ފަލަސްޠީނާއެކު ދިވެހިން ތިބިކަން ހާމަކުރުމަށް ބާއްވާ "ދިވެހިންގެ ބޮޑު އެއްވުން" މިއަދު ހަވީރު އޮންނާނެއެވެ. “ދިވެހިންގެ ބޮޑު އެއްވުން“ މި ހަރަކާތުގައި ރާއްޖޭގެ ގިނަ އަދަދެއްގެ ޖަމުޢިއްޔާ ޖަމާޢަތްތަކުން ވަނީ ބައިވެރިވެފައެވެ.

ޓްރެފިކްގެ އުސޫލުތަކާ ހިލާފުވެގެން ކޮށްފައިވާ ޖޫރިމަނާ މާފުކޮށްދޭން ބާއްވާ ތަމްރީނު ޕްރޮގްރާމްގައި މިހާތަނަށް 850 މީހުން ބައިވެރިވެފައިވާ ކަމަށް ޓްރާންސްޕޯޓް މިނިސްޓްރީން ބުނެފި އެވެ. ޖޫރިމަނާ މަޢާފް ތަމްރީން ޕްރޮގްރަމްގައި ބައިވެރިވުމަށް މި މަހުގެ 25 ގެ ނިޔަލަށް ވަނީ ފުރުޞަތު ހުޅުވާލާފައެވެ.

ކަނޑައަޅާފައި އޮންނަ ސްޕީޑަށްވުރެ ބާރަށް ސިނަމާލެ ބްރިޖްގައި ދުއްވާ ފަރާތްތަކަށާއި، ދުއްވަމުން ޤަވާއިދާ ޚިލާފަށް ލޭން ބަދަލު ކުރާފަރާތްތަކަށް ފުލުހުން ނަސޭހަތުގެ މެސެޖެއް ފޮނުވަން ނިންމަވައިފިއެވެ.

ދިވެހި ޕާސްޕޯޓް ގެއްލުމުން އަލުން ޕާސްޕޯޓް ހެއްދުމަށް ނަގަމުން އައި ޖޫރިމަނާ 2000 ރުފިޔާއަށް ވުރެ ބޮޑުނުވާނެގޮތަށް ނިންމައިފިއެވެ. ޕާސްޕޯޓް ގެއްލިއްޖެނަމަ މީގެ ކުރިން 5000 ރުފިޔާއާއި 20،000 ރުފިޔާއާ ދެމެދުގެ ޢަދަދަކުން ޖޫރިމަނާ ކުރެއެވެ.

ފްލެޓް ލިބުނު މީހުންގެ ދާއިމީ ލިސްޓް ތަރުތީބުކޮށް، ފުރަތަމަ 4000 ފްލެޓް ލިބޭ މީހުންނާއެކު ކޮންޓްރެކްޓް ހެދުމުގެ މަސައްކަތްތައް ނޮވެމްބަރު 17ގެ ކުރިން ނިންމާނެކަމަށް މިނިސްޓްރީ އޮފް ނެޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރއިން ވިދާޅުވެއްޖެއެވެ.

ރައީސް އިބްރާޙިމް މުޙައްމަދު ޞާލިޙްގެ ސަރުކާރުން އެއްވެސް ރަށެއްގައި ހިންގާ އެއްވެސް މަޝްރޫއެއް ހުއްޓާލަން، ނުވަތަ މަޑުޖައްސާލަން ބުނެފައި ނުވާނެކަމަށް، އިންތިހާބީ ރައީސް ޑރ. މުޙައްމަދު މުއިއްޒު ވިދާޅުވެއްޖެއެވެ.

މިދިޔަ ސެޕްޓެމްބަރ މަހު މޯލްޑިވްސް އިންލޭންޑް ރެވެނިއު އޮޓޯރިޓީ، މީރާއަށް 1.18 ބިލިއަން ރުފިޔާ ބަލައިގަނެފައިވާކަމަށް އެ އިދާރާއިން ވިދާޅުވެއްޖެއެވެ. ސެޕްޓެމްބަރު 2023 ގައި މީރާއަށް ބަލައިގަތް އާމްދަނީގެ އެންމެ ބޮޑު ބައެއް ހިއްސާކުރަނީ ޖީ.އެސް.ޓީއެވެ.

މިއަހަރުގެ ސައުތު އޭޝިއަން ޓްރެވެލް އެވޯޑްސް، ސާޓާގެ ގިނަ އެވޯޑްތަކެއް ރާއްޖެއަށް ލިބިއްޖެއެވެ. މީގެތެރޭގައި ވަކިވަކި ކުންފުނިތަކާއި ރިސޯޓްތަކުން ހާސިލްކޮށްފައިވާ އެވޯޑާއި ރާއްޖެއަށް ލިބިފައިވާ އެވޯޑްތައް ހިމެނެއެވެ.

ދިވެހި ރާއްޖެއިން ޕާކިސްތާނަށް ކަނޑައަޅާ އައު ސަފީރަކަށް ހ.ސެލީނާ، ޚަދީޖާ ނަޖީޙާ އައްޔަން ކުރެއްވުމަށް ރައްޔިތުންގެ މަޖިލީހަށް ހުށައަޅައިފިއެވެ. ނަޖީޙާއަށް ރުހުން ހޯދުމަށް މަޖިލީހަށް ފޮނުއްވާފައިވަނީ އިއްޔެއެވެ.

ހުޅުމާލެ 3ވަނަ ފިޔަވަހި ބިން ހިއްކުމުގެ މަސައްކަތުގެ ތެރެއިން ފުރަތަމަ މަރުހަލާގައި ހިއްކުމަށް ހަމަޖެހިފައިވާ ސަރަހައްދުގެ %70 ހިއްކާ ނިމިފައިވާކަމަށް އާރބަންކޯއިން ވިދާޅުވެއްޖެއެވެ. އާރބަންކޯއިން ބުނީ ހިއްކުމަށް ހަމަޖެހިފައިވާ 10 ހެކްޓަރު އަންނަ ހުކުރުދުވަހު ހިއްކާ ނިމޭނެކަމަށެވެ.

ދިވެހިރާއްޖެ އިން އެކުވެރި އަރަބި އިމާރާތާއި ބަންގްލަދޭޝަށް ކަނޑައަޅުއްވާ ސަފީރުން އައްޔަންކުރަން ރައްޔިތުންގެ މަޖިލީހުގެ ރުހުން ހޯދުމަށް ހުށައަޅައިފިއެވެ.

ކޮތަޅުން 2 ރުފިޔާގެ ޓެކްސްއެއް ނެގުމަށް ޤާނޫނަށް ގެނައި އިސްލާހާއިއެކު އާންމުންގެ ބޮޑެތި ކަންބޮޑުވުންތަކެއް ހުރުމުން ސަރުކާރުން ވަނީ ޤަނޫނު އިސްލާހު ކުރުމަށް މެއި މަހު ހުށަހެޅާފައެވެ. ސަރުކާރުގެ ފަރާތުން މި ބިލު ހުށައެޅުއްވީ ކޮމަންޑޫ ދާއިރާގެ އެމްޑީޕީ މެމްބަރު އަހުމަދު ރާޝިދުއެވެ.

ކެންސަރާބެހޭ ބެހޭ ގޮތުން އާންމުންގެ ހޭލުންތެރިކަން އިތުރުކޮށް ކެންސަރު ބައްޔަށް ފަރުވާ ހޯދާ މީހުންނަށް އެހީތެރިވުމުގެ ގޮތުން ޓޯޓަލް ފިޓްނެސް ގްރޫޕް (ޓީއެފްޖީ) އާއި ކެންސަރ ސޮސައިޓީ އޮފް މޯލްޑިވްސް (ސީއެސްއެމް) އާއި ދެމެދު އެއްބަސްވުމެއްގައި ސޮއިކޮށްފިއެވެ. މިކަމަށްޓަކައި ބޭއްވި ރަސްމިއްޔާތުގައި މި އެއްބަސްވުމުގައި ޓީއެފްޖީގެ ފަރާތުން ސޮއި ކުރެއްވީ ސީއީއޯ ހުސައިން ޒިނާންއެވެ. އަދި ކެންސަރ ސޮސައިޓީ އޮފް މޯލްޑިވްސްގެ ފަރާތުން ސޮއިކުރެއްވީ އޯގަނައިޒީން ސެކެޓްރީ ރަޒާން މުހައްމަދެއެވެ.

އިންތިހާބީ ރައީސް ޑރ. މުހައްމަދު މުއިއްޒުގެ ފަރާތުން އިންތިގާލީ މަަސައްކަތްތަކަށް އެކުލަވައިލި ޓީމުތަކުގެ ތެރެއިން އިސްލާމިކް މިނިސްޓްރީއަށް ކަނޑައެޅި ޓްރާންސިޝަން ކޮމެޓީން އެ މިނިސްޓްރީގެ އިސް ވެރިންނާ ބައްދަލުކޮށްފިއެވެ. މި ބައްދަލުވުން އޮތީ އިސްލާމިކް މިނިސްޓްރީގައެވެ.

ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދު، އިންތިޚާބީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދާއި ބައްދަލުކުރައްވައިފިއެވެ. މިއަދު މުލިއާގޭގައި އޮތް މި ބައްދަލުކުރެއްވުމުގައި ފަޒްނާ އަޙްމަދު ވަނީ އިންތިޚާބުގައި ޑރ. މުޙައްމަދު މުޢިއްޒު ހޯދެއްވި ކާމިޔާބީއަށް މަރުހަބާ ވިދާޅުވެފައެވެ.

ރައީސް ނަޝީދުގެ އިތުބާރު ނެތްކަމުގެ މައްސަލަ މޯލްޑިވްސް ޑިމޮކްރަޓިކް ޕާޓީ އެމްޑީޕީން އަނެއްކާވެސް މަޖިލީހަށް ވައްދައިފިއެވެ. މައްސަލަ ދެވަނަ ފަހަރަށް ހުށައެޅީ އެމްޑީޕީގެ 49 މެންބަރުންގެ ސޮޔާއެކުއެވެ. މި މައްސަލަ މަޖިލީހަށް ހުށައަޅާފައިވަނީ ރޭގެ ވަގުތެއްގައެވެ.