ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހީމް ވިދާޅުވީ، އެ ހިދުމަތް ދިނުމަށް ވާން ޖެހޭ ތައްޔާރީތައް ވުމަށްޓަކައި ދެ އެއާ އެމްބިއުލާންސް ތައްޔާރުކޮށް މޯލްޑިވިއަން އާ ގުޅިގެން އެ ހިދުމަތް ރައްޔިތުންނަށް މާރިޗުމަހުގެ 1 ވަނަ ދުވަހުންފެށިގެން ލިބޭނެ ގޮތް ހަމަޖެއްސެވުމަށް މަސައްކަތް ކުރައްވަމުން ގެންދަވާ ކަމަށެވެ.

އިއްޔެ ބޭއްވި ވަޒީރުންގެ މަޖިލީހުގެ ބައްދަލުވުމުގައި ނިންމި ނިންމުތަކާއި ގުޅޭ ގޮތުން މައުލޫމާތު ދެއްވަމުން ރައީސުލްޖުމްހޫރިއްޔާގެ އޮފީހުގެ، ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޡިމް އިބްރާހީމް ނާޒިމް ވިދާޅުވީ، އެ ނިންމުމާއި ގުޅޭގޮތުން ނިންމަވަން ޖެހޭ އިދާރީ ޓެކްނިކަލް މަސައްކަތްތައް, ފިނޭންސް މިނިސްޓްރީ އާއި ބޭންކް އޮފް މޯލްޑިވްސް އެމްއެމްއޭއާ ގުޅިގެން ކުރިއަށްގެންދިޔުމަށްވެސް އިއްޔެގެ ވަޒީރުންގެ މަޖިލީހުން ވަނީ ނިންމަވާފައިކަމަށެވެ. އަދި މިކަން ތަންފީޒްވެގެން ދިޔުމަކީ، ދަރިވަރުންނަށް ލުއިފަސޭހަތަކެއް ވެގެންދާނެ ކަމެއް ކަމުގައި އޭނާ ނާޒިމް ވިދާޅުވިއެވެ.

ފެނަކައިން ބުނީ، ބ. ދޮންފަނަށް ދިމާވެފައިވާ ކަރަންޓްގެ މައްސަލަތަކަށް ހައްލު ހޯދުމުގެ ގޮތުން އައު ޖަނަރޭޓަރެއް ބަހައްޓައި މިހާރު ކަރަންޓްދޭން ފަށާފައިވާ ކަމަށެވެ. މިގޮތުން ބ. ދޮންފަނުގައި އަލަށް ބަހައްޓާފައި ވަނީ، 250 ކޭވީގެ ޖަނަރޭޓަރެއް ކަމުގައި ފެނަކައިން ވަނީ ބުނެފައެވެ.

ޝުޖާއު އެމަޤާމަށް އައްޔަނުކުރެއްވުމާއި، މަޤާމުގެ ލިޔުން ހަވާލުކުރުމުގެ ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. ޝުޖާއު އެމަޤާމަށް އައްޔަނުކުރައްވައި މަޤާމުގެ ފަތްކޮޅު ހަވާލުކޮށްދެއްވީ ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒެެވެ.

ރައީސުލްޖުމްހޫރިއްޔާ ވިދާޅުވީ، އެސް.އީ.ޒެޑް. ޤާނޫނުގެ ދަށުން، އެސް.އީ.ޒެޑް. އިންވެސްޓްމަންޓްތަކަށް މިހާރު އޮތީ ހުޅުވާލާފައި ކަމަށެވެ. މިގޮތުން އެސްއީޒެޑްގައި އިންވެސްޓްކުރެވޭނެ އެންމެ ކުޑައަގަކަށް 100 މިލިއަން ޑޮލަރު ކަނޑައެޅީ މިސަރުކާރުންނެވެ.

މަސީން މިލަޤަބާއި އެވޯޑު ރައީސުލްޖުމްހޫރިއްޔާއަށް ދެއްވީ، އެމަނިކުފާނު ހައުސިންގ މިނިސްޓަރުކަމުގައި ހުންނަވައިގެން އޭރުގެ ސަރުކާރުން ހިންގެވި ޢުމުރާނީ ތަރައްޤީގެ ބޮޑެތިބިޔަ މަޝްރޫޢުތައް ފާހަގަކޮށްފައެވެ. މިގޮތުން ހައުސިންގ މިނިސްޓަރުގެ މަޤާމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުންނެވި 7 އަހަރުގެ ތެރޭގައި، ސަރުކާރުން ރާއްޖޭގައި ހިންގި ޢުމުރާނީ ތަރައްޤީގެ ބޮޑެތި މަޝްރޫޢުތަކުގެ ތެރޭގައި، ސިނަމާލެ ބުރިޖުއެޅުމާއި، ހިޔާގެ މަޝްރޫޢު ހިންގުމާއި، ދަރުމަވަންތަ ހޮސްޕިޓަލް ބިނާކުރުމާއި، މާލޭގެ މަގުތައް އަލުން ހެދުމާއި، މާލެއަށް ހިތްފަސޭހަކަން ގެނައުމުގެ ގޮތުން ޕާކުތަކާއި މައިޒާންތައް ހެދުމާއި، ސަލްޓަންޕާކު އަލުން ރަސްރަނި ބަގީޗާގެ ނަމުގައި ތަރައްޤީކުރެއްވުން ހިމެނެއެވެ.

މިގޮތުން، އެއީ ބިލްޑިންގ އިންސްޕެކްޓަރުންގެ ދާއިރާއާއި، ސައިޓް ސުޕަވައިޒަރުންގެ ދާއިރާއާއި، ސާރވޭޔަރުންގެ ދާއިރާކަމަށާއި، އެދާއިރާތަކަކީ ކުރިޔަށް އޮތްތަނުގައި ހަމައެކަނި ދިވެހިން މަސައްކަތްކުރާނެ ދާއިރާތަކަށް ވެގެންދާނެ ކަމުގައި ރައީސުލްޖުމްހޫރިއްޔާ ވިދާޅުވިއެވެ.

އާބަންކޯއިން ބުނީ، ހުޅުމާލެ 12 ޒޯނަކަށްބަލައި، އެޒޯންތަކުގައި ދިރިއުޅޭ މީހުން، ސްކޫލް ކުދިން، ސަރުކާރު އޮފިސް ކުންފުނިތައް ހިމެނޭހެން އެންމެން ގުޅިގެން ސާފުކުރުމުގެ ބޮޑު ހަރާކާތެއް ފެށުމަށްވެސް ރާވާފައިވާ ކަމަށެވެ. އަދި އަރބަންކޯގެ އެދުމަކީ މި ހަރަކާތްތަކުގައި ވީހާވެސް ގިނަ ރައްޔިތުން ބައިވެރިވެ، އެންމެން އެކީގައި ގުޅިގެން މަސައްކަތް ކޮށް މަދިރި ފެތުރޭ ތަންތަން ނައްތާލުން ކަމުގައިވެސް އެކުންފުނިން ވަނީ ބުނެފައެވެ.

އެމްޑީޕީީގެ ބަޔާނުގައި އިޝާރާތްކޮށްފައި ވަނީ އިންޑިއާ ސަރުކާރުން ދިވެހިރާއްޖެއަށް ހަދިޔާކޮށްފައިވާ ސަވައިލެންސް ޑޯނިއާ މތިންދާ ބޯޓަށާއި، އިންޑިއާ ސަރުކާރުން ރާއްޖެއަށް ހަދިޔާކޮށްފައިވާ ދެ ހެލިކޮޕްޓަރަށެވެ. ރާއްޖޭގައި ސަވައިލެންސާއި، ރެސްކިއު އޮޕަރޭޝަންތައް ހިންގުމަށް ޚާއްސަކޮށްފައިވާ އެއުޅަނދުތައް، އައްޑޫ ސިޓީން ގެއްލުނު ޒުވާނާ ހޯދުމުގައި ބޭނުން ނުކުރާ ސަބަބެއް ސަރުކާރުން ހާމައެއް ނުކުރެއެވެ.

މިނިސްޓަރ ވިދާޅުވީ، ސަރުކާރުން، ނޫސް މަޖައްލާތައް ރަޖިސްޓްރީކޮށްދިނުން ހުއްޓާލައިފިކަމަށް ބުނެ ދެކެވޭ ވާހަކަތަކަކީ، ތެދު ވާހަކަތަކެއް ނޫން ކަމަށާއި، ނޫސް މަޖައްލާތައް ރަޖިސްޓްރީކޮށް ދިނުމުގެ މަސައްކަތް ހުއްޓައި ނުލައި ކުރިޔަށް ގެންދާކަމަށެވެ. އަދި މިމަހުވެސް 6 ނޫހެއް ރަޖިސްޓްރީކޮށްދީފައިވާ ކަމަށާއި، މިއަދުވެސް، ނޫހެއް ރަޖިސްޓްރީކޮށްދީފައިވާ ކަމުގައި އޭނާ ވިދާޅުވިއެވެ.

ކްރިސްމަސް ފާހަގަކުރުމަކީ ދިވެހިރާއްޖޭގެ ޤާނޫނުތަކާއި ޤަވައިދުތަކުން މަނާކަމެއްކަމަށް ފުލުހުން ވަނީ ވިދާޅުވެފައެވެ. އެހެންކަމުން ފުލުހުން ވަނީ ކްރިސްމަސް ފާހަގަކުރުމަށް ދިވެހިރާއްޖޭގައި މީހުން ދިރިއުޅޭ އެއްވެސް ރަށެއްގައި އެއްވެސް ހަރަކާތެއް ހިންގާ ފަރާތްތަކާއިމެދު ޤާނޫނީ އިމުގެ ތެރެއިން ފިޔަވަޅު އަޅާނެކަމަށެވެ.

ފުށިދިއްގަރުފަޅު ސަރުކާރުން ތަރައްޤީކުރުމަށް ނިންމާފައި ވަނީ، ރަސްމާލޭގެ ނަމުގައެވެ. ބިންހިއްކުމުގެ ފުރަތަމަ ފިޔަވަހީގެ ދަށުން 29 ހެކްޓަރުގެ ބިން ހިއްކާއިރު، މިމަޝްރޫޢުގެ ދަށުން ޖުމުލަ، 1153 ހެކްޓަރުގެ ބިން ހިއްކާނެއެވެ. އޭގެ ތެރެއިން 60 ހެކްޓަރުގެ ބިންދޭނީ ބިން ހިއްކާ ކުންފުންޏަށެވެ.

މި ޕްރޮގްރާމްގެ އެއް ބޭނުމަކީ އެމް.ޕީ.އެލްގައި ހުރި ވަޒީފާގެ ފުރުޞަތުތަކާއި، ދާއިރާތަކަށް ދަރިވަރުން އަހުލުވެރިކޮށް، މެރިޓައިމްއާ ގުޅުންހުރި ދާއިރާތަކަށް ދަރިވަރުން ޝައުގުވެރިކުރުމާއި ޕޯޓުގައި ކުރާ މަސައްކަތްތަކާމެދު ދަރިވަރުން އަހުލުވެރިކުރުމެވެ.

އެޗްޕީއޭއިން ބުނީ ހުކުރު ދުވަހާއި ހޮނިހިރު ދުވަހު، ހުޅުމާލެ އާއި މާލެ އަދި ވިލިމާލެއާއި ތިލަފުއްޓާއި ގުޅީފަޅުގައި ކުރިޔަށް ގެންދިޔަ ސްކްރީނިން ޕްރޮގްރާމްގެ ތެރެއިން، މާލެ ސަރަހައްދުން އިތުރު 7 މީހުން ފައިލޭރިއާއަށް ޕޮޒިޓިވްވެފައިވާ ކަމަށެވެ. އޭގެ ތެރޭގައި ހިމެނެނީ، ހުޅުމާލެއިން 5 މީހުންނާއި، މާލެއިން އެކަކާއި އަދި ގުޅީފަޅުން އެކެކެވެ. މިއާއެކު މިހާތަނަށް ރާއްޖެއިން ފެނުނު ފައިލޭރިއާ ޕޮޒިޓިވް މީހުންގެ އަދަދު ވަނީ 32އަށް އަރާފައެވެ.

ފިނިމޫސުމާއި ދިމާކޮށް މިހާރު ދުނިޔޭގެ ޤައުމުތަކުގައި ފެތުރެމުން ދަނީ، ޖޭއެންވަންގެ ނަންދީފައިވާ ވޭރިއަންޓެކެވެ. ކައިރި އަވަށްޓެރި ޤައުމުތަކުގެ ތެރެއިން އިންޑިއާގައިވެސް ކޯވިޑް ފެތުރުން އިތުރުވެފައިވާކަމުގައި އެޤައުމުގެ ކަމާއި ބެހޭ ފަރާތްތަކުންވެސް ވަނީ ހާމަކޮށްފައެވެ.

ނޭޝަނަލް ކައުންޓަރ ޓެރަރިޒަމް ސެންޓަރު، އެން.ސީ.ޓީ.ސީގެ ޑިރެކްޓަރ ޖެނެރަލްގެ މަޤާމަށް މޭޖަރ ޖެނެރަލް ރިޓަޔަރޑް ވައިޘް ވަޙީދު އައްޔަނުކުރައްވައިފިއެވެ.