މިނިސްޓަރ އިހުސާންގެ އިތުބާރު ނެތް ކަމުގެ މައްސަލާގައި މިއަދު ނެގި ވޯޓުގައި، އިޙްސާނަށް އިތުބާރު ނެތްކަމަށް ވޯޓު ދެއްވީ އިދިކޮޅު 11 މެންބަރުންނެވެ. އިޙްސާނަށް އިތުބާރު އޮތްކަމަށް، ސުޕަރ މެޖޯރިޓީ އޮތް ޕީއެންސީގެ މެމްބަރުންގެ ތެރެއިން 64 މެމްބަރުން ވޯޓު ދެއްވިއެވެ. ރައްޔިތުންގެ މަޖިލީހުގައި ޕީއެންސީގެ 76 މެމްބަރުން ތިއްބަވައެވެ.

ރައީސުލްޖުމްހޫރިއްޔާ ވިދާޅުވީ، ގުޅީފަޅުގެ ލޭންޑް ޔޫސް ޕްލޭނަށް މިހާރު ބަދަލުގެނެވިފައިވާކަމަށާއި، ގޯތި ލިބޭ މީހުންނަށް، ކަޑަޖަހައި، އިންވަކިކޮށް، ގޯތި ހަވާލުކުރުމުގެ މަސައްކަތްވެސް ކުރިއަށް އޮތް ދެތިން މަސްދުވަސް ތެރޭގައި ކުރިއަށްގެންދަވާނޭކަމުގެ ޔަޤީންކަން ދެއްވާ ކަމަށެވެ. އެހެން ނަމަވެސް ބުރިޖު އަޅާ ސަރަޙައްދުން ގޯތި ލިބޭ މީހުން އޭގެ ތެރެއިން އިސްތިސްނާވާނޭ ކަމުގައި ރައީސް ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، ރިޔާސީ ބަޔާނުގައި ވަޢުދުވެވަޑައިގެންފައިވާ ފަދައިން ރާއްޖޭގެ ހުރިހާ ރަށެއްގައި، ވަޞީލަތް ހަމަ ފިޓްނަސް ރިކްރިއޭޝަން ސެންޓަރުތަކާއި، އައުޓް ޑޯ ޖިމް އަދި ކުޑަކުދިންގެ ޕާކު ނެތް ރަށްރަށުގައި ކުޑަކުދިންގެ ޕާކު، ދެ އަހަރުގެ ތެރެއަށް ބަހާލައިގެން ކުރައްވާނެ ކަމަށާއި، މުޅި ރާއްޖެއަށް ކަނޑައެޅި މި ސިޔާސަތުގެ ތެރެއިން މާއެނބޫދޫއަށް ބޭނުންވާ ތަރައްޤީވެސް ހިމެނިގެންދާނެ ކަމަށެވެ.

އިއްޔެ އާއްމު ކުރި ދިރާސީ ކަލަންޑަރުގައި ވާގޮތުން، މިއަހަރުގެ ސްކޫލު ބަންދަށްފަހު ދެން ސްކޫލުތައް ހުޅުވޭނީ އޭޕްރީލް މަހުގެ 7 ވަނަ ދުވަހުގައެވެ. އަދި ޖުލައި 24 ގައި ފުރަތަމަ ޓާމު ނިންމާއިރު، ދެވަނަ ޓާމުގެ ކިޔެވުން ފަށާނީ، އޮގަސްޓް 10 ގައެވެ.

މާލިއްޔަތު ކޮމިޓީން ނިންމާފައިވާ ރިޕޯޓަށް ބަހުސްކުރުމަށް ލިބުނު ފުރުޞަތުގައި، މީކާއީލް ވަނީ މަޖިލީހަށް މިހާރު ހުށައަޅާފައިވާ، ސްޕްރީމްކޯޓުގެ ބެންޗަށް ބަދަލު ގެނައުމާއި ގުޅޭ އިސްލާޙާއި ގުޅޭ ގޮތުން ވާހަކަފުޅު ދެއްކެވުމަށް މަސައްކަތްޕުޅު ކުރައްވާފައެވެ. އަދި މީކާއީލްގެ ވާހަކަފުޅު ތަކުރާރުކޮށް މަޖިލީހުގެ ރައީސް ހުއްޓުވުމުން މީކާއީލް ވަނީ، މަޖިލީހުގެ ރައީސަކީ މަޖުބޫރީ ޙާލަތުގައި އިންނެވި ބޭފުޅެއް ކަމުގައި ވިދާޅުވެފައެވެ.

ރޭ ގެ ރަސްމިއްޔާތުގައި ވަނީ، ދ. ކުޑަހުވަދޫގައި ކޮމާޝަލް ޕޯޓެއް ނުވަތަ ވިޔަފާރި ބަނދަރެއް ތަރައްޤީ ކުރުމުގެ އެއްބަސްވުމުގައި ސޮއިކޮށްފައެވެ. އެ މަޝްރޫޢަށް އިޝާރާތް ކުރައްވާ، ވާހަކަފުޅު ކުރިއަށް ގެންދަވަމުން ރައީސުލްޖުމްހޫރިއްޔާ ވަނީ ދ. ކުޑަހުވަދޫ ވިޔަފާރި ބަނދަރުގެ މަޝްރޫޢަކީ ސަރަޙައްދީ ގޮތުން ބަލާއިރު ވަރަށް އެކަށޭނަ މަޝްރޫޢެއް ކަން ފާހަގަކުރައްވާފައެވެ.

ރިޔާސަތުގައި އިންނަވައި ވާހަކަފުޅު ދައްކަވަމުން، އަބްދުއްރަހީމް ވިދާޅުވީ، މީކާއިލް ހުށައެޅުއްވި ކުއްލި މައްސަލައަކީ މަޖިލީހުގެ ޤަވާއިދާއި އެއްގޮތަށް ހުށައެޅޭނެ މައްސަލައެއް ނޫންކަމަށެވެ. އެހެންވެ އެމައްސަލަ ޖަލްސާއަށް ހުށަނޭޅޭނޭ ކަމުގައި މަޖިލީހުގެ ރައީސް ޢަބްދުއްރަޙީމް ވިދާޅުވިއެވެ.

މިބިލް ހުށައެޅުމުގެ މަޤުޞަދަކީ، ކުރި އޮތް ގޮތަށް ބަދަލުކުރުން ކަމުގައި ވަނީ ވިދާޅުވެފައެވެ. އިންތިޤާލީ ސްޕްރީމްކޯޓުގެ މަރުޙަލާ ނިމި ދާއިމީ ސްޕްރީމްކޯތު އެކުލަވާލި އިރު، ދިވެހިރާއްޖޭގެ ސްޕްރީމްކޯޓުގެ ބެންޗުގައި ތިއްބެވީ 7 ފަނޑިޔާރުންނެވެ. އެހެން ނަމަވެސް ރައީސް ޔާމީނުގެ ވެރިކަމުގެ ދުވަސްވަރު 2014 ވަނަ އަހަރު 2 ފަނޑިޔާރަކު ވަކިކޮށް ސްޕްރީމްކޯޓުގެ ބެންޗި 5 ފަނޑިޔާރުންނަށް ކުޑަކުރެއްވިއެވެ. އޭގެ ފަހުން އެމްޑީޕީގެ ވެރިކަމުގައި އަނެއްކާވެސް ވަނީ ފަނޑިޔާރުންގެ ބެންޗުގެ އަދަދު 7އަށް މަތިކޮށް އިތުރު ދެ ފަނޑިޔާރަކު އައްޔަނުކޮށްފައެވެ.

ފައިނުގެ އެއާޕޯޓުގެ މަސައްކަތް ކުރަނީ، އެމްއޭސީއެލްއިންނެވެ. އެ އާޕޯޓު ތަރައްޤީ ކުރުމުގެ މަސައްކަތް އެމްޓީސީސީއާ ހަވާލުކޮށްފައި ވަނީވެސް އެކުންފުނިންނެވެ. އެއްބަސްވުމުގައި ސޮއިކޮށްފައި ވަނީ މިއަދުއެވެ.

ރައީސުލްޖުމްހޫރިއްޔާ، ޖަޕާނުގެ އެމްޕެރާ ހިޒް މެޖެސްޓީ ނަރުހިތޯ އަދި ޕްރައިމް މިނިސްޓަރ ހިޒް އެކްސެލެންސީ ޝިގެރޫ އިޝިބާއައަށް ވަކި ވަކިން ފޮނުއްވެވި ތަޙްނިޔާގެ ސިޓީފުޅުތަކުގައި، ރާއްޖެއާއި ޖަޕާނާ ދެމެދުގައި އޮތް ޒަމާންވީ ރަޙްމަތްތެރިކަމުގެ ގާތް ގުޅުމުގެ މައްޗަށް އަލިއަޅުއްވާލައްވައި ދެ ޤައުމުގެ ދެމެދުގައި އޮތް ގާތްގުޅުން ބިނާވެފައި ވަނީ އެއްޤައުމު އަނެއް ޤައުމަށް ކުރާ އިޙުތިރާމާއި އިތުބާރުގެ މައްޗަށްކަން ފާހަގަކުރެއްވިއެވެ.

ސްޓެލްކޯގެ މެނޭޖުންގ ޑައިރެކްޓަރ ޙުސައިން ފަޙްމީ އެކްސްގައި ކުރެއްވި ޕޯސްޓުގައި ވިދާޅުވީ، މަސްދަޅުކޭސް ބެހުމަށް ސަރުކާރުން މިހާރު އަޅާފައިވާ ހަރުދަނާ ފިޔަވަޅުތަކުގެ ތެރެއިން ކިއުގެ ތަކުލީފު ވީހާވެސް ކުޑަވާނެ ގޮތަކަށް އިންތިޒާމްކުރެވި ރޭވިފައިވާ ރޭވުންތަކުގެ ތެރެއިން ސްޓެލްކޯގެ މުވައްޒަފުންވެސް ވަނީ މި މަސައްކަތުގައި ސަރުކާރުގެ ޓީމުތަކާއި ގުޅިގެން ބައިވެރިވެފައި ކަމަށެވެ.

ސަޢޫދީ ޢަރަބިއްޔާގެ ތައުސީސީ ދުވަހުގެ ތަހުނިޔާ ފޮނުއްވައި، ރައީސުލްޖުމްހޫރިއްޔާގެ ރަސްމީ "އެކްސް" އެކައުންޓްގައި ކުރެއްވި ޕޯސްޓެއްގައި އެ މަނިކުފާނު ވަނީ، ސަޢޫދީ ޢަރަބިއްޔާގެ ލީޑަރޝިޕާއި ރައްޔިތުންނަށް ވަރަށް އިޚްލާޞްތެރިކަމާއެކު ތަހުނިޔާ އާއި ހެޔޮއެދުންތައް ފޮނުއްވާފައެވެ. އަދި ސަޢޫދީ ޢަރަބިއްޔާގެ ކުރިއެރުމާއި، ތަނަވަސްކަމާއި، ސަލާމަތާއި ހަމަޖެހުމަށް އެމަނިކުފާނު އެދިވަޑައިގެންފައިވެއެވެ.

މާލެ ސަރަހައްދުގެ 45000 ވުރެ ގިނަ ގޭބިސީ ހުންނައިރު، މަސްދަޅުކޭސް ދޫކުރަން ކަނޑައެޅީ މާލެ ސަރަހައްދުން ފަސްތަނެކެވެ. އެކަމުގެ ސަބަބުން ކިޔޫތައް ދިގުވެ ތޮއްޖެހުން ބޮޑުވެގެން ދިޔައެވެ. ރޭ ގެ ފަތިހު 4 ޖެހި އިރުވެސް މާލެ އާއި ހުޅުމާލޭގެ ބައެއް ތަންތަނުން މަސްދަޅުކޭސް ދޫކޮށް ނިންމާލެވިފައެއް ނުވެއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ، އެމަނިކުފާނު މިގޮތަށް ނިންމެވީ، ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ 1-56 ވަނަ މާއްދާގެ (ހ) އިން، ދިވެހިރާއްޖޭގެ އެންމެހައި އިދާރީ ދާއިރާތަކުގައި ހިމެނޭ ސިޓީ ކައުންސިލްތަކާއި ރަށު ކައުންސިލްތަކުގެ އިޚްތިޞާޞް ކަނޑައެޅުމަށް ރައީސުލްޖުމްހޫރިއްޔާއަށް މަތިކޮށްފައިވާ މަސްއޫލިއްޔަތުގެ ދަށުން، އެމަނިކުފާނު މިއަދު ނެރުއްވި، ނަންބަރު 2025/5 ވަނަ ޤަރާރުން ކަމަށެވެ.

ރައީސުލްޖުމްހޫރިއްޔާގެ ޕޯސްޓުގައި ދިވެހިރާއްޖެ، ދިވެހިވަންތަ، ދިވެހިދިދަ، ފަދަ ދިވެހީންގެ އަމިއްލަވަންތަކަމާއި، ސިޔާދަތު، ރަމްޒުކޮށްދޭ ކޮންމެ ލަފްޒެއްވެސް ގުޅިފައިވަނީ "ދިވެހި" ބަހާއިކަން ފާހަގަކުރެއްވިއެވެ. އަދި މާޒީއާއި، މިއަދު އަދި މާދަމާވެސް، ދިވެހީންގެ ގޮތުގައި ދިވެހީން ދެމިތިބުމުގެ ސިއްރަކީ ދިވެހިބަސްކަމުގައި އެމަނިކުފާނު ވަނީ ވިދާޅުވެފައެވެ.