Advertisement
ރައްޔިތުންގެ މަޖިލީހުގެ މިއަދުގެ ޖަލްސާގެ ތެރެއިން ---
ފްރީ ޓްރޭޑް އެގްރީމެންޓެއް އޮތަސް ދުންފަތުން ޑިއުޓީ ނަގާނެ: މިނިސްޓަރ
ޗައިނާ އާއެކު ދިވެހިރާއްޖެއިން މިނިވަން ވިޔަފާރީގެ އެއްބަސްވުމެއް ހަދާފައި އޮތް ނަމަވެސް ޗައިނާއިން ރާއްޖެއަށް އެތެރެ ކުރާ ދުންފަތުުގެ ބާވަތްތަކުން ޑިއުޓީ ނަގަމުންދާކަމުގައި އިކޮނޮމިކް މިނިސްޓަރ މުޙައްމަދު ޞަޢީދު ވިދާޅުވެއްޖެއެވެ.
މިނިސްޓަރ ސަޢީދު މިހެން ވިދާޅުވެފައި ވަނީ، ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު މުޙައްމަދު އިބްރާހީމް، ކުރައްވާފައިވާ ސުވާލަށް ލިޔުމުން ހުށައެޅުއްވި ޖަވާބުގައެވެ. މިނިސްޓަރގެ ޖަވާބު މަޖިލީހުގެ ތަޅުމަށް ހުށައަަޅުއްވައި ދެއްވީ މަޖިލީހުގެ އަމީންޢާއްމެވެ.
ދުންފަތުގެ ބާވަތްތަކުން ދައުލަތަށް ލިބޭ ޑިއުޓީ އާގުޅޭގޮތުން މިނިސްޓަރ ސަޢީދު ވިދާޅުވީ، ދުންފަތުގެ ބާވަތްތަކާއި އަދި ސިނގިރޭޓުން ދައުލަތަށް ލިބޭނެ އާމްދަނީ ބިނާވާނީ، ޗައިނާއިން ދިވެހިރާއްޖެއަށް ދުންފަތުގެ ބާވަތްތަކާއި އަދި ސިނގިރޭޓް އިމްޕޯޓު ކުރާ މިންވަރެއްގެ މައްޗަށް ކަމަށެވެ.
ދުންފަތުގެ ޤާނޫނަށް ސަރުކާރުން ގެނެސްފައިވާ އިސްލާޙް ތަކާއި އެކު ދުންފަތުގެ ބާވަތްތަކާއި ސިނގިރޭޓުން ނަގާ ޑިއުޓީ ބޮޑުކުރުމާއި އެކު ޖެނުއަރީމަހުގައިވެސް ދައުލަތަށް ލިބުނު އާމްދަނީ ވަނީ ވަރަށް ބޮޑަށް އިތުރުވެފައެވެ.
