ރ. އިނގުރައިދޫ ކޯޓުގެ އިސްމެޖިސްޓްރޭޓްގެ ސައިކަލުގައި ރޯކޮށްލައި އަންދާލުމާއި ގުޅިގެން އެމައްސަލަ ބަލަމުންދާ ކަމުގައި ފުލުހުންގެ އިދާރާއިން  ބުނެފިއެވެ.

ފުލުހުންގެ އިދާރާއިން ބުނީ އެމައްސަލައިގައި މިހާތަނަށް އަދި އެއްވެސް މީހަކު ހައްޔަރުކޮށްފައިނުވާކަމަށެވެ. ފުލުހުން ބުނީ މަގުމަތީގައި ހުރި ސައިކަލެއްގައި ރޯކޮށްލިކަމުގެ މައުލޫމާތު ލިބިގެން ފުލުހުން ސީންއަށް ދިޔައިރު އެސައިކަލު އަލުން ބޭނުން ނުކުރެވޭ ވަރަށް އަނދާފައިވާ ކަމަށެވެ.

ބުރާސްފަތި ދުވަހުގެ ރޭ ބަޔަކު ރޯކޮށްލާފައި ވަނީ، އިނގުރައިދޫ ކޯޓުގެ އިސް މެޖިސްޓްރޭޓް މުޙައްމަދު ރަޝާދުގެ ސައިކަލުުގައިކަން، ފަނޑިޔާރުންގެ ޖަމިއްޔާއިން ނެރުނު ބަޔާނުގައި ވަނީ ފާހަގަކޮށްފައެވެ. އެބަޔާނުގައި އެ އަމަލުކުށްވެރިކޮށް އެމައްސަލަ ކަމާއި ބެހޭ ފަރާތްތަކުން ބަލައި ތަޙްޤީޤުކޮށް އެކަމުގައި ޝާމިލްވާ ފަރާތްތައް އިންސާފުގެ ކުރިމައްޗަށް ގެނައުމަށް ވަނީ ގޮވާލާފައެވެ.