Advertisement

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު --

25 Dec 2023
ޚަބަރު
ޢަލީ ސުލައިމާން

މިސަރުކާރުން ހިންގާނެ އެންމެ ބޮޑު އެއް މަޝްރޫއަކީ ސިކުނޑިތައް ބިނާކުރުން - ރައީސް

މިސަރުކާރުން ހިންގާނެ އެންމެ ބޮޑު އެއް މަޝްރޫއަކީ ސިކުނޑިތައް ބިނާކުރުން ކަމުގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ހުޅުމާލެ ދެވަނަ ފިޔަވަހީގައި އިމާރާތްކުރާ އައު ސްކޫލުގެ ބިންގާއެޅުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާ ވިދާޅުވީ، ސިކުނޑިތައް ބިނާކުރުމަކީ މިސަރުކާރުގެ އެންމެބޮޑު އެއް މަޝްރޫޢު ކަމަށާއި، ކިތަންމެ އުސްކޮށްވެސް އިމާރާތް ހެދިދާނެކަމަށާއި އެހެންނަމަވެސް އެ އިމާރާތް އެހެދޭ އުސްމިނާ އެއްވަރަށް ސިކުނޑިތައް ތަރައްޤީ ނުކުރެވޭނަމަ ޤައުމަކުން ކުރާނެ މާބޮޑު ފައިދާއެއް ނޯންނާނެ ކަމަށެވެ.

"އަޅުގަނޑުމެންގެ މި ސަރުކާރަށް މަހެއްހާ ދުވަސް، ހައެއްކަ ހަފްތާ މި ވީއިރުގައި، އެންމެ ފުރަތަމަ ބިނާކުރާ އިމާރާތް އަޅުގަނޑުމެން ގަސްތުކުރީ، ތަޢުލީމަށް ބިނާކުރެވޭ އިމާރާތަކަށް ހަދަން. އެގޮތުން، ވަރަށް އުފާކުރަން، މިއަދު މިތަނުގައި ސަތާރަ ސަތޭކައެއްހާ ކުދިންނަށް ކިޔަވައިދެވޭ ގޮތަށް މި ބައްޓަން ކުރެވޭ އިމާރާތް އެޅުމުގެ މަސައްކަތް ފެށޭތީ."

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު

ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ސަރުކާރުގައި، ތަޢުލީމަށާއި މީހުން ބިނާކުރުމަށް ޚާއްޞަ އިސްކަމެއް ދިނުމަކީ އެމަނިކުފާނުގެ ރިޔާސީ ވަޢުދުތަކުގެ ތެރޭގައި ހިމެނޭ ކަމެކެވެ. މިގޮތުން އެމަނިކުފާނުގެ ސަރުކާރުގެ ހަފްތާ 14 ގެ ލަނޑުދަނޑިތަކުގެ ތެރޭގައި ތަޢުލީމީ ދާއިރާއިންނާއި މީހުން ބިނާކުރުމުގެ ދާއިރާއިން ޙާސިލްކުރަން ބޭނުންވާ ކަންކަން ހިމަނުއްވާފައިވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.