އައްޑޫ ސިޓީ ގަމުގެ ދެކުނު ފަރާތަށް، އިހި ނަގަން މޫދަށް ފައިބައިގެން އުޅެނިކޮށް ގެއްލުނު، ސ.މަރަދޫ ކުރެދުމާގޭ މުޙައްމަދު ނައީޝް (18އ) ހޯދުމަށް ޑައިވްކޮށްގެންނާއި، ކަނޑުމަތިން އަދި ވައިގެމަގުން ބޮޑު ސަރަހައްދެއް ބަލާފައިވާ ކަމަށާއި މިހާތަނަށް ކުރެވުނު މަސައްކަތުން އޭނާގެ ޚަބަރެއް ނުވާކަމުގައި އެމްއެންޑީއެފުން ބުނެފިއެވެ.

ނައީޝް ގެއްލުނުތާ 2 ދުވަސް ވީއިރު، އެމްއެންޑިއެފުން ބުނީ، އޭނާ ހޯދުމަށް ކުރިއަށް ގެންދާ ސާރޗް އެންޑް ރެސްކިޔު އޮޕަރޭޝަންގައި ވައިގެ މަގުން 279 ސްކޮޔަރ ނޯޓިކަލް މޭލު، ކަނޑު މަގުން 300 ސްކޮޔަރ ނޯޓިކަލް މޭލު އަދި ޑައިވްކޮށްގެން 600 މީޓަރުގެ ސަރަހައްދެއް މިއަދު ބަލާފައިވާ ކަމަށެވެ.

ނައީޝް ގެއްލުނީ ފަރުމަތީން އޭނާ އޮޔާ ކަނޑަށް ދަމައިގަތުމުން ކަމުގައި، އޭނާއާއެކު މަސްހިފަށް މޫދަށް ދިޔަ އެހެން މީހުންނާއި ހަވާލާދީ ރިޕޯޓްކޮށްފައިވެއެވެ.

ނައީޝް ގެއްލިގެން އެމްއެންޑީއެފަށް ރިޕޯޓްކޮށްފައި ވަނީ، ޑިސެމްބަރު މަހުގެ 21 ވަނަ ދުވަހުގެ ރޭ 22:10 ހާއިރުގައެވެ.