'ފައިލޭރިއާއިން ރައްކާ'ގެ ނަމުގައި ފައިލޭރިއާއިން ރައްކާތެރިކަން ހޯދުމުގެ ގޮތުން އާބަންކޯއިން ކެމްޕޭނެއްފަށައިފިއެވެ.

އާބަންކޯއިން ބުނީ، ހުޅުމާލެ 12 ޒޯނަކަށްބަލައި،  އެޒޯންތަކުގައި ދިރިއުޅޭ މީހުން، ސްކޫލް ކުދިން، ސަރުކާރު އޮފިސް ކުންފުނިތައް ހިމެނޭހެން އެންމެން ގުޅިގެން ސާފުކުރުމުގެ ބޮޑު ހަރާކާތެއް ފެށުމަށްވެސް ރާވާފައިވާ ކަމަށެވެ. އަދި  އަރބަންކޯގެ އެދުމަކީ މި ހަރަކާތްތަކުގައި ވީހާވެސް ގިނަ ރައްޔިތުން ބައިވެރިވެ، އެންމެން އެކީގައި ގުޅިގެން މަސައްކަތް ކޮށް މަދިރި ފެތުރޭ ތަންތަން ނައްތާލުން ކަމުގައިވެސް އެކުންފުނިން ވަނީ ބުނެފައެވެ.

ހުޅުމާލެއިންވެސްގެ ކޭސްތަކެއް ފެނިފައިވާއިރު، ފައިލޭރިއާ އިތުރަށް ފެތުރުނަނުދީ ކޮންޓްރޯލްކުރުމަށް އަރބަންކޯއިން ދަނީ ތަފާތު މަސައްކަތްތައް ކުރަމުން ކަމުގައި އެކުންފުނިން ވަނީ ބުނެފައެެވެ.

Advertisement

އަރބަންކޯއިން ވަނީ މި މަހުގެ 22 ވަނަ ދުވަހު އެޗްޕީއޭ އަދި ދިވެހި ރެޑް ކްރެސެންޓް އާއި ގުޅިގެން ހުޅުމާލޭގައި ދިރިއުޅޭ ބިދޭސީންގެ ހެލްތު ސްކީރިންންގް ކުރިއަށްގެންގޮސްފައި ވާއިރު ހުޅުމާލެއިން މިހާތަނަށް 5 މީހުން ފައިލޭރިއާއަށް ޕޮޒިޓިވްވެފައިވާ ކަމުގައި އެޗްޕީއޭއިން ވަނީ ހާމަކޮށްފައެވެ.

މުޅި ރާއްޖެއިން މިހާތަނަށް 32 މީހަކު ވަނީ ފައިލޭރިއާއަށް ޕޮޒިޓިވްވެފައެވެ. އެ އެންމެންނަކީވެސް ރާއްޖޭގައި މަސައްކަތްކުރާ ބިދޭސީންނެވެ.