މޯލްޑިވްސް ރިޓަޔަރމަންޓް ޕެންޝަން ސްކީމު ހިންގުމަށް ނަގާ އިދާރީ ފީ ކުޑަކުރުމަށް ޕެންޝަން އޮފީހުގެ ބޯޑުން ނިންމައިފިއެވެ. ފެންޝަން ސްކީމު ހިންގުމަށް ނަގާ އިދާރީ ފީއަކީ ދިވެހިރާއްޖޭގެ ޕެންޝަނާބެހޭ ޤާނޫނުގެ 7 ވަނަ މާއްދާގެ ދަށުން ނަގާ ފީއެކެވެ.

މޯލްޑިވްސް ރިޓަޔަރމަންޓް ޕެންޝަން ސްކީމު ހިންގުމަށް ނަގާ އިދާރީ ފީ ކުޑަކުރުމަށް ނިންމައި މިހާރު ވަނީ ގެޒެޓްގައިވެސް އާންމުކުރައްވާފައެވެ.

ޕްރީ ރިޓަޔަމަންޓް ފަންޑުތަކާއި ޕޯސްޓް ރިޓަޔަމަންޓް ފަންޑުތަކުން މިހާރު އަހަރަކަށް ނަގަމުން އަންނަނީ %0.6 އެވެ. ފީ ކުޑަކުރުމާއިއެކު ދެން ޕްރީ ރިޓަޔަމަންޓް ފަންޑުތަކުން ނަގާނީ %0.5 އެވެ. އަދި ޕޯސްޓް ރިޓަޔަމަންޓް ފަންޑުތަކުން ނަގާނީ 0.3% ކަމަށް މޯލްޑިވްސް ޕެންޝަން އެޑްމިނިސްޓްރޭޝަންގެ އޮފީހުން ވަނީ ބުނެފައެވެ.

މި ބަދައަށް އަމަލުކުރަން ފަށާނީ އަންނަ ޖަނަވަރީ މަހުގެ 1 ވަނަ ދުވަހުން ކަމަށްވެސް ޕެންޝަން އޮފީހުން ވަނީ ބުނެފައެވެ.