ސްރީލަންކާވެ ވެރިރަށް ކޮލަމްބޯއިން މާލެ އައި، އީކޭ 653 ފްލައިޓް މޫސުމް ގޯސްވެ ވެލާނާ އިންޓަރނޭޝަނަލް އެއާޕޯޓަށް ނުޖެއްސި 4 ގަޑިއިރު ވައިގެ ތެރޭގައި މަޑުކުރަން ޖެހިއްޖެއެވެ.

ރޭގަނޑު 9 ޖަހާއިރު ރާއްޖެއަށް އަންނަ އީކޭގެ އެ ފްލައިޓަށް ވެލާނާ އެއާޕޯޓުގައި ޖެއްސުނީ މެންދަމު ބާރަވެސް ޖެހިފަހުންނެވެ.

ކޮލަމްބޯއިން މާލެއަށް ކުރާ ދަތުރުގެ ދިގު މިނަކީ، 1 ގަޑިއިރު ނަމަވެސް ފްލައިޓް ނުޖެއްސި އިތުރު 4 ގަޑިއިރު ވައިގެ ތެރޭގައި މަޑުކުރަން ޖެހުނީ މާލެ ސަރަހައްދަށް މޫސުމް ގޯސްވެ ބޯކޮށް ވާރޭ ވެހެމުން ދިޔުމާއި ގުޅިގެންނެވެ.

މާލެ ސަރަހައްދަށް މޫސުމާއި ބެހޭ ޤައުމީ އިދާރާއިން ވަނީ، މިރޭ އޮރެންޖް އެލާޓްވެސް ނެރެފައެވެ.