Advertisement

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު

25 Dec 2023
ޚަބަރު
ޢަލީ ސުލައިމާން

އެސްއީޒެޑްގެ ފުރަތަމަ ޕްރޮޕޯސަލް ލިބިފައިވާ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

އެސްއީޒެޑްގެ ފުރަތަމަ ޕްރޮޕޯސަލް ސަރުކާރަށް ލިބިފައިވާ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ރޭ ހޮޓެލް ޖެންގައި ކުރިއަށްދިޔަ "އެމް.އެން.އޭ.ސީ.އައި ބިލްޑަރ އެވޯޑްސް 2023" ޙަފުލާ ޝަރަފްވެރިކޮށްދެއްވައި ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާ ވިދާޅުވީ، އެސް.އީ.ޒެޑް. ޤާނޫނުގެ ދަށުން، އެސް.އީ.ޒެޑް. އިންވެސްޓްމަންޓްތަކަށް މިހާރު އޮތީ ހުޅުވާލާފައި ކަމަށެވެ. މިގޮތުން އެސްއީޒެޑްގައި އިންވެސްޓްކުރެވޭނެ އެންމެ ކުޑައަގަކަށް 100 މިލިއަން ޑޮލަރު ކަނޑައެޅީ މިސަރުކާރުންނެވެ. 

އެސްއީޒެޑްގައިން އިންވެސްޓް ކުރުމުގެ ފުރަތަމަ ޕްރޮޕޯސަލް ލިބިފައިވާކަން އިޢުލާނުކުރައްވައި ރައީސުލްޖުމްހޫރިއްޔާ ވިދާޅުވީ، ފުރަތަމަ ޕްރޮޕޯސަލް އަކީ އިއާދަކުރަނިވި ހަކަތައިގެ މަޝްރޫއެއް ހިންގުމަށް ލިބިފައިވާ ޕްރޮޕޯސަލްއެއް ކަމަށެވެ.

"ފުރަތަމަ ޕްރޮޕޯޒަލް އަޅުގަނޑުމެންނަށް ވަނީ ލިބިފައި. އެ ޕްރޮޕޯޒަލްއަކީވެސް ރިނިއުބަލް އެނަރޖީގެ ދާއިރާއިން ސަތޭކަ ދިހަ މެގަވޮޓް ހާސިލުވެގެންދާ އެސް.އީ.ޒެޑް. ޕްރޮޕޯޒަލެއް. އެ ޕްރޮޕޯޒަލް އަޅުގަނޑުމެންނަށް ލިބިފައިވާކަން އުފަލާއެކީގައި އަޅުގަނޑު އިޢުލާނު ކުރަން"

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު

ރައީސުލްޖުމްހޫރިއްޔާ ވަނީ އެޕްރޮޕޯސަލް އާއިއެކު ރާއްޖޭގައި ފެށިގެންދާ އިއާދަކުރަނިވި ހަކަތައިގެ މަޝްރޫޢުވެގެންދާނީ، ކޮޕް-28ގައި ކަނޑައެޅިފައިވާ މަޤުޞަދުތައް ޙާސިލްކުރުމަށް ކޮޕްގައި ހިމެނޭ ޤައުމަކުން ފުރަތަމަ ފަށާ މަސައްކަތަށް ވެގެންދާނެކަން ފާހަގަކުރައްވާފައެވެ.

އެސްއީޒެޑްގައި އިންވެސްޓް ކުރެވޭނެ އެންމެ ކުޑަ މިންވަރު 100 މިލިއަން ރުފިޔާއަށް ދަށްކޮށް، ރައީސް ޑރ. މުއިއްޒު ޤަރާރެއް ނެރުއްވީ، މިޑިސެމްބަރު މަހުގެ 17 ވަނަ ދުވަހުގައެވެ. މިގޮތުން އެސްއީޒެޑްގައި 9 ދާއިރާއަކުން އިންވެސްޓް ކުރުމަށް ވަނީ ނިންމަވާފައެވެ. އޭގެ ތެރޭގައި ހިމެނެނީ، އެކްސްޕޯޓަށް އިސްކަން ދީގެން ހިންގާ މެނުފެކްޗަރިންގެ މަސައްކަތްތަކާއި، ޓްރާންސްޝިޕްމެންޓް ޕޯޓާއި އިންޓަނޭޝަނަލް ލޮޖިސްޓިކްސް، ޕޯޓު، އެއާޕޯޓު، ބަލްކް ބްރޭކިން، ބަންކަރިން އާއި ޑޮކިން ސާވިސަސް އާއި، ޔުނިވާސިޓީ، ޓާޝާރީ ހޮސްޕިޓަލް، ސްޕެޝަލިޓީ ހޮސްޕިޓަލް، ދުނިޔޭގެ ފެންވަރުގެ ރިސާޗް އެންޑް ޑިވެލޮޕްމެންޓް ފެސިލިޓީ ތަރައްޤީކުރުމާއި، ދުނިޔޭގެ ފެންވަރުގެ އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ ޤާއިމްކުރުމެވެ. އޭގެ އިތުރުން، އިންޓަނޭޝަނަލް ފައިނޭންސް ސާވިސަސް އާއި، އިޔާދަ ކުރަނިވި ހަކަތަ އާއި ރާއްޖޭގައި ނެތް ޓެކްނޮލޮޖީއެއް ރާއްޖެ އަށް އާންމު ކުރުމަށް ހިންގޭ މަސައްކަތާއި، ފުޑް ސެކިއުރިޓީގެ ދާއިރާގެ އިތުރުން، ގޭސް އެކްސްޕޮލޮރޭޝަންގެ މަސައްކަތްތައް ހިމެނެއެވެ.

ރައްޔިތުންގެ މަޖިލީހުން، ސްޕެޝަލް އިކޮނޮމިކް ޒޯން (އެސްއީޒެޑް)ގެ ޤާނޫނު ފާސްކުރީ 2014 ވަނަ އަހަރުގައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.