އދ. ދިގުރަށުން ފުރައިގެން 48 މީހުންނާއި އެކު މާލެއަށް ދަތުރުކުރި ލޯންޗެއް އަޑިޔަށް ގޮސް އެންމެން ކަނޑުވެއްޖެއެވެ.

ފުލުހުންގެ އިދާރާއިން ވިދާޅުވީ، ލޯންޗު ދަތުރުކުރި 48 މީހުންގެ ތެރޭގައި ހިމެނެނީ 45 ފަސިންޖަރުންނާއި ތިން ފަޅުވެރިންނެވެ. ފަސިންޖަރުންގެ ތެރޭގައި 4 ކުޑަކުދިންވެސް ތިއްބެވެ. ފުލުހުން އިދާރާއިން ވިދާޅުވީ މިހާދިސާ ހިނގާފައި ވަނީ މިއަދު ހެނދުނު 7:57 ހާއިރުގައި ކަމަށެވެ.

ފުލުހުންގެ އިދާރާއިން ވިދާޅުވީ، ލޯންޗުން ދަތުރުކުރި އެންމެންވެސް ސަލާމަތްކޮށްފައިވާ ކަމަށާއި މިހާރު އެ އެންމެންވެސް އދ ދިގުރަށަށް ގެންގޮސްފައިވާ ކަމަށެވެ. އަދި އޭގެ ތެރެއިން ބައެއް މީހުންނަށް ދިގުރަށު ސިއްޙީ މަރުކަޒުގައި ފަރުވާދީފައިވާ ކަމަށްވެސް ފުލުހުންގެ އިދާރާއިން ވިދާޅުވިއެވެ.

ހުވަން ނަމަކަމަށް ކިޔާ ލޯންޗު އަޑިޔަށް ދިޔައިރު އެލޯންޗުގައި ގިނަ އަދަދެއްގެ ޓޫރިސްޓުންވެސް ތިއްބެއެވެ.

ފުލުހުންގެ އިދާރާއިން ވިދާޅުވީ، ލޯންޗު އަޑިޔަށް ދިޔަ ހާދިސާ ބަލައި ތަޙްޤީޤު ކުރަމުންދާ ކަމަށެވެ.