Advertisement
ސްޓެލްކޯގެ މުވައްޒަފުން މަސްދަޅު ކޭސް ބެހުމުގައި ---
މަސްދަޅު ބެހުމުގެ މަސައްކަތުގައި ސްޓެލްކޯގެ މުވައްޒަފުންވެސް ބައިވެރިވެއްޖެ
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ދެއްވާ މަސްދަޅު ކޭސް ބެހުމުގެ މަސައްކަތުގައި ސްޓެލްކޯގެ މުވައްޒަފުންވެސް ބައިވެރިވެއްޖެއެވެ.
ސްޓެލްކޯގެ މެނޭޖުންގ ޑައިރެކްޓަރ ޙުސައިން ފަޙްމީ އެކްސްގައި ކުރެއްވި ޕޯސްޓުގައި ވިދާޅުވީ، މަސްދަޅުކޭސް ބެހުމަށް ސަރުކާރުން މިހާރު އަޅާފައިވާ ހަރުދަނާ ފިޔަވަޅުތަކުގެ ތެރެއިން ކިއުގެ ތަކުލީފު ވީހާވެސް ކުޑަވާނެ ގޮތަކަށް އިންތިޒާމްކުރެވި ރޭވިފައިވާ ރޭވުންތަކުގެ ތެރެއިން ސްޓެލްކޯގެ މުވައްޒަފުންވެސް ވަނީ މި މަސައްކަތުގައި ސަރުކާރުގެ ޓީމުތަކާއި ގުޅިގެން ބައިވެރިވެފައި ކަމަށެވެ.
ފަހްމީ ވިދާޅުވީ، ސްޓެލްކޯގެ މުވައްޒަފުން، ތިބީ ޕޮލްކޯ ޓަވަރ (ސީބްލޮކް)ގައި ސްޓޭޝަންވެ ރައްޔިތުންގެ ހިދުމަތުގައި ކަމަށާއި، މިފަދަ ކަންކަމުގައި މުވައްޒަފުންގެ ފަރާތުން ލިބެމުން އަންނަ އެއްބާރުލުމަށް ޝުކުރު އަދާކުރައްވާ ކަމަށެވެ.
ސަރުކާރުން ދޫކުރާ މަސްދަޅުތައް ބެހުމުގައި އިންތިޒާމްތައް ގޯސްވުމުގެ ސަބަބުން އާއްމުންނަށް ބޮޑެތި އުނދަގޫތަކެއް އުފުލަން ޖެހުނެވެ. އެންމެ ފުރަތަމަ ރޭ މަސްދަޅުތައް ބަހައި ނިމުނު އިރު ފަތިހު 3 ވެސް ޖަހައިފިއެވެ.
