ޖޮއިންޓް ވެންޗަރ އުސޫލުން 3000 ހައުސިންގ ޔުނިޓް ތަރައްޤީކުރުމަށް ފަހި ދިރިއުޅުން ކޯޕަރޭޝަނުން ފްރޭމްވޯރކް އެއްބަސްވުމެއްގައި ސޮއިކޮށްފިއެވެ.

މިއަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި ދަ ޑިމޮކްރެޓްސްގެ ޓިކެޓުގައި ވާދަކުރަން ބޭނުންވާ ފަރާތްތަކަށް ކުރިމަތިލުމުގެ ފުރުޞަތު ހުޅުވާލައިފިއެވެ.

އާންމު ދަތުރުފަތުރަށް އުނދަގޫވާގޮތަށް ޕާކު ކުރުން މަނާ ސަރަޙައްދުތަކުގައި ބަހައްޓާފައިވާ އުޅަނދުތަކާމެދު ގާނޫނީ އިމުގެ ތެރެއިން ފިޔަވަޅު އަޅާނެކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ނ.ޣ.ޢ.ވ އަބުދުﷲ ޝާހިދު ވިދާޅުވީ، ވެރިކަމަށް އައުމަށް މިސަރުކާރުން ދެއްކީ ދޮގު ވާހަކަތަކެއްކަން މިވެރިކަމަށް 52 ދުވަސް ވީއިރު، މިހާރު ރައްޔިތުންނަށް އެނގިފައިވާ ކަމަށެވެ. މިގޮތުން އިންޑިއާ ސިފައިންނާއި ގުޅިގެން ދެއްކި ވާހަކަތަކާއި އިންޑިއާއާއި އެކު ރާއްޖެއިން އެތައް ސަތޭކަ އެއްބަސްވުމެއް ހަދާފައިވާކަމަށް ބުނެ ދެއްކި ވާހަކަތާއި، ޗާގޯސް ކަނޑުވިއްކާލީ ކަމަށް ބުނެ ދެއްކި ވާހަކަތަކަކީ ދޮގުވާހަކަތަކެއް ކަން މިހާރު ރައްޔިތުންނަށް އެނގި ހާމަވެފައިވާ ކަމުގައި ޢަބުދުﷲ ޝާހިދު ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، އައްޑޫ ސިޓީގައި ކުރަން ނިންމާފައި ހުރި ކަންކަމަކީވެސް ހަމަ ރައްޔިތުން ބޭނުންވެގެން، ރައްޔިތުން އެމަނިފާނު އަރިހުގައި ދަންނަވައިގެން ކުރަން ރޭވިފައި ހުރިކަންކަން ކަމަށެވެ. މިގޮތުން އައްޑޫ ސިޓީގެ ވަކިން އޮންނަ ހުޅުދޫއާ މީދު އައްޑޫ ސިޓީގެ އެހެން ރަށްތަކާއި ގުޅައިލުމަށް އަޅުއްވާނޭ ކަމުގައި ވަޢުދުވެ ވަޑައިގެންނެވި ބުރިޖުގެ މަސައްކަތްވެސް ވަރަށް އަވަހަށް ފެށިގެންދާނެ ކަމުގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވިދާޅުވިއެވެ.

ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވީ، މޯލްޑިވްސް އިންޓަރނޭޝަނަލް ފައިނޭންޝަލް ސަރވިސަސް އޮތޯރިޓީ ވެގެންދާނީ، އިންޓަރނޭޝަނަލް ފައިނޭންޝަލް ސެންޓަރުތައް ރާއްޖޭގައި ޤާއިމްކުރުމުގެ މަގު ފަހިކުރުމުގެ ގޮތުން މިވަގުތަށް އެޅޭ ފުރަތަމަ ފިޔަވަޅު ކަމުގައި ކަމަށެވެ. އަދި އެކަމާއި ގުޅިގެން ކުރަންޖެހޭ ހުރިހާ މަސައްކަތްތަކެއް މިހާރު ވަނީ ފެށިފައި ކަމަށާއި، އެމް.އެމް.އޭ. އާއި، ކަމާބެހޭ އެހެން ފަރާތްތަކާ ގުޅިގެން އެކަމުގެ މަސައްކަތްތައް ކުރެވެމުންދާކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

މިރަސްމިއްޔާތުގައި، ވާހަކަފުޅުދައްކަވަމުން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވީ، ވެލާނާ އިންޓަރނޭޝަނަލް އެއަރޕޯޓް ތަރައްޤީކުރުމަށް މިހާރު ހިނގަމުންދާ މަސައްކަތްތަކާ އެކުއެކީގައި މިރޭ އިފްތިތާހް ކުރެވުނު މި ބޮޑު މަޝްރޫޢުގެ މަސައްކަތްތައްވެސް ކުރިޔަށް ގެންދިޔުމަށް ރާވާފައިވާ ކަމަށެވެ. މިގޮތުން، މިހާރު ކުރިއަށްދާ އެއަރޕޯޓް ތަރައްޤީކުރުމުގެ މަޝްރޫޢަކީ އަހަރަކު ޖުމްލަ 7 މިލިޔަން ފަސިންޖަރުންނަށް ޚިދުމަތްދެވޭ ފެންވަރަށް އެއަރޕޯޓް ތަރައްޤީ ކުރުމުގެ މަސައްކަތެއް ނަމަވެސް މިރޭ އިފުތިތާޙް ކުރެއްވި މަޝްރޫޢާއެކު މުޅި މަޝްރޫޢުގެ މަސައްކަތް ނިމޭއިރު ޚިދުމަތްތަކާއި ވަޞީލަތްތައް ތަރައްޤީކުރެވި، އެއަދަދު ޖުމްލަ 25 މިލިޔަނަށް އިތުރުވެގެންދާނެކަން އެމަނިކުފާނު ފާހަގަކުރެއްވިއެވެ.

މި ބައްދަލުކުރެއްވުމުގައި އަންހެނުން ބާރުވެރިކުރުމަށް ކުރެވޭ މަސައްކަތްތައް މިހާރަށްވުރެ ފުޅާކޮށް ކުރިޔަށްގެންދިއުމާއި ގުޅޭ ގޮތުންވެސް މަޝްވަރާ ކުރައްވާފައިވާ ކަމުގައި ރައީސުލްޖުމްހޫރިއްޔާގެ އޮފީހުން ވަނީ ވިދާޅުވެފައެވެެ.

އަދި ކުށެއްނެތް ޢާންމުންގެ ބަޔަކަށް ދެވުނު މި ޙަމަލާއަކީ އިންސާނީ ޙައްޤުތަކާ ބެހޭ ބައިނަލްއަޤްވާމީ ޤާނޫނުތަކާ ޚިލާފުކަމެއްކަމަށާއި އަދި މިއީ އިންސާނީ ކަރާމާތަށް އިހުތިރާމެއް ނެތް، ފިނޑި ޢަމަލެއްކަމުގައި ފާހަގަ ކުރައްވާފައިވެއެވެ. އަދި ޓެރަރިޒަމްގެ މި ފިނޑި ޢަމަލު ދިވެހި ސަރުކާރުން ހަރުކަށި އިބާރާތުން ކުށްވެރި ކުރާކަމުގައިވެސް އެމަނިކުފާނު ތަޢުޒިޔާގެ މެސެޖުގައި ވިދާޅުވިއެވެ.

އެފްޑީސީން ބުނީ ފްލެޓްތަކުގެ މަސައްކަތް 3 ޝިފްޓަކަށް ބަހާލައިގެން މެދުކެނޑުމެއް ނެތި 24 ގަޑިއިރު ކުރަމުންދާ ކަމަށެވެ. އަދި ފްލެޓްތައް ލިބިފައިވާ ފަރާތްތަކަށް ވީހާވެސް އަވަހަކަށް ފްލެޓްތައް ހަވާލުކުރުމުގެ ގޮތުން އެއްބަސްވުންތަަކުގައި ސޮއިކުރަން ފެށުމަށް މިހާރު ތައްޔާރުވަމުން އަންނަ ކަމުގައިވެސް އެކުންފުނިން ވަނީ ބުނެފައެވެ.

ރައީސުލްޖުމްހޫރިއްޔާ އޮފީހުން ހާމަކުރައްވާފައިވާ ގޮތުގައި، މިދަތުރުފުޅުގައި ރައީސުލްޖުމްހޫރިއްޔާގެ ދެކަނބަލުން މާލެއިން ފުރާވަޑައިގަންނަވާނީ، ޖެނުއަރީ މަހުގެ 7 ވަނަ ދުވަހުގައެވެ. އަދި އެނބުރި މާލެ ވަޑައިގަންނަވާނީ، ޖެނުއަރީ މަހުގެ 12 ވަނަ ދުވަހުގައެވެ

ފައިލޭރިއާ ބައްޔަށް ޓެސްޓް ކުރުމުގެ ބޮޑު ހަރަކާތެއް ކުރިއަށް ގެންދިޔުމަށް ހެލްތު ޕްރޮޓެކްޝަން އެޖެންސީ، އެޗްޕީއޭއިން ނިންމައިފިއެވެ. މި ހަރަކާތް އަންނަ ހަފްތާގައި މާލޭގައި ފެށުމަށް ވަނީ ހަމަޖެހިފައެވެ.

އެލައިޑް އިންޝުއަރެންސްގެ ސީއެސްއާރް "ޕްރިމިއަމް ފޯ ގުޑް"ގެ ދަށުން ފައިސާގެ އެހީތެރިކަން ލިބޭ ފަރާތްތައް އިއުލާންކޮށްފިއެވެ.

އަލްހާން ވިދާޅުވީ، ކުންފުނީގެ މާލީ މުޢާމަލާތާއި ގުޅިގެން ކުންފުނިން އަދާކުރަންޖެހޭ ޒިންމާތައް ނުނިންމާ، މިފަދަ އިންތިޚާބެއްަަގައި ވާދަކުރުމަކީ އޭނާގެ ހިތަށް އެހާ ފަސޭހަ ކަމަކަށް ނުވިކަމަށެވެ. އެހެންވެ އެމްޑީޕީގެ ފަރާތުން ކާށިދޫ ދާއިރާގެ ރައްޔިތުންގެ މަޖިލީހުގެ ގޮނޑިއަށް ވާދަކުރުމަށް ނަންހުށައެޅި ހުށައެޅުން އަނބުރާ ގެނެސްފައިވާ ކަމުގައިވެސް އަލްހާން ވިދާޅުވިއެވެ.

މާލޭ ސިޓީކައުންސިލްގެ ދަށަށް ހުޅުމާލޭގެ މުނިސިޕަލް ޚިދުމަތްތަކާއި ގުޅޭ އެންމެހައި ކަންކަން، މިހިނގާ ޖެނުއަރީ މަހުގެ 31 ގެ ކުރިން ނިންމުމަށް ރައީސުލްޖުމްހޫރިއްޔާ ވަނީ ނިންމަވާފައެވެ. މިގޮތުން އެމަނިކުފާނު ނިންމަވާފައި ވަނީ، ހުޅުމާލޭގެ މުނިސިޕަލް ބިންތަކާއި ސާމާނާއި މެޝިނަރީޒް އަދި ހުރިހާ މުވައްޒަފުންވެސް މާލޭ ސިޓީ ކައުންސިލްގެ ދަށަށް ބަދަލުކުރުމަށެވެ. އަދި މުވައްޒަފުން ބަދަލު ކުރާއިރު ބަދަލުކުރާނީ، އާބަންކޯގައި މުވައްޒަފުން ތިބި އިރު ލިބެމުން އަންނަ މުސާރަ އާއި އިނާޔަތްތައް ކުޑަނުވާނޭ ގޮޮތަށް ކަމުގައިވެސް ރައީސުލްޖުމްހޫރިއްޔާ ވަނީ ވިދާޅުވެފައެވެ.

މިއެއްބަސްވުމުގައި ސޮއެކުރުމަށް ބޭއްވި ރަސްމިއްޔާތަށް ފަހުގައި ނޫސްވެރިންނަށް މައުލޫމާތު ދެއްވަމުން، ކޮންސްޓްރަކްޝަން މިނިސްޓަރ ޑރ. ޢަބުދުﷲ މުއްޠަލިބު ވިދާޅުވީ، ވިލިމާލޭގެ 5.6 ކިލޯމީޓަރުގެ މަގު ޒަމާނީ ފެންވަރަށް ހެދުމަށް ނިންމާފައިވާ ކަމަށެވެ. އަދި މިމަޝްރޫޢަށް ބޭނުންވާ ސަރވޭގައި ބަލާނީ މަގުތަކުގެ ހާލަތާއި، މަޝްރޫޢަށް ހިނގާނެ ޚަރަދުކަމުަގައިވެސް މިނިސްޓަރ ވިދާޅުވިއެވެ. އަދި މަގުތައް ފަރުމާކުރެވޭނީ، ޖުމުލަ ގޮތެއްގައި މަގުތަކުގައި މެދުވެރިވާ މައްސަލަތަކަށް ހައްލެ ހޯދޭނެ ގޮތަށް، ކަރަންޓާއި ފެނާއި ނަރުދަމާގެ ހޮޅިތަކާއި، ކޭބަލްތައް އެޅޭނެ ގޮތަށް ދެމެހެއްޓެނިވި ގޮތެއްގައިކަން މިނިސްޓަރ ފާހަގަކުރެއްވިއެވެ.