ދައުލަތުގެ ވަރަށް ގިނަ އިސް މަޤާމުތަކެއް ފުރުއްވާފައިވާ، އާޒިމާ ވިދާޅުވީ، ރާއްޖޭގެ ނޫހަކު އެކަމަނާގެ ދަރަންޏާއި ގުޅޭ އިތުރު މައްސަލައެއް ކޯޓުގައި އޮތްކަމަށް ބުނެ ޚަބަރު ފަތުރާފައި ވިޔަސް، ކޯޓުގައި އެފަދަ މައްސަލައެއް ނެތްކަން ކަށަވަރު ކުރައްވާފައިވާކަމަށެވެ. އަދި އެނޫހުން އެޚަބަރު ފެތުރުމުގައި ޢަމަލުކޮށްފައި ވަނީ އެންމެ ރަނގަޅަށް ނޫން ކަމަށާއި، އެކަމުގެ ސަބަބުން އެކަމަނާގެ އިންތިޚާބީ ޚައްޤަކަށް ހުރަސް އެޅިގެންދާކަމަށެވެ. އަދި އެއި އަބުރުގެ މައްސަލައަކަށް ވުރެ ބޮޑަށް ޖިނާޢީ މައްސަލައަކަށް ވާނެ ކަމުގައިވެސް އާޒިމާ ވިދާޅުވިއެވެ.

އިންޑިއާއަށް ދިވެހިރާއްޖެއިން ކަނޑައަޅުއްވާފައިވާ ސަފީރު، އިބްރާހިމް ޝަހީބް އިންޑިއާގެ އެކްސްޓާރނަލް އެފެއާޒް މިނިސްޓްރީއަށް ޙާޟިރުކޮށްފައި ވަނީ، ދިއްލީގެ ގަޑިން ހެނދުނު 9:30 އަށެވެ. އެގަޑިއަށް ރާއްޖޭގެ ސަފީރު، އިބްރާހިމް ޝަހީބު އިންޑިއާގެ އެކްސްޓާރނަލް އެފެއާޒް މިނިސްޓްރީއަށް ވަޑައިގެންނެވިއެވެ. އެހެން ނަމަވެސް އެބައްދަލުވުމާއި ގުޅޭ ގޮތުން ދިވެހި ޚާރިޖިއްޔާގެ ފަރާތުން މިހާތަނަށް އެއްވެސް އެއްޗެއް ހާމަކޮށްފައެއް ނުވެއެވެ.

ޗައިނާގެ ރައީސް ޝީ ޖިންޕިން ގެ ދަޢުވަތަކަށް ރައީސުލްޖުމްހޫރިއްޔާގެ ދެކަނބަލުން ކުރައްވާ މި ފުރަމާނަ ދަތުރުފުޅުގައި އެޤައުމަށް މިއަދު ހެނދުނު ވަޑައިގަތުމުން އެއާޕޯޓުން ރައީސުލްޖުމްހޫރިއްޔާގެ ދެކަނބަލުންނަށް މަރުޙަބާ ވިދާޅުވީ، ޗައިނާ ސަރުކާރުގެ އިސް ބޭފުޅުންނެވެ.

ރައީސުލްޖުމްހޫރިއްޔާގެ މި ފުރަމާނަ ދަތުރުފުޅުގައި ދިވެހިރާއްޖެއާއި ޗައިނާއާ ދެމެދު ރަސްމީ ވާހަކަފުޅުތައް ބާއްވަވާނެ ކަމަށާއި، އަދި ދެ ޤައުމުގެ ދެމެދު އެކި ދާއިރާތަކުން ގުޅުން ބަދަހިކުރުމުގެ މުހިންމު އެއްބަސްވުންތަކެއް ބަދަލުކުރުމަށްވެސް ހަމަޖެހިފައިވާ ކަމުގައި ރައީސުލްޖުމްހޫރިއްޔާގެ އޮފީހުން ވަނީ ވިދާޅުވެފައެވެ.

އެތިން ބޭފުޅުން މަޤާމުން ސަސްޕެންޑްކޮށްފައިވާ ކަން ރައީސުލްޖުމްހޫރިއްޔާގެ އޮފީހުގެ މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ސްޓްރެޓީޖިކް ކޮމިއުނިކޭޝަން، އިބްރާހީމް ޚަލީލު ކަށަވަރުކޮށްދެއްވިއެވެ.

އިންޑިއާގެ ބޮޑުވަޒީރު ނަރެންދުރަ މޯދީ، އިންޑިއާގެ ޓެރިޓަރީއެއްގެ ގޮތުގައި އޮތް ލަކްޝަދީބަށް ކުރެއްވި ރަސްމީ ދަތުރުފުޅުގައި، ލަކްޝަދީބުގެ ޓުއަރިޒަމް ޕްރޮމޯޓް ކުރެއްވުމަށް، ސޯޝަލްމީޑިއާއަށް ދޫކޮށްލި ޕޯސްޓްތަކާ ގުޅިގެން އެ މަނިކުފާނާއި އެ ގައުމުގެ ސިޔާސީ ލީޑަރުންނަށް ނިސްބަތްވާ ގޮތަށް މީސްމީޑިއާގައި ބޭއަދަބީ ކޮމެންޓުކުރުން ދިވެހި ސަރުކާރުން ކުށްވެރިކޮށްފިއެވެ.

އިންޑިއާގެ ބޮޑުވަޒީރު ނަރެންދުރަ މޯދީ، އިންޑިއާގެ ޓެރިޓަރީއެއްގެ ގޮތުގައި އޮތް ލަކްޝަދީބަށް ކުރެއްވި ރަސްމީ ދަތުރުފުޅުގައި، ލަކްޝަދީބުގެ ޓުއަރިޒަމް ޕްރޮމޯޓް ކުރެއްވުމަށް، ސޯޝަލްމީޑިއާއަށް ދޫކޮށްލި ޕޯސްޓްތަކާ ގުޅިގެން ދިވެހިން ފަތުރަމުންދާ ނަފުރަތާއި ތަފާތު ކުރުމަކީ ބަލައި ގަނެވޭނެކަމެއް ނޫންކަމަށް، އިންޑިއާގެ މަޝްހޫރު ފިލްމީ ތަރި އަކްޝޭ ކުމާރު ބުނެފިއެވެ.

ރައީސް އިބްރާޙިމް މުޙައްމަދު ޞާލިޙްގެ ސަރުކާރުގައި މޯލްޑިވްސް އިމިގްރޭޝަންގެ ކޮންޓްރޯލަރ ޖެނެރަލްގެ މަގާމު އަދާކުރެއްވި މުޙައްމަދު އަޙުމަދު ޙުސެއިން (ހަނަފީ) ވެސް، މިހާރުގެ ސަރުކާރުގެ އިސް އޮފިޝަލުންގެ ފަރާތުން ފެންނަމުންދާ ބޭ އަދަބީ އަމަލުތައް ހުއްޓުވުމަށް ގޮވާލައިފިއެވެ.

ރައީސް މައުމޫންގެ ޕޯސްޓުގައި ވިދާޅުވީ، އެއްވެސް ސަބަބަކާހުރެ ރާއްޖޭގައި މަރުގެ އަދަބު ދޭން ފެށުމަކީ ފެންނަ ކަމެއް ނޫންކަމަށާއި، އަދި ޢާންމުންގެ ތާއީދު ހޯދުމަށް އެވާހަކަ ދެއްކުމަކީ ތަޢުލީމީ މީހަކު ކޮށްގެންވާނެ ކަމެއް ވެސް ނޫންކަމަށެވެ.

ވެލާނާ އިންޓަނޭޝަނަލް އެއާޕޯޓުގައި އެއް ދުވަހެއްގެ ތެރޭ އެންމެ ގިނަ ސީޕްލޭން މޫމަންޓްސްއާއިއެކު އައު ރިކޯޑެއް ހަދައިފިއެވެ. މި ރެކޯޑް ހަދާފައިވަނީ މިދިޔަ އަންގާރަ ދުވަހުކަމަށް އެމްއޭސީއެލްއިން ވަނީ ބުނެފައެވެ.

ރައީސުލްޖުމްހޫރިއްޔާގެ ނައިބު އަލްއުސްތާޛް ޙުސެއިން މުޙައްމަދު ލަތީފް، މޮންޓެނިގްރޯއަށް ކުރި ރަސްމީ ދަތުރުފުޅަށް 589،736 ރުފިޔާ ޚަރަދުވެފައިވާކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއްޖެއެވެ.

ށ. ގޮއިދޫގައި ދަނޑުވެރިކަމުގެ ޕްރޮސެސިން ފެސިލިޓީއެއް އަޅަން އެ ރަށު ކައުންސިލުން އިއުލާނުކޮށްފިއެވެ. މި އިއުލާނުގައި ވަނީ ކައުންސިލުގެ އަމިއްލަ ތަކެތީގައި ކުރެހުމާ އެއްގޮތަށް ދަނޑުވެރިކަމުގެ ޕްރޮސެެސިން ފެސިލިޓީއެއް އަޅައިދޭނެ ބަޔަކު ހޯދުމަށެވެ.

ކުރިން އޮންނަ ގޮތުން ސިޔާސީ ޕާޓީއެއް އުފައްދަން ބޭނުންނަމަ، އެކަން އިލެކްޝަންސް ކޮމިޝަނަށް ހުށައެޅޭނީ ކޮންމެވެސް އެކެއްގެ ނަމުގައެވެ. އަދި ކޮމިޝަނުން ޕާޓީ އުފެއްދުމުގެ ހުއްދަ ދޫކުރަނީވެސް އެފަރާތެއްގެ ނަންމަތީގައެވެ.

މިއަދު ބާއްވާ ވަޒީރުންގެ މަޖިލީހުގެ ބައްދަލުވުމުގެ ކުރިން ރައީސް އޮފީހުގެ ޕްރެސްޓީމާއި ރައީސުލްޖުމްހޫރިއްޔާ ޙިއްޞާކުރެއްވި މަޢުލޫމާތުގައި އެމަނިކުފާނު ވިދާޅުވީ، ރާއްޖޭގައި ޑިވޮލޮޕްމަންޓް ބޭންކެއް އުފެއްދުމަށް ވަޒީރުންގެ މަޖިލީހުގައި މަޝްވަރާކުރެއްވުމުގެ އިތުރުން، ރާއްޖޭގައި އޮންލައިން ޕޭމެންޓް ޕްލެޓްފޯމްތައް ބޭނުންކޮށްގެން، ފައިސާ ދެއްކުމުގައި ހުރި ހުރަސްތައް ނައްތާލުމާއި ގުޅޭ ގޮތުންނާއި، ފަތުރުވެރިކަމުގެ ދާއިރާއަށް (މުވައްޒަފުންނާއި އާއިލާތަކަށް) ސޯޝަލް ހައުސިންގ ކެޓަގަރީއެއް ތަޢާރަފްކުރުންފަދަ މުހިއްމު ކަންކަމާއި ގުޅޭ ގޮތުން މިއަދުގެ ވަޒީރުންގެ މަޖިލީހުގައި މަޝްވަރާކުރައްވާނޭ ކަމަށެވެ.

މަޖިލިސް އިންތިޚާބު ރޯދަމަހުގެ ތެރޭގައި ނުބޭއްވުމަށް އެދި އެންމެ ބޮޑުޕާޓީ އެމްޑީޕީން ވަނީ އިލެކްޝަންސް ކޮމިޝަނަށް ސިޓީއެއް ފޮނުވާފައެވެ. ކޮމިޝަނުން ވިދާޅުވީ އެމްޑީޕީއާއެކު މާދަމާ 11:30ގައި ބައްދަލުވުމެއް ބޭއްވުމަށް ނިންމާފައިވާ ކަމަށެވެ.

ރައީސުލްޖުމްހޫރިއްޔާ ޑރ މުޙައްމަދު މުއިއްޒުގެ ސަރުކާރުގެ އިސް މަގާމުތަކުގައި ތިއްބެވި ބައެއް ބޭފުޅުންގެ ވާހަކަތަކަކީ ސަރުކާރުގެ ޕޮލިސީ ނޫންކަން އިންޑިއާއަށް ހާމަކޮށްދިނުމަށް ރައީސް މުޙައްމަދު ނަޝީދު ގޮވާލައިފިއެވެ. ރައީސް ނަޝާދު މިގޮތަށް ގޮވާލެއްވީ، މިހާރުގެ ސަރުކާރުގެ މިނިސްޓްރީ އޮފް ޔޫތު އެމްޕަވަމަންޓް، އިންފޮމޭޝަން އެންޑް އާޓްސްގެ ޑެޕިއުޓީ މިނިސްޓަރެއްގެ މަގާމުގައި ހުންނެވި އަލްފާޟިލާ މަރިޔަމް ޝިއުނާ "އެކްސް" ގައި، އިންޑިއާގެ ބޮޑު ވަޒީރު ނަރެންދްރަ މޯދީއާ ގުޅުވައި ކުރެއްވެވި ޕޯސްޓަކާ ގުޅިގެންނެވެ.