ރާއްޖޭގެ ހުޅަނގު ދެކުނުން އިންޑިއާކަނޑަށް ގާތްގާތުގައި ރެއިން ފެށިގެން މިހާތަނަށް ގާތްގާތުގައި، 4 ބިންހެލުން އަތުވެއްޖެއެވެ.

މިގޮތުން ރާއްޖޭގެ ހުޅަނގު ފަރާތުން އޮންނަ-މިޑް އިންޑިއަންރިޖްއަށް އައިސްފައިވަނީ، ރިކްޓަރ މިންގަނޑުން،4.8 އާއި 5.2 އާއި 5.7 އާއި 5.0 ގެ ބިންހެލުންތަކެއް ކަމުގައި ޔޫއެސްޖިއޮލޮޖިކަލް ސާވޭއިން ހާމަކޮށްފައިވެއެވެ. މި ބިންހެލުންތަކުގެ ތެރެއިން ފުރަތަަމަ ބިންހެލުމުގެ ބާރު ހުރީ ރިކްޓަރ މިންގަނޑުން، 4.8 ގައެވެ.  މި ބިންހެލުން އައިސްފައި ވަނީ، ރާއްޖޭ ގަޑިން ފަތިހު 3:38 ގައެވެ. އަދި ދެވަނަ ބިންހެލުން އައިސްފައި ވަނީ ރާއްޖޭގަޑިން ފަތިހު 5:38 ގައެވެ. އަދި ވަނަ ބިންހެލުން އައިސްފައި ވަނީ، ހެނދުނު 6:18ގައެވެ. މިބިންހެލުމުގެ ބާރުމިން ހުރީ ރިކްޓަރ މިންގަނޑުން 5.7 ގައެވެ.  އަދި ތިންވަނަ ބިންހެލުން އައިސްފައި ވަނީ ހެނދުނު 7:38ގައެވެ. 

މިހުރިހާ ބިންހެލުންތަކެއްވެސް މަރުކަޒުވެފައި ހުރީ އަައްޑޫ ސިޓީ ހިތަދޫގެ ހުޅަނގު ދެކުނުން، 900 ކިލޯމީޓަރުގެ ދުރުގައެެވެ. ބިންހެލުންތައް މަރުކަޒުވެފައި ހުރީ ކަނޑުގެ 7 ކިލޯމީޓަރާއި 10 ކިލޯމީޓަރު ފުނުގައެވެ.