Advertisement
މޯލްޑިވްސް ޕޮލިސް ސަރވިސްގެ ހެޑްކުއާޓަރަޒް --
ޕޯސްޓްމޯޓަމް ހެދުމަށްފަހު ކުއްޖާގެ ހަށިގަނޑު މާލެ ގެނެސްފި، އެކަމަކު އަދި ވަޅެއް ނުލާ
އދ. ދިގުރަށުގައި މަރާލި ތުއްތު ކުއްޖާގެ ހަށިގަނޑު ޕޯސްޓްމޯޓަމް ހެދުމަށްފަހު މާލެ ގެނެސްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ އިންޑިއާއިން ޕޯސްޓްމޯޓަމް ހެދުމަށްފަހު، ކުއްޖާގެ ހަށިގަނޑު މާލެ ގެނެސްފައި ވަނީ، މިމަހުގެ 22 ވަނަ ދުވަހުގައި ކަމަށާއި، އެހެން ނަމަވެސް ކުއްޖާގެ ހަށިގަނޑު އަދިވަޅުލާފައި ނުވާ ކަމަށެވެ. އެމައްސަަލައިގެ ތަޙްޤީޤުތައް ފުލުހުން ކުރިޔަށް ގެންދާއިރު، ޕޯސްޓް މޯޓަމް ހެދުމަށްފަހު ތުއްތު ކުއްޖާގެ ހަށިގަނޑު ވަޅުނުލައި އޮތް ސަބަބެއް ފުލުހުން ހާމައެއް ނުކުރެއެވެ.
ވިހޭ ގޮތަށް ތުއްތުކުއްޖާ މަރާލައި ޑަސްބިން ބޭގަކަކަށްލާފައި އެއްލާލާފައި ވަނިކޮށް ފެނިފައި ވަނީ، މިޑިސެމްބަރު މަހުގެ 3 ވަނަ ދުވަހުގައެވެ. ހަމައެދުވަހު އެމައްސަލައިގެ ތުހުމަތަށްް ލަންކާ އަންހެނަކު ވެލާނާ އިންޓަރނޭޝަނަލް އެއާޕޯޓުން ހައްޔަރުކުރިއެވެ. އެމީހާއަކީ، އދ. ދިގުރަށު ގެސްޓްހައުސެއްގައި މަސައްކަތްކުރަމުންދިޔަ އަންހެނެކެވެ. އޭނާ މިހާރު ހުރީ ޝަރީޢަތް ނިމެންދެން ބަންދުކޮށްފައެވެ.
