Advertisement

ރައީސުލްޖުމްހޫރިއްޔާ، ޑރ. މުހައްމަދު މުޢިއްޒާއި އިންޑިއާގެ ބޮޑުވަޒީރުގެ ކޮޕް-28ގައި ބޭއްވި ބައްދަލުކުރެއްވުމުގެ ތެރެއިން --

08 Jan 2024
ޚަބަރު
ޢަލީ ސުލައިމާން

އިންޑިއާ އާއި ދިވެހިރާއްޖޭންވެސް ދެޤައުމުގެ ސަފީރުން ހާޟިރުކޮށް ސުވާލުކޮށްފި

އިންޑިއާ އާއި ދިވެހިރާއްޖޭގެ ރައްޔިތުންގެ މެދުގައި އޮތް ގުޅުމާއި ދެސަރުކާރުގެ މެދުގައި އޮތް ގުޅުން ނުތަނަވެސް އިންޑިއާ އާއި ދިވެހިރާއްޖެއާ ދެޤައުމުންވެސް ސަފީރުން އެޤައުމެއް ޚާރިޖިއްޔާއަށް ޙާޟިރުކޮށް ސުވާލުކޮށްފިއެވެ.

އިންޑިއާއަށް ދިވެހިރާއްޖެއިން ކަނޑައަޅުއްވާފައިވާ ސަފީރު، އިބްރާހިމް ޝަހީބް އިންޑިއާގެ އެކްސްޓާރނަލް އެފެއާޒް މިނިސްޓްރީއަށް ޙާޟިރުކޮށްފައި ވަނީ، ދިއްލީގެ ގަޑިން ހެނދުނު 9:30 އަށެވެ. އެގަޑިއަށް ރާއްޖޭގެ ސަފީރު، އިބްރާހިމް ޝަހީބު އިންޑިއާގެ އެކްސްޓާރނަލް އެފެއާޒް މިނިސްޓްރީއަށް ވަޑައިގެންނެވިއެވެ. އެހެން ނަމަވެސް އެބައްދަލުވުމާއި ގުޅޭ ގޮތުން ދިވެހި ޚާރިޖިއްޔާގެ ފަރާތުން މިހާތަނަށް އެއްވެސް އެއްޗެއް ހާމަކޮށްފައެއް ނުވެއެވެ.

އިންޑިއާ ސަރުކާރުން ރާއްޖެއަށް ކަނޑައަޅުއްވާފައިވާ ސަފީރު މުނޫ މަހާވަރު، މިއަދުގެ މެންދުރު 12:00އަށް ވަޑައިގެންނެވުމަށް ރާއްޖޭގެ ޚާރިޖިއްޔާއިން ދަންނަވާފައިވާ އިރު، އެއީ ކުރިން ހަމަޖެހިފައި އޮތް ބައްދަލުވުމެއް ކަމުގައި ވަނީ ރިޕޯޓްކޮށްގައެވެ.

އިންޑިއާ ހައިކޮމިޝަންގެ އެކްސް ޕޯސްޓް --

އިންޑިއާ ސަފީރު މުނޫ މަހާވަރު، ރާއްޖޭގެ ޚާރިޖިއްޔާގެ ފަރާތުން ބައްދަލުކުރެއްވީ، އެމްބެސެޑަރ އެޓް ލާޖް ޑޮކްޓަރ ޢަލީ ނަޞީރު މުޙައްމަދެވެ. މިބައްދަލު ކުރެއްވުމާއި ގުޅޭ ގޮތުން އިންޑިއާ ހައިކޮމިޝަނުން ބުނެފައި ވަނީ، މިއަދު ބޭއްވެވި ބައްދަލުކުރެއްވުމުގައި ދެޤައުމުގެ ގުޅުން އިތުރަށް ބަދަހިކުރެއްވުމާ ބެހޭގޮތުން މަޝްވަރާކުރެއްވި ކަމަށެވެ.

އިންޑިއާގެ އެކްސްޓަރނަލް އެފެއާޒް މިނިސްރީއަށް ދިއްލީގައި ހުންނަވާ ދިވެހިރާއްޖޭގެ ސަފީރު ހާޟިރުކުރީ، މިޖެނުއަރީ މަހުގެ 4 ވަނަ ދުވަހު އިންޑިއާގެ ބެލުމުގެ ދަށުގައި އޮންނަ ލަކްޝަދީބަށް ޒިޔާރަތްކުރައްވައި، އިންޑިއާގެ ބޮޑުވަޒީރުގެ ސޯޝަލްމީޑިއާ އެކައުންޓްތަކުގައި ކުރި ޕޯސްޓްތަކަށް، ދިވެހި ސަރުކާރުގެ ވަޒީރުންގެ ނައިބުގެ ފެންވަރުގައި ތިއްބެވި ތިންބޭފުޅަކު، ބޮޑުވަޒީރު މޯދީއަށް ފުރައްސާރަ އާއި މަލާމާތްކޮށް ދެޤައުމުގެ ދެމެދުގައި އޮތް ގުޅުންތަކަށް ބުރޫއަރާފައިވާ ވަގުތެއްގައެވެ.

އެފަރާތްތަކުގެ އެއަމަލާއި ގުޅިގެން އެތިން ނައިބު ވަޒީރުން މަޤާމުން ސަސްޕެންޑްކޮށް ފިޔަވަޅު އަޅާފައި ވާއިރު، ޤައުމުތަކުގެ ވެރިންނާއިމެދު ކުޑައިމީސްކޮށް ފުރައްސާރަކޮށް ހަދާ ފަރާތްތަކާއި މެދު ފިޔަވަޅުތައް އަޅާނެ ކަމުގައި ރާއްޖޭގެ ފޮރިން މިނިސްޓްރީ އެއަމަލުތައް ކުއްވެރިކޮށް ނެރުނު ބަޔާނުގައި ބުނެފައިވެއެވެ.

ޤައުމުތަކުގެ މެދުގައި އުފެދޭ ސިޔާސީ މައްސަލަ ތަކާއި ގުޅިގެން އެއްޤައުމުން އަނެއް ޤައުމެއްގެ ސަފީރުން ޙާޟިރުކޮށް ސުވާލު ކުރުމަކީ، އުފެދިފައިވާ މައްސަލަތަކާއި މެދު އެ ސަރުކާރަކުން ދެކޭ ގޮތް ހާމަކުރުމުގެ ގޮތުން އަޅާ ރަމްޒީ ފިޔަވަޅެކެވެ.

އިންޑިއާ އާއި ރާއްޖޭގެ ގުޅުން ނުތަނަވަސް ވެފައިވާ މިދަނޑިވަޅުގައި، ރައީސުލްޖުމްހޫރިއްޔާ އާއި އެމަނިކުފާނުގެ ސަރުކާރު އެންމެ އިސްބޭފުޅުން މިއަދު ވަނީ ޗައިނާއަށް ވަޑައިގެންފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.