އައްޑޫ ސިޓީ ދެކުނުން ދަތުރު ކުރަމުންދިޔަ ބޭރުގެ ބޯޓެއްގެ ފަޅުވެރިއެއްގެ ހާލު ސީރިއަސްވެގެން އައްޑޫ ސިޓީއަށް ބާލައިދީފައިވާ ކަމުގައި މޯލްޑިވްސް ނޭޝަނަލް ޑިފެންސްފޯސް އިން ވިދާޅުވެއްޖެއެވެ.

އެމްއެންޑީއެފުން ވިދާޅުވީ، އައްޑޫ ސިޓީގެ ދެކުނުން 245 ނޯޓިކަލް ބޭރުން ދަތުރުކުރަމުންދިޔަ "އެމްވީ އަލްފާ އީތޯސް" ބޯޓުގެ ފަޅުވެރިއަކު އައްޑޫ ސިޓީއަށް ބާލައިދީ، ފަރުވާ ދިނުމަށް އައްޑޫ އިކުއެޓޯރިއަލް ހޮސްޕިޓަލަށް ގެންގޮސްދީފައިވާ ކަމަށެވެ. އެމީހާއަކީ އުމުރުން 31 އަހަރުގެ ފިރިހެނެއް ކަމުގައިވެސް އެމްއެންޑީއެފުން ވިދާޅުވިއެވެ.

ރާއްޖެއިން ބޭރުގެ އުޅަނދު ފަހަރު ރާއްޖެ ހުރަސްކޮށް ކުރާ ދަތުރުތަކުގައި ބަލި މީހުންނަށް ފަރުވާ ދިނުމަށް ރާއްޖެއަށް ބާލައެވެ.