Advertisement
ކޮމިޝަނަރ އޮފް ޕޮލިސް ޢަލީ ޝުޖާޢުައަށް މަޤާމުގެ ލިޔުން ހަވާލުކުރެއްވުން --
ކޮމިޝަނަރ އޮފް ޕޮލިސްގެ މަޤާމަށް ޝުޖާޢު ޢައްޔަނުކުރައްވައިފި
އެސިސްޓެންޓް ކޮމިޝަނަރ އޮފް ޕޮލިސް ޢަލީ ޝުޖާޢު، ކޮމިޝަނަރ އޮފް ޕޮލިސް މަޤާމަށް މިއަދު އައްޔަނުކުރައްވައިފިއެވެ.
ޝުޖާއު އެމަޤާމަށް އައްޔަނުކުރެއްވުމާއި، މަޤާމުގެ ލިޔުން ހަވާލުކުރުމުގެ ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. ޝުޖާއު އެމަޤާމަށް އައްޔަނުކުރައްވައި މަޤާމުގެ ފަތްކޮޅު ހަވާލުކޮށްދެއްވީ ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒެެވެ.
ޢަލީ ޝުޖާއުއަކީ ފުލުހުންގެ ޚިދުމަތުގައި ދިގު މުދައްތެއް ހޭދަކުރައްވާފައިވާ ބޭފުޅެކެވެ. އަދި ޕޮލިސް އެކަޑަމީގެ އިސްވެރިއެއްގެ ގޮތުގައިވެސް މަސައްކަތްކުރައްވައި، ފުލުހުންގެ ޤާބިލްކަމް އިތުރުކުރެއްވުމަށް ގިނަ މަސައްކަތްތަކެއް އަލީ ޝުޖާޢުކުރެއްވިއެވެ.
ޢަލީ ޝުޖާޢު ވަނީ މެލޭޝިއާގެ އިންޓަރނޭޝަނަލް އިސްލާމިކް ޔުނިވަރސިޓީން މާސްޓަރ އޮފް މެނޭޖްމަންޓް ހާސިލުކުރައްވާފައެވެ. މީގެ އިތުރުން ޢަލީ ޝުޖާޢު އަކީ އެމެރިކާގެ ޔުނިވަރސިޓީ އޮފް ވަރޖީނިއާ އެފިލިއޭޓްވާ އެފްބީއައި ނޭޝަނަލް އެކަޑަމީ ސެޝަން 277ގެ އެފްބީއައި ގުރެޖުއޭޓެއް ވެސް މެއެވެ.
