ރާއްޖެއިން ބޭރުގައި، ދިރިއުޅޭ ކިޔަވާކުދިންނަށް މިހާރު ދޭ، 750 ޑޮލަރު ލިމިޓް 1250 ޑޮލަރަށް މަތިކުރެއްވުމަށް ވަޒީރުންގެ މަޖިލީހުން ނިންމައިފިއެވެ.

އިއްޔެ ބޭއްވި ވަޒީރުންގެ މަޖިލީހުގެ ބައްދަލުވުމުގައި ނިންމި ނިންމުތަކާއި ގުޅޭ ގޮތުން މައުލޫމާތު ދެއްވަމުން ރައީސުލްޖުމްހޫރިއްޔާގެ އޮފީހުގެ، ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޡިމް އިބްރާހީމް ނާޒިމް ވިދާޅުވީ، އެ ނިންމުމާއި ގުޅޭގޮތުން ނިންމަވަން ޖެހޭ އިދާރީ ޓެކްނިކަލް މަސައްކަތްތައް, ފިނޭންސް މިނިސްޓްރީ އާއި ބޭންކް އޮފް މޯލްޑިވްސް އެމްއެމްއޭއާ ގުޅިގެން ކުރިއަށްގެންދިޔުމަށްވެސް އިއްޔެގެ ވަޒީރުންގެ މަޖިލީހުން ވަނީ ނިންމަވާފައިކަމަށެވެ. އަދި މިކަން ތަންފީޒްވެގެން ދިޔުމަކީ، ދަރިވަރުންނަށް ލުއިފަސޭހަތަކެއް ވެގެންދާނެ ކަމެއް ކަމުގައި އޭނާ ނާޒިމް ވިދާޅުވިއެވެ.

ރައިސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަގުތަކީ މިހާރުގެ ކާޑުގެ ލިމިޓް މުޅިން އުވާލެއްވުމެވެ. އެހެންކަމުން ނާޒިމް ވިދާޅުވީ، މަރުހަލާތަކަކަށް ބަހާލައިގެން އެ ލަނޑުދަނޑި ހާސިލްކުރެއްވުމަށް ނިންމަވާފައިވާ ކަމަށެވެ.

މިގޮތުން މިބަދަލު ގެންނާނީ 1 ފެބުރައަރީން ފެށިގެން ކަމުގައިވެސް ނާޒިމް ވިދާޅުވިއެވެ.