ހދ. ކުޅުދުއްފުށީގައި ޓޫރިޒަމް ޒޯނެއް ތަރައްގީކުރުމަށް އިންވެސްޓަރުން ހޯދަން އެހީތެރިވުމަށް އެ ރަށު ކައުންސިލާ އެކު ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އިން އެއްބަސްވުމެއްގައި ސޮއިކޮށްފިއެވެ.

އިސްލާމިކް މިނިސްޓްރީން ފޯރުކޮށްދޭ ޚިދްމަތްތައް ޑިޖިޓަލައިޒްކޮށް އިތުރަށް ތަރައްޤީކުރުމަށް އެހީތެރިކަން ފޯރުކޮށްދިނުމަށް އެ މިނިސްޓްރީއާއި ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑާއި ދެމެދު އެއްބަސްވުމެެއްގައި ސޮއިކޮށްފިއެވެ.

ފައިލޭރިއާއަށް އިތުރު 6 މީހުން ޕޮޒިޓިވްވެއްޖެއެވެ. މިއާއިއެކު ބަލި ޖެހުނު މީހުންގެ ޢަދަދު 25 އަށް ވަނީ އަރާފައެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް އެއްމަސް ފުރުނު އިރު، އެމަނިކުފާނު ވެރިކަމަށް ގެނައުމުގައި ބޮޑު ޙިއްޞާއެއްވި، ރައީސް ޔާމީނުގެ ސަޕޯޓަރުން ވަނީ، ރައީސް ޔާމީނާއި މެދު މިސަރުކާރުން އަމަލުކުރާ ގޮތްތަކާއި މެދު ނުރުން ފާޅުކުރަމުންނެވެ.

ފުލުހުން ވިދާޅުވީ، އަނިޔާވި މީހުންނަށް ހުޅުމާލެ ހޮސްޕިޓަލްގައި ފަރުވާ ދީފައިވާކަމަށާއި އެ އެކްސިޑެންޓްގައި ހިމެނޭ އެއްކާރު، އެކްސިޑެންޓްވުމުން ފިލާފައިވާ ކަމަށެވެ. އަދި ފިލައިގެން ދިޔަ ކާރު ހޯދުމުގެ މަސައްކަތް ކުރަމުންދާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ބާބަކިއު ސަރަހައްދުން މޫދުގައި އަންހެނަކު ގެނބެމުންދާކަމުގެ ރިޕޯޓް ފުލުހުންނަށް ލިބިފައި ވަނީ ރޭ މެންދަމު 00:30 ހާއިރުގައިކަމަށެވެ.

މިއަހަރުގެ ފެބުރުއަރީމަހުގެ 6 ވަނަ ދުވަހު ރައްޔިތުންގެ މަޖިލީހުގައި އިއްވެވި ރިޔާސީ ބަޔާނުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވީ، ފަތުރުވެރިކަމުގެ ދާއިރާއިން އެމަނިކުފާނުގެ ސަރުކާރުން މިއަހަރަށް ކަނޑައަޅާ އަމާޒަކީ، 1.8 މިލިއަން ފަތުރުވެރިން ރާއްޖެއަށް ގެނައުން ކަމަށެވެ.

ރައީސް މައުމޫނު އެކްސްގައި ލިޔުއްވި ޕޯސްޓެއްގައި ވަރަށް ބޮޑަށް މަޢާފަށް އެދެމުން ވިދާޅުވީ، މަރުގެ ޙުކުމް ތަންފީޒު ކުރުމަކީ ޤައުމީ ތަރައްޤީގެ އުސް ލަނޑުދަނޑިއެއް ކަމެއް އެމަނިކުފާނު ނުދެނަހުރިކަމަށެވެ.

އަދި ނަގާ އުޅަނދުތައް މި ސަރަހައްދުގެ ބޭރުގައި އެޅުމުގެ ފުރުސަތު ވަނީ ފަހިކޮށްދެވިފައި ވާކަމަށާއި އެކަމާއިގުޅިގެން އިތުރު މައުލޫމާތެއް ބޭނުންފުޅުވާނަމަ އާބަންކޯގެ ހޮޓްލައިން 1516 އަށް ގުޅުއްވައި މައުލޫމާތު ސާފުކުރެއްވުމަށް އެދޭކަމުގައިވެސް އާބަންކޯއިން ވަނީ ބުނެފައެވެ.

ސަރުކާރުގެ މަސްކުންފުނި މިފްކޯއަކީ ސައްތައިންސައްތަ ސަރުކާރުގެ ހިއްސާވާ ކުންފުންޏަކަށް ބަދަލުކޮށް އެކަމުގެ އެއްބަސްވުމުގައި ސޮއިކޮށްފިއެވެ. މިކަމުގެ އެއްބަސްވުމުގައި ސޮއިކޮށްފައިވަނީ މިއަދު އޮތް ރަސްމިއްޔާތެއްގައެވެ.

އިމިގްރޭޝަނުން މިގެނައި ބަދަލާއި ގުޅޭ ގޮތުން ނެރެފައިވާ ނޫސްބަޔާނުގައި ބުނެފައި ވަނީ، އިލެކްޓްރޯނިކް ޕާސްޕޯޓާއި ހަވާލުވުމަށް ވެރިފަރާތުން ހާޟިރުވާނަމަ އައިޑީކާޑު ގެނައުން ލާޒިމް ނުވާނެ ކަމަށާއި، އަދި 18 އަހަރު ނުވާ ކުދިންގެ ބެލެނިވެރިންނާއި ކުދިންނާއި އެކު ޕާސްޕޯޓާއި ހަވާލުވާން އަންނައިރު، އެފަރާތްތަކުގެ އައިޑީކާޑުގެ ފޮޓޯއެއް ދެއްކި ނަމަވެސް އައިޑީކާޑު ވެރިފައިކޮށްދޭނެ ކަމަށެވެ.

ފުލުހުންގެ އިދާރާއިން ވިދާޅުވީ، ރޯޝަނީ ގޯޅިގައި ހަަދަމުންދާ އިމާރާތެއްގެ މަތިން، ދަނގަޑު ހޮޅިއެއްވެއްޓި މީހަކަށް އަނިޔާވި ކަމުގެ މައުލޫމާތު ލިބިފައި ވަނީ، މިރޭ އިރުއޮއްސި، 19:29 ހާއިރުގައި ކަމަށެވެ. އަދި އެހާދިސާގައި އަންހެނަކަށް އަނިޔާވެފައިވާ ކަމަށާއި އެމީހާއަށް އޭޑިކޭ ހޮސްޕިޓަލުގައި ފަރުވާދެމުން އަންނަކަމުގައިވެސް ފުލުން ވިދާޅުވިއެވެ.

މިއަދު ރައީސުލްޖުމްހޫރިއްޔާ ވަނީ، ދަޑިމޮކްރެޓްސްގެ ރައީސް ޙަސަން ލަޠީފާއި ޖުމްހޫރީޕާޓީގެ ލީޑަރު ޤާސިމް އިބްރާހީމާއި، އެމްއެންޕީގެ ލީޑަރު މުހައްމަދު ނާޒިމާއި އެމްޑީއެންގެ ލީޑަރު އަޙްމަދު ސިޔާމް އާއި ބައްދަލުކުރައްވާފައެވެ.

އަދި މަސްތުވާތަކެތީގެ އޮޕަރޭޝަންތަކުގައި ހުޅުމާލޭފަޅުގައި އަޅާފައިވާ ސަފާރީތަކާއި މާފުށީ ކައިރީގައި އަޅާފައިވާ ސަފާރީތައް ހިމެނޭހެން ކޯޓުއަމުރުގެ ދަށުން ޖުމުލަ 39 ސަފާރީއެއް ބަލައި ފާސްކޮށް، އަދި މަސްތުވާތަކެތީގެ ވިޔަފާރިކުރުމުގައި ބޭނުންކުރަމުން ދިޔަކަމަށް ބެލެވުނު ފަސް އުޅަނދެއްވެސް ޓޯކުރެވިފައިވާ ކަމުގައި އޭނާ ވިދާޅުވިއެވެ.

ހޯމް މިނިސްޓްރީގެ ދަށުން ހިންގާ އިދާރާތަކާއި ގުޅޭ ގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، އެކްޓިން ޕޮލިސް ކޮމިޝަނަރ ފަރުހާދު ފިކުރީ ވިދާޅުވީ، މި ފާއިތުވި އެއް މަސްދުވަހުގެ ތެރޭގައި، ރާއްޖޭގެ ދެ އަތޮޅެއްގެ ތިންރަށެއްގައި ޕޮލިސް ޕޯސްޓްތައް ހުޅުވިފައިވާ ކަމަށެވެ. އެގޮތުން ހުޅުވުނު ޕޮލިސް ޕޯޓްތަކަކީ، ހދ. ނެއްލައިދޫ ޕޮލިސް ޕޯސްޓާއި، ވ. ތިނަދޫ ޕޮލިސް ޕޯސްޓާއި ވ. ފުލިދޫ ޕޮލިސް ޕޯސްޓްކަމުގައި އެކްޓިން ކޮމިޝަނަރ ވިދާޅުވިއެވެ.

މިނިސްޓަރ އިޙްސާން ވިދާޅުވީ، މިސަރުކާރަކީ، މަރުގެ ހުކުމް ތަންފީޒް ކުރުމަށް ނިންމާފައި އޮތް ސަރުކާރެއް ކަމަށެވެ. އަދި މަރުގެ ހުކުމް ތަންފީޒް ކުރުމަށްޓަކައި ކުރަންޖެހޭ ކަންކަން ޤާނޫނާއި ޤަވާއިދުގެ ތެރޭގައި ކުރާނެ ކަމުގައިވެސް އިޙްސާން ވިދާޅުވިއެވެ.