާފައެވެ. މީގެ އިތުރުން ވީރާނާވެފައި ހުރި ހަޓުތަކުގެ ފުރާޅާއި މޭޒާއި ގޮނޑިތައް އަލުން މަރާމާތުކޮށް، ހަލާކުވެފައި ހުރި ފެންވަރާ މާގަނޑުތައް ވަނީ ރަނގަޅުކޮށްފައެވެ.

މީގެ އިތުރުން ރަމަޟާން މަހުގެ ފަހުން، ރަސްފަންނު ބޭނުންކުރާ ފަރާތްތަކަށް ފާހާނާ ބަރިއެއް ޤާއިމުކުރުމާއެކު މަސްބޭނުމަށް މިހާރުވެސް ބޭނުންކުރަމުންދާ ޕްލެޓްފޯމްގެ އާބާތުރަފިލުވައި އަލުން ތަރައްޤީ ކުރުމަށް ވަނީ ހަމަޖެހިފައި ކަމުގައި ސަރުކާރުން ހާމަކުރައްވާފައިވެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ހައުސިންގ މިނިސްޓަރުގެ މަޤާމުގައި ހުންނެވި ދުވަސްވަރު، ރަސްފަންނު ތަރައްޤީކޮށް ނިންމައި އެތަން ހުޅުވާފައި ވަނީ، 2016 ވަނަ އަހަރުގެ ފެބުރުއަރީ މަހުގެ 7 ވަނަ ދުވަހުގައެވެ.