އިސްލާމީ މަރުކަޒުގެ ހުރިހާ ފަންގިފިލާއަކަށް އިމާމު މީހާ ޙުޠުބާ ދޭއިރު ފެންނަގޮތަށް ސްމާރޓް ޓީވީ ހަރުކުރުމަށް ހަމަޖެހިފައިވާކަމަށް އިސްލާމިކް މިނިސްޓަރ މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ. މިނިސްޓަރ މިހެން ވިދާޅުވީ، އެކްސްގައި ކުރެއްވި ޕޯސްޓެއްގައެވެ.

މިނިސްޓަރ މުޙައްމަދު ޝަހީމް އަލީ ސައީދު ވިދާޅުވީ، އިސްލާމީ މަރުކަޒުގެ ހުރިހާ ފަންގިފިލާތަކަށް ޚުޠުބާ ކިޔާ މީހާ ފެންނަ ގޮތަށް ހުރިހ ފަންގިފިލާ އެއްގައި 98 އިންޗި ބޮޑު ސްމާޓް ޓީވީ ސްކްރީން ހަރުކުރާ ގޮތަށް ނިންމަވާފައިވާކަމަށެވެ. އަދި އެ މަސައްކަތް ވަރަށް އަވަހަށް ފަށްޓަވާނެ ކަމަށެވެ.

ޓީވީ ހަދިޔާކުރަނީ ހެޔޮއެދޭ ފަރާތަކުން ކަމަށް ވަނީ ވިދާޅުވެފައެވެ. ޚުޠުބާ ކިޔާ ވަގުތު އިމާމު މީހާ ފެންނަން ހުރުމަކީ ޝައުގުވެރިކަން ބޮޑުވެ، ޚުޠުބާ އަޑުއަހަން އިތުރު ސަމާލުކަން ދޭނެކަމެއްކަމަށް މިނިސްޓަރ ވަނީ ވިދާޅުވެފައެވެ. މިޓީވީތަކުން އިޝާރާތުގެ ބަހުން ސްކްރީނުން ފެންނާނެކަމަށާއި، މިއާއިއެކު ޚާއްސަ އެހީއަށް ބޭނުންވާ ކުދިންނަށްވެސް ޙުޠުބާ ބުނެދެވޭނެކަމަށް މިނިސްޓަރ ވަނީ ވިދާޅުވެފައެވެ.