މަސައްކަތުގެ މާހައުލުގެ ސަލާމަތާއި ޞިއްހީ ރައްކާތެރިކަމުގެ ބިލުގެ މަސައްކަތް އަވަސްކޮށްދެއްވުމަށް ރައްޔިތުންގެ މަޖިލީހުގެ މެންބަރުންގެ ކިބައިން އިންތިހާބީ ރައީސް ޑރ. މުޙައްމަދު މުއިއްޒު އެދިވަޑައިގަންނަވައިފިއެވެ.އި ންތިހާބީ ރައީސް ޑރ.މުއިއްޒު މިކަމަށް އެދިވަޑައިގަތީ އިއްޔެ ހދ. މަކުނުދޫގައި ގޭސް ފުޅިއެއް ގޮވައި، ދެ މީހަކު މަރުވި ހިތާމަވެރި ހާދިސާއާއި ގުޅިގެން ނެރުއްވި ބަޔާނުގައެވެ.

ޣައްޒާ ވަށާލާފައި ތިބި އިސްރާއީލު ސިފައިން އެ ރަށަށް ތެޔޮ އެތެރެކުރުން ހުއްޓުވުމާ ގުޅިގެން އ.ދ. އިން ކަނބޮޑުވުން ފާޅުކޮށްފައިވޭ. އަދި ޣައްޒާގެ ހޮސްޕިޓަލްތަކުގައި ހުރި ތެލުގެ ސަޕްލައި ހަލުވިކަމާއެކު ހުސްވަމުންދާތީ، ވިހެއުމަށްފަހު އެކި ފަރުވާތައް ދެމުންގެންދާ 130 ތުއްތު ކުދިންގެ ފުރާނަ ގެއްލިދާނެކަމުގެ އިންޒާރު މެޑިކަލް އެއިޑް ފޯ ފަލަސްތީނުން (އެމްއޭޕީ) އިން ދީފައިވޭ.

މާލެއަށް ދިމާވެފައިވާ ބޯހިޔާވަހިކަމުގެ މައްސަލައަށް ޙައްލު ހޯދައިދިނުމަށް ސަރުކާރުން އެކަށައަޅައިފައިވާ ސިޔާސަތުގެ ދަށުން، "ގެދޮރުވެރިން" މި ނަމުގައި ކުރިޔަށްގެންދާ ޕްރޮގްރާމުގެ ތެރެއިން، ދިވެހި ރައްޔިތުންނަށް ފްލެޓާ، މާލޭގެ ރައްޔިތުންނަށާއި މާލޭގައި ދިރިއުޅެމުންދާތާ 20 އަހަރަށް ވުރެން ގިނަ ދުވަސްވެފައިވާ ފަރާތްތަކަށް ގޯތި ދޫކުރުމަށްޓަކައި ހިންގާ މަޝްރޫއަށް އެދި ހުށަހެޅުމުގެ ފުރުސަތު ހަމަވާން ބާކީ 2 ދުވަހަށް ވެއްޖެއެވެ.

ފުލުހުންގެ އިދާރާއިން ބުނީ މިހާތަނަށް ބެލި ބެލުމުން ހާދިސާ ހިނގާފައި ވަނީ އެރަށު މަސްމާރުކޭޓު ސަރަހައްދުގައި އޮތް ގޭސް ސިލިންޑަރެއް ގޮވައިގެންކަން އެނގިފައިވާ ކަމަށެވެ. މަރުވި ދެމީހުންނަކީ، ގޭސް ސިލިންޑަރު ގޮވި ވަގުތުގައި އޭގެ ކައިރީގައި ތިބި ދެމީހުންނެވެ. އެއީ މަކުނުދޫގައި އެއާޕޯޓުއެޅުމަށް ބޭނުންވާ ބިން ހިއްކަން ހަވާލުކޮށްފައިވާ ކުންފުނީގެ ދެ މުވައްޒަފުން ކަމުގައިވެސް ފުލުހުންގެ އިދާރާއިން ބުންޏެވެ. އެނގިފައިވާ ގޮތުގައި މަރުވި ދެމީހުންނަކީވެސް އިންޑިއާއަށް ނިސްބަތްވާ ދެމީހުންނެވެ.

ސެޕްޓެމްބަރ މަހު އިމްޕޯޓް އެކްސްޕޯޓުން ދައުލަތަށް ލިބުނު އާމްދަނީ 2022 ވަނަ އަހަރުގެ ސެޕްޓެމްބަރ މަހާ އަޅާބަލާއިރު 3 އިންސައްތަ އިތުރުވެފައިވާކަމަށް މޯލްޑިވްސް ކަސްޓަމްސް ސަރވިސްއިން ވިދާޅުވެއްޖެއެވެ. 2022 ވަނަ އަހަރުގެ ސެޕްޓެމްބަރ މަހު 350 މިލިއަން ރުފިޔާ ދައުލަތަށް ލިބިފައިވާއިރު، މި އަހަރުގެ ސެޕްޓެމްބަރ މަހު މި ޢަދަދުވަނީ 360 މިލިއަން ރުފިޔާއަށް އިތުރުވެފައެވެ.

ރާއްޖެއަށް ބޭނުންވާ ބޭސް ގެންނަން ބޭރު ކުންފުންޏަކާ އެކު އެއްބަސްވުމެއްގައި ސޮއިކުރަން އުޅޭ ވާހަކަ އެސްޓީއޯ އިން ދޮގުކޮށްފިއެވެ. އިންތިހާބީ ރައީސްގެ އޮފީހުން މިއަދު ބޭއްވި ނިއުސް ކޮންފަރެންސްގައި، ތަރުޖަމާނު ފިރުޒުލް މުހައްމަދު ވިދާޅުވީ ރާއްޖެއަށް ބޭނުންވާ ބޭހާއި އެހެނިހެން ސާމާނު ގެންނަން ޓެމިލްނާޑޫގެ ކުންފުންޏަކާ އެކު އެއްބަސްވުމެއް ގާއިމްކުރަމުން އަންނަ ކަމަށް އިންތިގާލީ ކޮމިޓީން ކުރަމުން އަންނަ މަސައްކަތްތަކުގައި ފާހަގަވެފައިވާ ކަމަށެވެ.

މިހާދިސާ ހިނގާފައި ވަނީ، މިއަދު ހަވީރު މަކުނުދޫގައި ނަރުދަމާގެ މަސައްކަތް ކުރާ މީހުން ތިބޭ ސައިޓެއްގައެވެ. އެ ސައިޓް ހުންނަނީ، މަކުނުދޫ ބަނދަރު ސަރަހައްދުގައެވެ. ހާދިސާގައި މަރުވީ ކިތައް މީހުންކަމެއް ސާފެއް ނުވެއެވެ. އެހެން ނަމަވެސް ފުލުހުން ވިދާޅުވީ ދެ މީހަކު މަރުވެފައިވާ ކަމުގެ މައުލޫމާތު ލިބިފައިވާ ކަމަށެވެ. އަދި ހާދިސާ ހިނގި ސަރަހައްދުގައި ފުލުހުން ހަރަކާތްތެރިވަމުން އަންނަ ކަމުގައިވެސް ފުލުހުންގެ އިދާރާއިން ބުނެފައިވެއެވެ.

އެހީގެ ތަކެއްޗާއިއެކު ޣައްޒާއަށް ވަނުމުގެ ފުރުޞަތު ފުރަތަމަ ދީފައި ވަނީ 20 ޓްރަކަށެވެ. އޭގެ ތެރޭގައި ހިމެނެނީ ޣައްޒާގެ އާއްމުންނަށް ބޭނުންވާ އެންމެ އަސާސި ތަކެއްޗެވެ. ޣައްޒާ އާ މިސްރުގެ ރަފަހް ގުޅޭ ރަފަހް ކްރޮސިންގ މިއަދު ހުޅުވައި، އެހީގެތަކެތި ޣައްޒާއަށް ވައްދަން ފަށާފައި މިވަނީ، އިޒްރޭލުން ދެމުންދާ ވައިގެ ހަމަލާތަކާއި، ހިޞާރުގެ ސަބަބުން ޣައްޒާގެ 2.1 މިލިއަން ރައްޔިތުންނަށް އިންސާނީ ބޮޑު ކާރިސާއެއް ކުރިމަތިވެފައި ވަނިކޮށެވެ.

ފަލަސްޠީނުގެ ރައްޔިތުންނަށް އެހީވުމަށް މަމްސް ޖަމުޢިއްޔާއިން އިސްނަގައިގެން ޙާއްސަ ހަރަކާތެއް ބޭއްވުމަށް ނިންމައިފިއެވެ. މި ހަރަކާތް އޮންނާނީ މިއަދު ހުޅުމާލެ ރުއްގަނޑު 1 ގައެވެ. މި އިވެންޓުގެ ހޮސްޓިން ޕާޓުނަރަކީ އާބަންކޯއެވެ.

އ.ދ. އިން ހާމަކޮށްފައިވާ ގޮތުގައި އިސްރާއީލުން ޣައްޒާއާ ދެކޮޅަށް ކުރަމުންދާ ހަނގުރާމައިގައި މަރުވި މީހުންގެ އަދަދު މިހާރު 4،137 އަށް އަރާފައިވޭ، އަދި މަރުވި މީހުންގެ ތެރެއިން 70 އިންސައްތައަކީ އަންހެނުންނާއި ކުޑަކުދިން. މީގެއިތުރުން، ފާއިތުވި 24 ގަޑިއިރުގެ ތެރޭގައި އިސްރާއީލުން ވަނީ ފަލަސްތީނުގެ ގާތްގަނޑަކަށް 352 މީހުން މަރާލާފައި.

އަންނަ އަހަރަށް ލަފާކުރާ ދައުލަތުގެ ބަޖެޓުގައި، ހިޔާ ފްލެޓުތަކުގައި އިތުރު ލިފްޓް ހަރުކުރުމަށް ހިމަނާފައިވާނެކަމަށް އިންތިޚާބީ ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ އިއްޔެ ހަވީރު، ހުޅުމާލޭ ދެވަނަ ފިޔަވަހީގެ ހިޔާ ފްލެޓުތައް ހިމެނޭ ސަރަޙައްދަށް ވަޑައިގެން ރައްޔިތުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.

ހަމާސްއިން އަސީރުންގެ ގޮތުގައި ޣައްޒާއަށް ގެންދިޔަ މީހުންގެ އަދަދު 200އަށް އަރާނެ ކަމުގައި އިޒްރާއީލުން ވަނީ ބުނެފައެވެ. ހަމާސްއިން އޮކްޓޫބަރު 7 ވަނަ ދުވަހު އިޒްރޭލަށް ދިން ހަމަލާތަކުގެ ބަދަލު ހިފުމުގެ ގޮތުން އިޒްރޭލުން ދަނީ ފަލަސްޠީނުގެ ޣައްޒާގެ އާއްމުންނަށް ހަމަލާދީ އަންހެނުންނާއި ކުޑަކުދީން ޝަހީދު ކުރަމުންނެވެ. އަދި ޣައްޒާއިން ފެނާއި ކަރަންޓާއި އިންޓަރނެޓް ކަނޑާލައި ޣައްޒާއަށް ކާބޯތަކެއްޗާއި ތެލާއި ބޭސް ވެއްދޭނެ މަގުތައްވެސް އިޒްރޭލުން ވަނީ ބަންދުކޮށްފައެވެ.

އެކުންފުނިން ބުނީ، ފުރަތަމަ މަރުހަލާގައި ހިއްކުމަށް ނިންމާފައިވާ 10 ހެކްޓަރުގެ ބިން މިހާރު ހިއްކައި ނިމިފައިވާ ކަމަށެވެ. އަދި ދެވަނަ މަރުހަލާގައި 53 ހެކްޓަރުގެ ބިން ހިއްކުމަށް ހަމަޖެހިފައިވާ އިރު، އެބައިގެ މަސައްކަތް މިހާރު ފަށާފައިވާ ކަމުގައިވެސް އާބަންކޯއިން ވަނީ ބުނެފައެވެ.

ރޭ އިރާކޮޅު މާލޭގައި ބޭއްވި މި ބޮޑު ހިނގާލުން ބޭއްވީ މަޖީދީމަގުގައެވެ. ކުޑަކުދިންނާއި އަންހެނުންނާއި އެކި އުމުރުގެ މީހުން ހިމެނޭގޮތުން މިހިނގާލުމުގައި އެތައް ސަތޭކަ ބަޔަކު ވަނީ ބައިވެރިވެފައެވެ. ހިނގާލުމުގެ ބައިވެރިން ވަނީ ތަކުބީރު ކިޔައި އަދި ފަލަސްޠީނުގެ މިނިވަން ކަމަށާއި، ރާއްޖެއިން އިޒްރޭލުގެ ޕާސްޕޯޓު ބަލައި ނުގަތުމަށް ވަނީ ގޮވާލާފައެވެ.

އިޒްރޭލުގެ ހަތަރު މިސައިލް ހަމަލާއެއް އެ ފައްޅިއަށް އެރިކަމަށް ރިޕޯޓްތައް ބުނެއެވެ. ފައްޅީގައި އޭރު ތިބީ، އިޒްރޭލުން ޣައްޒާއަށް ދެމުންދާ ހަމަލާތަކުން ރައްކާތެރިވުމަށްޓަކައި، އެ ފައްޅީގެ ހިޔާވަހިކޮށް ހޯދައިގެން ތިބި، ހަތަރު ސަތޭކައެއްހައި މީހުންކަމަށާއި އެ މީހުންގެ ތެރޭގައި ނަޞާރާއިންނާއި މުސްލިމުންވެސް ހިމެނޭ ކަމުގައި އަލްޖަޒީރާއިން ވަނީ ބުނެފައެވެ. އޭގެ ތެރެއިން 150ވުރެ ގިނަ މީހުން ވަނީ މަރުވެފައެވެ.

ޣައްޒާއަށް އިޒްރޭލުން ދެމުންގެންދާ ހަމަލާތަކާއި ގުޅޭ ގޮތުން، އދ. އިންސާނީ އެހީދިނުމުގެ ގޮފިން ނެރުނު ބަޔާނުގައި ބުނެފައި ވަނީ، އެޖަމާޢަތުގެ އިތުރު ދެ މުވައްޒަފަކު އިޒްރޭލުގެ ހަމަލާތަކުގައި މަރުވެއްޖެކަމަށާއި، އަދި އިޒްރޭލުގެ ހަމަލާތަކުގައި މަރުވި އެ ޖަމާޢަތުގެ މުވައްޒަފުންގެ އަދަދު މިހާރު، 16އަށް އަރާފައިވާ ކަމަށެވެ. މީގެ އިތުރުން، ހުޅަނގުއައްސޭރީގައި އިޒްރާއީލުން ހިންގަމުންދާ އަސްކަރީ އޮޕަރޭޝަންތަކުގައި، ބައިތުލެހެމްއިން އެކަނިވެސް، 60 މަސައްކަތްތެރިން ހައްޔަރުކޮށްފައިވާ ކަމުގައި ޔޫ.ޑަބްލިޔު.އާރް.އޭ އިން ވަނީ ބުނެފައެވެ.