ރައްޔިތުންގެ މަޖިލީހުގެ މިއަދުގެ ޖަލްސާ ބައި ގަނޑިއިރުގެ ތެރޭގައި ނިންމާލައިފިއެވެ.

މިއަދުގެ ޖަލްސާގެވެސް ރިޔާސަތު ބަލަހައްޓަވާފައި ވަނީ، ރައްޔިތުންގެ މަޖިލީހުގެ ރައީސް ޢަބްދުއްރަހީމް ޢަބްދުއްﷲއެވެ.

މަޖިލީހުގެ މިއަދުގެ ޖަލްސާއަށް އެޖެންޑާކޮށްފައި ސަފީރުން އައްޔަންކުރުމާއި ގުޅޭ މައްސަލަތަކުގެ އިތުރުން ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) އިކޮނޮމިކް މިނިސްޓަރު މުހައްމަދު ސައީދާއި ލިޔުމުން ކުރައްވާފައިވާ ސުވާލުތަކުގެ ޖަވާބު މަޖިލީހުގެ ތަޅުމުގައި އިއްވުމެވެ.

މިއަދު 10:30 ގައި މަޖިލީހުގެ ޖަލްސާ ފަށައި 11:00 ޖެހި އިރު ޖަލްސާ ވަނީ ނިންމާލާފައެވެ.

މިއީ މި ރޯދަމަހު ބޭއްވި ރައްޔިތުންގެ މަޖިލީހުގެ ފުރަތަމަ ޖަލްސާއެވެ. ކުރިން ރަމަޟާން މަހުގައި މަޖިލިސް ޗުއްޓީއަށް ދާގޮތަށްވެސް ނިންމިއެވެ. އެހެން ނަމަވެސް ފާޑިކިޔުންތައް އަމާޒުވެފައި ވަނިކޮށް ފަހުން އެނިންމުން ބަދަލުކުރީއެވެ.