ނިމިދިޔަ ސަރުކާރުގެ ސިޔާސަތުތަކުގެ ސަބަބުން ޤައުމީ ސަލާމަތަށް އަސަރުކޮށްފައިވާ ކަމަށް ބުނެ، ކުރި ތުހުމަތުތަކުގެ ޙަޤީގަތް ދެނެގަނެ، އެކަން ރައްޔިތުންނަށް ހާމަކުރުމުގެ ގޮތުން ޕަބްލިކް އިންކުއަރީއެއް ހިންގުމަށް ގޮވާލާ ޤަރާރެއް ރައްޔިތުންގެ މަޖިލީހަށް ހުށައަޅައިފިއެވެ. މި ޤަރާރު ހުށައެޅުއްވީ ތިނަދޫ އުތުރު ދާއިރާގެ މެންބަރު ޢަބްދުލް މުޣުނީއެވެ. މި ޤަރާރުގެ ފުރަތަމަކިޔުން ވަނީ މިއަދުގެ ޖަލްސާއަށް އިއްވާފައެވެ.

ރައީސުލްޖުމްހޫރިއްޔާގެ އޮފީހުގެ މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ސްޓްރެޓީޖިކް ކޮމިއުނިކޭޝަން، އިބްރާހީމް ޚަލީލް، ރާއްޖޭގެ ބްރޯޑްކާސްޓިންގް ކޮމިޝަނާއި، މޯލްޑިވްސް މީޑިއާ ކައުންސިލްގެ މެންބަރުންނާއެކު ޚާއްޞަ މަޝްވަރާ ބައްދަލުވުމެއް ބާއްވަވައިފިއެވެ. މި ބައްދަލުކުރެއްވުން އޮތީ މިއަދު މެންދުރު ރައީސުލްޖުމްހޫރިއްޔާގެ އޮފީހުގައެވެ.

ތުރުކީވިލާތުގައި ދިރިއުޅޭ ދިވެހިންނަށް ދެވެން އޮތް ހުރިހާ ލުއި ފަސޭހައެއް ހޯދައިދެއްވަން މަސައްކަތްކުރައްވާނެކަމުގެ ޔަޤީންކަން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދެއްވައިފިއެވެ. އެމަނިކުފާނު މި ޔަޤީންކަން ދެއްވާފައިވަނީ، ރައީސުލްޖުމްހޫރިއްޔާގެ ދެކަނބަލުން ތުރުކީވިލާތަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން، އެ ޤައުމުގައި ދިރިއުޅޭ ދިވެހިންނާ ބައްދަލުކުރެއްވުމަށް ބޭއްވެވި ޚާއްޞަ ބައްދަލުކުރެއްވުމުގައި ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ތުރުކިޔޭގައި ދިވެހިރާއްޖޭގެ އެމްބަސީއެއް ޤާއިމްކުރެއްވުމަށް ކުރައްވަންޖެހޭ މަސައްކަތްތައް ސަރުކާރުން ކުރައްވަމުން ގެންދަވާކަމަށެވެ. އަދި، ރާއްޖެއިން ބޭރުގައި ބޭންކް އޮފް މޯލްޑިވްސްގެ އެކައުންޓްތަކުން ފައިސާ ނެގޭ އަދަދު މިހާރު ކަނޑައަޅުއްވާފައިވާ މިންގަނޑުގެ ސަބަބުން ދިމާވާ ދަތިތަކަށް ހައްލު ހޯއްދަވައިދެއްވުމަށް މަސައްކަތް ކުރައްވަމުންދާކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ. މީގެ އިތުރުން ތުރުކީގައި އުޅޭ ދިވެހިންނާއި ބައްދަލުކުރައްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ތުރުކީވިލާތުން ދިވެހިރާއްޖެއަށް، 2024 ވަނަ އަހަރުން ފެށިގެން 30 ސްކޮލަރޝިޕް ފުރުޞަތު ދެއްވުމަށް ނިންމަވާފައިވާ ކަމުގެ އުފާވެރި ޚަބަރުވެސް ދެއްވިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި މި އެއްބަސްވުމުގައި ސޮއެކުރައްވާފައި ވަނީ، މިހާރު ރައީސުލްޖުމްހޫރިއްޔާ ތުރުކީ ވިލާތަށް ކުރައްވަމުން ގެންދަވާ ފުރަމާނަ ދަތުރުފުޅުގެ ތެރެއިން އިއްޔެ ދެޤައުމުގެ ވެރިންގެ މެދުގައި ބޭއްވި ރަސްމީ ވާހަކަފުޅު ތަކަށް ފަހުގައެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ތުރުކިޔޭއަށް ކުރައްވަމުން ގެންދަަވާ ރަސްމީ ދަތުރު ފުޅުގެ ތެރެއިން، އެޤައުމުގެ ރައީސް ރަޖަބް ޠައްޔިބް އުރްދުޣާންއާ، ބައްދަލުކުރައްވައިފިއެވެ.

މިހާރު ނޫހަށް ދެއްވި ބަސްދީގަތުގައި، ޑރ. މުހައްމަދު ޖަމީލު އަޙްމަދުގެ މައްޗަށް، ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ކުރެއްވި ތުހުމަތުތަކަށް ރައްދު ދެއްވައި، ޑރ. ޖަމީލު ވިދާޅުވީ، އެމަނިކުފާނުގެ ކުށަކީ، ހުރިހާ ބޭފުޅުން ރައީސް ޔާމީނު ދޫކޮށްލި ވަގުތުގައި އެމަނިކުފާނާއި އެކުގައި ހުންނެވުންތޯ ސުވާލު ކުރައްވާފައެވެ.

ރައްޔިތުންގެ މަޖިލީހުގެ އިދާރާއިން ހާމަކޮށްފައިވާ ގޮތުގައި، ރައްޔިތުންގެ މަޖިލީހުގެ ރައީސާއިއެކު އިންޑިއާ ސަފީރު ބޭއްވެވި މިބައްދަލު ކުރެއްވުމުގައި، ދިވެރާއްޖެއާ އިންޑިއާ އާދެމެދު އޮތް ޒަމާންވީ ރަޙްމަތްތެރިކަމުގެ ގުޅުން އިތުރަށް ބަދަހި ކުރުމާއި ގުޅޭ ގޮތުން ވަނީ މަޝްވަރާކުރައްވާފައެވެ. އަދި ދެޤައުމުގެ ޤާނޫނު ހަދާ މަޖިލީހުގެ މެދުގައި އިތުރަށް ގުޅުން ބަދަހި ކުރުމަށް ކުރެއްވިދާނޭ ކަންކަމާއި ގުޅޭ ގޮތުންވެސް ދެބޭފުޅުން ވަނީ މަޝްވަރާކުރައްވާފައެވެ.

ރައްޔިތުންގެ މަޖިލީހުގެ މެމްބަރުންގެ އަދަދު 76އަށް އިތުރު ނުވާނޭ ގޮތަށް ލިމިޓްކުރުމަށް، ޤާނޫނު އަސާސީގެ 71 ވަނަ މާއްދާއަށް އިސްލާޙް ހުށައެޅުއްވީ، އެމްޑީޕީގެ ޓިކެޓްގައި ރައްޔިތުންގެ މަޖިލީހަށް ހޮވިވަޑައިގެންނެވުމަށްފަހު މިހާރު، ރައްޔިތުންގެ މަޖިލީހުގައި ދަ ޑިމޮކްރެޓްސް ތަމްސީލްކުރައްވާ، ހުޅުދޫ ދާއިރާގެ މެމްބަރު އިލްޔާސް ލަބީބެވެ.

ރައްޔިތުންގެ މަޖިލީހުގެ ހިނގަމުން މިދާ ދައުރުގެ އެންމެ ފަހު ޖަލްސާ ކުރިން އޮތް ގޮތުން ބާއްވަން އޮތީ މިމަހުގެ 29 ވާ ބުދަ ދުވަހުގައެވެ. އެހެން ނަމަވެސް ބަޖެޓްގެ މަސައްކަތްތަކާއި މަޖިލީހުގެ އެހެން ބައެއް މަސައްކަތްތައް ނުނިމި ހުރުމާއިއެކު އަންނަ ޑިސެމްބަރު މަހުގެ 7 ވަނަ ދުވަހާއި ހަމައަށް މަޖިލީހުގެ ޖަލްސާ ކުރިޔަށް ގެންދިޔުމަށް ރިޔާސަތުން ހުށައަޅުއްވައި އެގޮތަށް ފެނޭތޯ މެމްބަރުންގެ މެދުގައި ވަނީ ވޯޓަށް އަހާފައެވެ.

ދިވެހިންނަށް ފަސޭހަކަމާއިއެކު "ސިމްލެސް ޓްރެވެލް" ގެ ޙިދުމަތް ފޯރުކޮށްދިނުމުގެ ގޮތުން މޯލްޑިވްސް އިމިގްރާޝަނުން "އީ-ގޭޓް" ގެ ޙިދުމަތް އަލުން ފަށައިފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކެބިނެޓަށް އައްޔަންކުރެއްވި ބޭފުޅުންގެ ތެރޭގައި އެހެން އެއްވެސް ޤައުމެއްގެ ޕާސްޕޯޓެއް އޮތް ބޭފުޅަކު ހުންނެވިތޯ ބަލަން މަޖިލީހުގެ ސަރުކާރުގެ މަސްއޫލިއްޔަތު އަދާކުރާ ކޮމިޓީން ނިންމަވައިފިއެވެ.

ބައެއް މުއައްސަސާތަކާއި ގައުމުތަކުގެ ސަފީރުކަމަށް އައްޔަން ކުރަން ކުރީގެ ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުވާފައިވާ ނަންތައް މި ސަރުކާރުން އަނބުރާ ގެންގޮސްފިއެވެ.

މާލޭ ސިޓީގެ މޭޔަރު ހޮވުމަށް ބާއްވާ ބައި-އިލެކްޝަން އަންނަ ޖެނުއަރީ މަހުގެ 13 ވަނަ ދުވަހު ބާއްވަން ނިންމާފައިވާކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވެއްޖެއެވެ.

މަޖިލީހުގެ ދައުރު ޑިސެމްބަރު މަހުގެ 7 ވަނަ ދުވަހާއި ހަމައަށް ދިގުދަންމާލާނަމަ އެކަމަށް މަޖިލީހުގައި ވޯޓަށް އަހައި ފާސްކުރަންޖެހޭނެއެވެ. އެހެންވެ މިއަދު 1:30ގައި އެކަމަށް ވޯޓަށް އަހާނެއެވެ.

ނޮވެމްބަރު 3 ގެ އުދުވާނީ ހަމަލާއަށް މިއަހަރު 35 އަހަރު ފުރުނު އިރު، ޢަބުދުﷲ ލުޠުފީ އޭނާގެ މައްޗަށް ކޮށްފައިވާ ހުކުމްތަން ތަންފީޒްކޮށް ނިމި މިނިވަންވީ މިއަދުއެވެ. ޢަބުދުﷲ ލުޠުފީއާއެކު ނޮވެމްބަރު 3 ގެ ޢުދުވާނީ ހަމަލާ ހިންގިމުގައި ބައިވެރިވި، ސަގަރު އަހްމަދު ނާސިރު ވަނީ، މީގެ 9 އަހަރު ކުރިން، 2014 ވަނަ އަހަރު މިނިވަންވެފައެވެ.